HAGGAI 2:22 - Hakcipta - Biatah Bidayuh

²² ka pitumbang pritah pritah ka nyirubuh kuasa-i. Aku re bada krita krita kuda tibarik samŭn bara adi pimanu-i; kuda kuda re kabŭs, ka bara pinunggang-i re bisiŭ dupan adŭp ngara.

HAGGAI 2:22 ပူးပေါင်းရင်းမြစ်များ

2 KRONIKEL 15:6

Ndi bangsa kinanyuh bangsa bŭkŭn, ka ndi kupo kinanyuh kupo bŭkŭn, sabab Tapa taban pito ngga pinyusah di ngara.

2 KRONIKEL 20:22

Kan ngara piguru biragu, TUHAN bada bara tibaran soldadu adi nyerang jadi kandang-kandŭ.

2 KRONIKEL 20:23

Bara daya Ammon ngga daya Moab nyerang bara tibaran soldadu daya Edom ka kubo siŭ ngara, ka komŭnŭ ngara bisaad dupan adŭp ngara.

MAZMUR 46:9

Ayŭh pirŭŭ perang di ndi ong ong; Ayŭh mata bawŭh panah, pirusak jarok, ka badang pinangin.

MAZMUR 76:6

Kan Kaam pirawan ngara, O Tapa Jacob, kuda kuda ngga ngara adi nunggang-i rabu ka kabŭs.

PINYIRUAH 14:17

Aku re bada bara daya Egypt anŭ raru baking ndŭg ka ngara re tadak ngara mŭrŭt rawŭt, ka Aku re dapŭd bragah so pimanang Ku ngarah raja, bara soldadu-i, bara krita kuda-i, ka ngara adi pimanu krita krita kuda-i.

PINYIRUAH 14:28

Piin pari ka ngapuh krita krita kuda, bara adi pimanu krita kuda, ka sopŭrŭg bara soldadu Egypt adi tunda daya Israel ka darŭm rawŭt; ndi mating gŭh ngara dŭm.

PINYIRUAH 15:19

Daya Israel panu mutas rawŭt di tunduh tana badŭh. Pak kan krita krita kuda ngga bara kuda ka bara adi pimanu krita kuda mŭrŭt rawŭt, TUHAN bada piin pari, ka-i ngapuh ngara.

PINYIRUAH 15:4

“Ayŭh taran bara soldadu Egypt ngga krita kuda ngara di rawŭt; bara pingubak soldadu Egypt adi siabo pandai mbŭh rŭnggŭd di Rawŭt Bireh.

ISAIAH 19:2

TUHAN nang, “Aku re bada perang timbur dupan adŭp daya di Egypt, jurud re rawan jurud ka rasū rawan rasū. Kupo ndi rawan kupo andi, ka raja ndi rawan raja andi, sibiten kuasa.

ISAIAH 60:12

Pak bangsa bangsa adi dŭh bituan di kuu re abo dog pirabur.

ISAIAH 9:19

Sabab TUHAN adi Bisa-pŭrŭg baji, ukum-I bijagu mun apui adi minyawit di ndi tarun tana ka man daya, ndŭg ka adi bijurud man jurud adŭp-i.

EZEKIEL 21:27

Pirabur, pirabur! Sawŭ, Aku re bada kupo anŭ rabur. Pak ati dŭh re jadi sibayuh sianŭ adi Aku mbŭh mien bada ngukum kupo ati mbŭh mandŭg. Di tika anŭ Aku re nggen-i di ayŭh.

EZEKIEL 26:16

Sopŭrŭg raja adi di bŭngŭn rawŭt re mūn so takta ngara. Ngara re kadi jipo-ambu ngara samŭn piraka adi dog ngabuh ngga butik bunga jiit ka guru di tana buang kimŭtŭr. Ngara re tikaran kiris nasip mu anŭ ndŭg ka ngara adu adu kimŭtŭr.

EZEKIEL 38:21

Aku re pitaru Gog pakai barang masam pinyusah. Aku, adi TUHAN Raja, mbŭh minyu. Bara daya-i re bisiŭ dupan adŭp ngara.

EZEKIEL 39:20

Di mija Ku ngara re man sopŭrŭg kuda ngga bara pinunggang kuda ngga bara soldadu adi barang masam. Aku, adi TUHAN Raja, mbŭh minyu.”

DANIEL 8:25

Sabab ayŭh pinipu, ayŭh re mujur di kraja tipu-i. Ayŭh re mingangŭn di adŭp-i ka bŭn diŭ kidaan di daya kan-i re pirabur daya. Ayŭh re natang gŭh Raja adi siabo bās, pak ayŭh re dog pirabur dŭh ngga kuasa manusia.

AMOS 2:15

Ngara adi tukang nimbak reja-panah re dŭh tan birawan, ngara adi raju bikaduh re dŭh dapŭd bikaduh bu, ka soldadu pinunggang kuda re dŭh tungang nyiramat adŭp-i.

MICAH 5:10

TUHAN nang, “Di tika anŭ Aku re tambit kuda kuda ngan ka pirabur krita krita kuda ngan.

MICAH 5:15

Ka ngga bisā baji Ku Aku re maras dendam di sopŭrŭg bangsa adi ko dŭh nundok di Aku.”

MICAH 5:8

Ngara adi babŭ udip di dupan bangsa bangsa re keya ka singah bidandong jiroh pinguman di tuān bait di tarun tana kupai: kan-i mbŭh di ruang kaban biri, singah anŭ mirupat di tunduh biri, ka nyirigat-i; mating daya dapŭd nyiramat-i.

MICAH 5:9

Israel re ngarah pinganyu-i ka pirabur sopŭrŭg ngara.

MICAH 7:16

Bangsa bangsa re kiris kayuh anŭ ka re mangŭh amai rada pinyibake ngara dŭh biyŭn rati. Ngara re mapot baba ka kajit ngara amai dŭh dapŭd ndai ani ani.

ZEPHANIAH 3:8

“Kajŭn adŭ,” TUHAN nang, “Kajŭn andu anŭ adi ngga Aku makat ka nyarah bangsa bangsa. Aku mbŭh ndai pikir Ku an nguruk bangsa bangsa ngga pritah pritah, isa Aku bisa bada ngara kinyam bisā baji Ku. Ndi ong ong re dog pirabur ngga apui baji Ku.

ZECHARIAH 10:11

Kan ngara mutas rawŭt pinyusah ngara, Aku, adi TUHAN, re mupu girumbang, ka Yang Nile gŭh re badŭh. Assyria adi sambuh re dog pirapat, ka Egypt adi bake re manyap kuasa-i.

ZECHARIAH 10:5

Daya Judah re manang mun bara soldadu adi bidigang di tunduh pinganyu di tawang di aran. Ngara re biperang sabab TUHAN agi ngga ngara, ka ngara re ngarah ndŭg ka bara pinganyu adi nunggang kuda.

ZECHARIAH 12:9

Di tika anŭ Aku re pirabur sopŭrŭg bangsa adi suba nyerang Jerusalem.

ZECHARIAH 14:3

Komŭnŭ TUHAN re ruah ka biperang rawan bangsa bangsa anŭ, mun dawŭ-i.

ZECHARIAH 4:6

Malaikat anŭ bada aku nggen di Zerubbabel pinganang ati so TUHAN: “Kuu re mujur di pingandai mu, dŭh so ka pinyibake soldadu bait so ka pinyibake adŭp mu, pak so ka Roh Ku.

ZECHARIAH 9:10

TUHAN nang, “Aku re kadi krita krita kuda so Israel ka kadi kuda kuda so Jerusalem; bawŭh adi dog pakai di tika perang re dog pirusak. Raja ngan re ndai damai di dupan bangsa bangsa; bayah pritah-i so rawŭt ndi ndŭg rawŭt andi, so Yang Euphrates ndŭg bŭngŭn ong.”

MATTHEW 24:7

Rais re biperang ngga rais adi bŭkŭn; pritah re nyerang pritah adi bŭkŭn. Re agi apag ngga tana-bigugoh di barang yŭn.

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”

AKIM 7:22

Sitadŭn bara daya Gideon mambak trompet, TUHAN bada bara soldadu pinganyu nyerang bara adŭp-i ngga pedang. Ngara bikaduh nuju Zarethan jeh ndŭg Beth Shittah, jeh ndŭg kupo Abel Meholah sindŭk Tabbath.

1 SAMUEL 14:16

Daya Saul adi bijaga di Gibeah di tarun tana Benjamin kiris bara daya Philistine mbŭh kandang-kandŭ bikaduh.