HOSEA 10:5 - Hakcipta - Biatah Bidayuh

⁵ Daya adi rŭŭ di kupo Samaria re taru ka re ngurid dari sapi mas di Bethaven. Ngara ngga bara imam adi bituan di tibudo anŭ re muās-i. Ngara re bana sien kan-i dog pirukos so sangŭn mas-i.

HOSEA 10:5 ပူးပေါင်းရင်းမြစ်များ

HOSEA 9:11

Bragah Israel re mikabur bu mun manuk. Ngara re dŭh tia biyŭn anak. Dayung ngara re dŭh tia bite.

HOSEA 5:8

Mambak trompet di Gibeah! Mambak ngga nguga daya di Ramah! Ngab di Bethaven! Matak biperang, angān daya Benjamin!

HOSEA 4:15

“Sunggu angān daya Israel dŭh tŭtŭd di Aku, dŭhnyah gŭh angān ndai simŭnŭ. Dŭhnyah bisambah di Gilgal bait di Bethaven, puan kah ndai janji diginŭ ngga adŭn TUHAN adi udip.

2 RAJA 23:5

Ayŭh taran so kraja sopŭrŭg imam adi raja raja Judah ko garar bada jugan sadis di tunduh mija mija-sambah adat karŭm di kupo kupo Judah ka di tarun tarun sindŭk Jerusalem — sopŭrŭg imam adi jugan sadis ka Baal, ka batŭh andu, buran, ong ong bŭkŭn di rangit, samŭn bitang bitang.

HOSEA 13:2

Ngara babŭ bidosa amai babŭ ndai gayŭn gayŭn so basi an ngara nyambah, mun tibudo so pirak, adi dog ndai ngga tangan manusia. Komŭnŭ ngara nang, “Jugan sadis ka ngara!” Simuki daya re sium tibudo anŭ, tibudo adi dog ndai tunda gayŭn sapi!

PINGANDAI 19:27

Daya re piguru kinarap dagang ta. Daya re dŭh tia stabi di bari-sambah tapa Artemis, adi dog nyambah di Asia ngga di ndi ong ong. Tapa ta ati re dŭh tia timagah!”

ZEPHANIAH 1:4

“Aku re ngukum daya Jerusalem ka simŭnŭ gŭh sopŭrŭg daya Judah. Aku re pirabur sikasŭn arok arok sambah Baal diginŭ, isa daya dŭh ingat imam imam adi ko bituan di Baal.

2 KRONIKEL 11:15

Jeroboam tijuan imam imam adŭp-i bada nyiraja di tarun yŭn bisambah adat karŭm ka nyambah umot ka tibudo adi-i ndai tunda gayŭn anak dari sapi.

2 RAJA 17:16

Ngara miranggar sopŭrŭg ukum-adat TUHAN adi Tapa ngara, ka mbŭh ndai patong dari sapi basi an ngara nyambah; ngara gŭh ndai uros gayŭn tapa Asherah, nyambah bitang samŭn tapa Baal.

2 RAJA 10:29

Pak ayŭh bidosa mun Raja Jeroboam, adi taban Israel bidosa nyambah anak anak dari sapi mas adi-i pijog di Bethel ngga Dan.

AKIM 18:24

Micah nam, “Ani rati pinganang ngan anŭ? ‘Ani har?’ Angān tambit imam ku ngga tapa tapa adi adŭp ku mbŭh ndai, ka rasu bu! Ani agi dŭm yŭn ku!”

JOSHUA 7:2

Joshua pait kada daya so Jericho di ka Ai, kupo tura ka timor Bethel, sindŭk Bethaven, bada pirasa tarun tana anŭ. Muko ndai simŭnŭ,

2 KRONIKEL 13:8

Madin angān raan biperang rawan kuasa raja adi TUHAN mbŭh nggen di bara sesang David. Angān biyŭn bara tibaran soldadu adi raru bagŭ ka agi ngga angān anak sapi mas adi Jeroboam mbŭh ndai ndu tapa ngan.

ISAIAH 46:2

Tibudo dŭh dapŭd nyiramat adŭp-i; dog sirapas ka dog taban ngga bu. Simŭnŭ inŭh pimungan tapa tapa Babylon!

HOSEA 9:1

Daya Israel, dŭh tia sita gawai ngan mun daya adat karŭm. Angān mbŭh nyipunok Tapa ngan ka mbŭh dŭh tŭtŭd di Ayŭh. Di ndi tarun tana angān mbŭh jua adŭp ngan keya ka sundar di tapa Baal ka mbŭh suka trima gandom adi ngga-i ngupah angān!

AMOS 3:14

“Di andu Aku ngukum daya Israel amai dosa ngara, Aku re pirabur mija mija-sambah Bethel. Sikuh sikuh barang mija-sambah re timber ka re rabu ka tana.