HOSEA 12:2 - Hakcipta - Biatah Bidayuh

² TUHAN biyŭn kayuh an-I pakai ngga nyarah daya Judah; Ayŭh gŭh re ngukum Israel amai urah-rakah ngara. Ayŭh re maras ngara yŭn kayuh adi ngara mbŭh ndai.

HOSEA 12:2 ပူးပေါင်းရင်းမြစ်များ

2 RAJA 17:4

Pak ndi sidah Hoshea pait pinyisung ka So, raja Egypt, mite turung so ayŭh, ka dŭh tia bayar takŭd ka Assyria. Kan Shalmaneser dingah kayuh anŭ, ayŭh nakap Hoshea ka na ayŭh darŭm jer.

MAZMUR 78:36

Pak pinganang ngara, sopŭrŭg-i pinganang kadong; mating adŭ kayuh adi nang ngara sawŭ.

EKLISIASTIS 5:15

Ata bu so ong ati mun ata mandŭg ka ong ati, dŭh taban ani ani. Sunggu ata bandar nyiraja mating kayuh re ata taban ngga bu.

ISAIAH 10:12

Pak TUHAN nang, “Kan Aku muko ngamas kayuh adi Aku ndai di tunduh Sandah Zion ngga di Jerusalem, Aku re ngukum raja-empaya Assyria amai pinganang gambung-i ka uap sambuh-i.”

ISAIAH 10:6

Aku pait Assyria bada nyerang bangsa adi mbŭh taran pinyabah, ka adi mbŭh bada Aku baji. Aku pait ngara bada sirapas ka naku kayuh ngara ka bidigang di tunduh ngara mun digang tana di aran.”

ISAIAH 24:21

Tika-i re mandŭg kan TUHAN re ngukum bara pinguasa di rangit samŭn bara pimritah di ong.

ISAIAH 3:11

Pak payah inŭh daya adi arap; kayuh adi ngara ndai di tunduh daya bŭkŭn re dog ndai di tunduh adŭp ngara.

ISAIAH 30:6

Ati inŭh agah so Tapa pasar dāng di parad siratan tarun tana-pajam: “Pingarun pingarun panu mutas rais adi yŭn pinyusah bisa timbur, di yŭn singah rŭŭ ka agi dudu jippŭh ngga naga adi bisa mikabur. Ngara na pinganggen adi brega di tunduh kaldi ngga onta an ngara taban ka bangsa adi dŭh dapŭd turung ngara.

ISAIAH 59:18

Ayŭh re ngukum bara pinganyu-I nanyam ka pingandai ngara, samŭn ngara adi rŭŭ di tarun tana adi jo.

JEREMIAH 25:31

Bana jawŭn sirŭŭn-I re dog dingah ndŭg bŭngŭn bŭngŭn ong. TUHAN mbŭh nyarah bangsa bangsa. Ayŭh re taban bangsa bangsa ngga bisara ka daya ginaka re dog nggen ukum kabŭs. TUHAN mbŭh minyu.’ ”

HOSEA 2:13

Aku re ngukum ayŭh amai tika tika adi ngga-i kambŭt Aku kan-i badang kimanyan ka Baal ka pakai pimakai grua-i ngga di tadak bara ambai-i. TUHAN mbŭh minyu.

HOSEA 4:1

TUHAN nyarah daya adi rŭŭ di tarun tana ati. Dingah Israel, kayuh adi-I nang, “Mating pinyitŭtŭd bait kah pinyirindu di tarun tana ati, ka daya dŭh ngaku Aku ati Tapa.

HOSEA 4:9

Angān re sua kinyam ukum adi Aku re nggen di daya Ku! Aku re ngukum angān yŭn arap adi mbŭh ngan ndai.

HOSEA 7:1

“Tiap kari Aku raan pibua daya Ku Israel ka bada ngara pari mujur, kayuh adi Aku kiris batur-i udip ginaka ka pingandai arap ngara. Ngara nipu dingan ngara; ngara mŭrŭt ramin daya ka naku; ngara mirupak daya di aran raya.

HOSEA 7:11

Israel mbŭh keya ka manuk asang adi budo. Sibungas-i daya Israel mite turung so Egypt, ka komŭnŭ so Assyria!

HOSEA 7:2

Bŭn ngara rada Aku re ingat sopŭrŭg pingandai arap anŭ; pak dosa ngara mbŭh marut ngara ndŭg ka Aku mbŭh kiris-i.”

HOSEA 8:10

Pak madin Aku re nguruk ngara ka ngukum ngara. Dŭm dŭh tui ngara re nyidaing amai sangsara dog kinanyuh raja-empaya Assyria.

HOSEA 8:13

Ngara jugan sadis ka Aku ka man dagin so sadis anŭ. Pak Aku, adi TUHAN, dŭh munos asŭng di ngara, ka madin Aku re ingat dosa ngara ka ngukum ngara amai dosa ngara; Aku re pait ngara pari ka Egypt!

HOSEA 8:9

Baking keya ka kaldi adi siga, daya Israel mbŭh kadŭg pinyiraan adŭp-i. Ngara mbŭh bu di mite turung so Assyria, ka mbŭh bayar bangsa bŭkŭn bada grindung adŭp-i.

HOSEA 9:15

TUHAN nang, “Sopŭrŭg pingandai arap ngara piguru di Gilgal. Diginŭ inŭh Aku piguru tiru di ngara. Ka sabab arap adi ngara mbŭh ndai, Aku re pibu ngara so tarun tana Ku. Aku re dŭh tia rindu ngara; sopŭrŭg pinguru ngara mbŭh rawan Aku.

HOSEA 9:9

Ngara mbŭh raru arap darŭm pingandai ngara, mun adŭp ngara dawŭ-i di Gibeah. Tapa re ingat dosa ngara ka sabab anŭ re ngukum ngara.

AMOS 2:4

TUHAN nang, “Daya Judah mbŭh pari pari bidosa, ka sabab anŭ Aku re sawŭ ngukum ngara. Ngara mbŭh ngamun ajar Ku ka dŭh sita pesan Ku. Ngara mbŭh manyap bada tapa-kadong adi tayung-babuk ngara ko nyambah dawŭ-i.

MICAH 6:2

Angān darŭd, angān pinagap-rasan ong adi tan adu adu, dingah kayuh adi TUHAN nang! TUHAN biyŭn kayuh an-I nang pasar daya-I. Ayŭh re nang kayuh adi ngga-I nyarah Israel.

MATTHEW 16:27

Amai Anak Manusia mbŭh re rikas mandŭg darŭm bragah Sama-I ngga bara Malaikat-I, ka-I re ngupah barang naan daya nanyam ka pingandai-i.

ROME 2:6

Amai Tapa re maras barang naan ata nanyam pingandai ta.

GALATIA 6:7

Dŭhnyah angān budo; Tapa dŭh bisa dog kadong. Anŭ adi angān purun, anŭ gŭh re angān ngatŭm.