HAGGAI 2:19 - Hakcipta - Biatah Bidayuh

¹⁹ Sunggu mating gandom dŭm, ka tŭngŭn anggor, tŭngŭn ara, tŭngŭn delima, ka tŭngŭn kanā bayuh buān, so madin Aku re nyiberkat angān.”

HAGGAI 2:19 ပူးပေါင်းရင်းမြစ်များ

TIBIRIK 26:12

Isaac nyipurun di tarun tana anŭ, ka di sawa anŭ pingatŭm-i siratus rupet bagŭ so anŭ adi purun-i, sabab Tapa mbŭh nyiberkat ayŭh.

JOB 39:12

Bisa kah kuu harap ayŭh sun buwa tana mu ka nguruk gandom so tarun yŭn kuu ngiik?

MAZMUR 133:3

Anŭ mbŭh keya ka sipot-abun di Darŭd Hermon, rabu di sandah sandah Zion. Diginŭ inŭh TUHAN ren berkat-I — udip adi dŭh biyŭn pinŭbŭn.

MAZMUR 84:12

TUHAN adi Bisa-pŭrŭg, sanang inŭh ngara adi sabah di Kaam!

JEREMIAH 31:12

Ngara re mandŭg ka biragu ngga gaŭn di Sandah Zion angan pinganggen so Aku — pinganggen gandom ka wain ka inyo kanā, pinganggen biri ngga sapi sapi. Ngara re keya ka teya adi biyŭn sukup piin; ngara re biyŭn sopŭrŭg kayuh adi ngara biguna.

JEREMIAH 31:14

Aku re bada bara imam bisoh ngga bagŭ pinguman ka nggen sopŭrŭg kayuh adi daya Ku raan. Aku, adi TUHAN, mbŭh minyu.”

JOEL 1:12

Tŭngŭn anggor ngga tŭngŭn ara mbŭh rayu; sopŭrŭg tŭngŭn pimuruh mbŭh rayu ka kabŭs. Pinyigaŭn daya mbŭh mating.

JOEL 2:14

Kadŭ TUHAN adi Tapa ngan re nukar pikir-I ka nyiberkat angān ngga raru bagŭ buwa pimuruh. Ka angān meh dapŭd jugan gandom ngga wain ka Ayŭh.

HAGGAI 1:11

Aku mbŭh taban raga di ndi tarun tana ati ndŭg ka sandah sandah, ŭmŭh gandom, teya anggor, risŭn kanā, ngga barang masam buwa pimuruh adi tana piruah mbŭh jadi pisŭk. Manusia, dāng dāng, ngga masam masam pimuruh mbŭh sangsara bada tipuh raga.”

MALACHI 3:10

Taban sopŭrŭg pinganggen ndi utung-so-simŭng ngan ka Ramin TUHAN, isa pinguman jadi bagŭ diginŭ. Suba Aku, ka angān re kiris Aku kuka pinjan shorga ka ren di tunduh ngan barang masam kayuh kana.

MATTHEW 6:33

Pak mbit bat di Pinyipritah Tapa ka ndai pinyiraan-I, ka Ayŭh re nggen di angān sopŭrŭg kayuh anŭ.

DITRONOMI 15:10

Nggen di ngara ngga sanang asŭng, ka TUHAN re nyiberkat angān di sopŭrŭg kayuh adi angān ndai.

DITRONOMI 28:22

TUHAN re ngukum angān ngga andam adi bisa sawit, ngga andam bakak ngga sungoh; Ayŭh re pait raga ngga sabak adi paras da pirusak anŭ adi angān purun di ŭmŭh ngan. Pinyirusag anŭ re nyatŭk angān ndŭg ka angān kabŭs.