HOSEA 10:1 - Hakcipta - Biatah Bidayuh

¹ Daya Israel mbŭh mun tŭngŭn anggor adi sarad ngga buwa anggor. Pimudip ngara mujur, pak tanŭ ka bagŭ mija-sambah dog pijog ngara. Bagŭ buwa pimuruh ngara, pak tanŭ ka bagŭ uros pirapu' dog nyambah ngara.

HOSEA 10:1 ပူးပေါင်းရင်းမြစ်များ

1 RAJA 14:23

Ngara pijog tarun yŭn nyambah tapa-kadong, ka pijog uros uros-batuh ngga tandā tandā pinatŭng tapa Asherah di sandah ka di ribo tŭngŭn kayuh adi biyŭn sayung-i.

JEREMIAH 11:13

Daya Judah biyŭn bagŭ tapa, kiang dudu kupo adi ngara biyŭn, ka bara adi darŭm Jerusalem mbŭh pijog bagŭ mija-sambah yŭn jugan sadis ka tapa Baal adi sipŭ anŭ: mija-sambah anŭ kiang dudu aran di darŭm kupo.

JEREMIAH 11:17

“Aku, adi TUHAN Bisa-pŭrŭg, adi purun Israel ngga Judah; pak madin Aku bada pinyirusag nyatŭk ngara. Adŭp ngara adi bada kayuh anŭ nyatŭk ngara, so pingandai ngara adi sarah. Ngara bada Aku baji ngga pingandai ngara adi jugan sadis ka Baal.”

JEREMIAH 2:28

“Diki tapa tapa anŭ adi ko angān ndai yŭn adŭp ngan? Kan angān dog pinyusah, bada ngara nyiramat angān, kambŭi ngara dapŭd? Judah, kuu biyŭn raru bagŭ tapa kiang dudu kupo mu.

HOSEA 12:11

Pak tibudo dog nyambah di Gilead, ka ngara adi nyambah-i re kabŭs. Dari sapi dog nyadis di Gilgal, ka mija mija-sambah diginŭ re jadi tugung batuh di sapa tarun.”

HOSEA 12:8

‘Kieh kaya madin,’ ngara nang. ‘Kieh biyŭn bagŭ rata. Ka mating daya bisa nang kieh jadi kaya so ka pingandai tipu.’

HOSEA 13:15

Sunggu Israel mujur mun uduh di tana adi damŭn, Aku re pait sabak timor adi paras so tarun tana-pajam, ka-i re nyibadŭh anak anak sungi ngga prigi ngara. Ka-i re taban ngga bu sopŭrŭg kayuh adi brega.

HOSEA 13:2

Ngara babŭ bidosa amai babŭ ndai gayŭn gayŭn so basi an ngara nyambah, mun tibudo so pirak, adi dog ndai ngga tangan manusia. Komŭnŭ ngara nang, “Jugan sadis ka ngara!” Simuki daya re sium tibudo anŭ, tibudo adi dog ndai tunda gayŭn sapi!

HOSEA 13:6

Pak kan angān mŭrŭt tarun tana adi kana, angān bisoh, angān jadi sambuh ka kambŭt Aku.

HOSEA 2:10

Aku re pirukos piraka-i di sirung jawin bara ambai-i, ka mating daya re tungang nyiramat ayŭh so tangan Ku.

HOSEA 2:8

Ayŭh bŭn ngaku Aku adi nggen di ayŭh gandom, wain, inyo kanā, ka sopŭrŭg pirak ngga mas adi ayŭh pakai ngga nyambah Baal.

HOSEA 3:4

Ka simŭnŭ inŭh daya Israel re tui dŭh biyŭn raja puan kah pinguru, dŭh jugan sadis, dŭh biyŭn uros uros pirapu', ka dŭh biyŭn gayŭn re-i ngga nanung.

HOSEA 4:7

“Kiang bara imam bagŭ, tanŭ ka angān bidosa rawan Aku, ngapŭi Aku re pimangŭh angān.

HOSEA 8:11

“Bagŭ mija-sambah dog pijog daya Israel ngga taran dosa, pak pinyadi-i tanŭ ka bagŭ tarun yŭn ngara ndai dosa!

HOSEA 8:4

“Daya Ku mien raja, pak ngara mien raja sadi adŭp ngara. Ngara tijuan bara pinguru, pak dŭh so pinyibandar Ku. Ngara tambit pirak ngga mas ka ndai tibudo, adi jadi pinyirusag yŭn adŭp ngara.

LEVITICUS 26:1

TUHAN nang, “Dŭhnyah ndai tibudo puan kah pijog patong, uros batuh, puan kah batuh adi dog mŭŭt ka nyambah-i. Aku TUHAN adi Tapa ngan.

NAHUM 2:2

(TUHAN re pari bragah Israel, bada mun adi dawŭ-i sibayuh pinganyu pirinda-i.)

2 CORINTH 5:16

Ata dŭh tia tingga daya so ka gaya atur manusia. Sunggu agi bait kani ata tingga Kristus nunda ka gaya atur manusia, ata mbŭh dŭh tia simŭnŭ madin.

PHILIPPI 2:21

Sopŭrŭg daya bŭkŭn kaŭs-i ndai pinyiraan adŭp-i adŭ; dŭh ngara an ndai kayuh adi mbit bat di adŭn Jesus Kristus.