HAGGAI 2:17 - Hakcipta - Biatah Bidayuh

¹⁷ Aku pait sabak adi paras ngga ujen batuh bada pirusak sopŭrŭg kayuh adi angān purun, pak babŭ gŭh angān dŭh an marik pimudip ngan pari ka Aku.

HAGGAI 2:17 ပူးပေါင်းရင်းမြစ်များ

TIBIRIK 42:23

Joseph mirati kayuh nang ngara, pak ngara dŭh puan amai ngara minyu ngga ayŭh so baba daya adi tukang kidaan rati piminyu ngara.

TIBIRIK 42:27

Di tarun yŭn ngara nyirŭmŭn, ndi naan so ngara kuka guni-i amai an paan kaldi-i, pak gŭt-i dapŭd duit adŭp-i di darŭm pak tura ka baba guni.

TIBIRIK 42:6

Joseph adi jadi gabenor di tarun tana Egypt jua gandom ka barang bangsa adi mandŭg so ndi ong ong. Jadi bara jurud Joseph mandŭg ka mutu ubak ngara ka ayŭh.

1 RAJA 8:37

“Kan agi apag di tarun tana puan kah sesak-andam, puan kah pimuruh dog pirusak sabak adi paras, puan kah kadis, puan kah kan daya Mai dog nyerang pinganyu, puan kah kan agi andam di ruang ngara,

2 KRONIKEL 28:22

Kan kayuh mbŭh rabis arap, Raja Ahaz bidosa rawan TUHAN rabis so adi mbŭh.

2 KRONIKEL 6:28

“Kan apag agi di tarun tana ati, puan kah sesak-andam, puan kah pimuruh dog pirusak sabak adi paras bait dudu kadis; puan kah kan daya Mai dog nyerang pinganyu bait andam,

JOB 36:13

Ngara adi dŭh puan Tapa nyikŭn atin baji, ndŭg ka di tika dog ukum, ngara dŭh bidua mite turung.

MAZMUR 128:2

Pingandai ngan re taban utung ka angān; angān re sanang ka mujur.

MAZMUR 78:46

Ayŭh pait kadis da man pimuruh ngara ka pirusak ŭmŭh ngara.

ISAIAH 28:2

TUHAN biyŭn daya adi bake ka adi bikuasa mbŭh-I sidia bada nyerang ngara, daya anŭ re mandŭg mun ujen batuh, mun ujen adi raru bangat, mun uba adi nyarab ka muba ndi tarun tana.

ISAIAH 37:27

Daya adi rŭŭ diginŭ dŭh dapŭd ndai ani ani; ngara mbŭh taru buang dŭh dapŭd nang ani ani. Ngara mbŭh keya ka kupai di pakan puan kah uduh adi timbu di tibung ramin kan sabak paras so timor poh maka-i.

ISAIAH 42:25

Jadi Ayŭh baji ka ngukum ata ka bada ata sangsara bada perang. Mun apui baji-I badang Israel, pak ata bŭn puan kayuh adi mbŭh jadi; ata dŭh birajar ani ani so dieh.

ISAIAH 62:8

TUHAN mbŭh ndai ndi janji buang bipayu, ka ngga kuasa-I Ayŭh re pijadi-i: “Gandom ngan re dŭh tia pinguman yŭn pinganyu ngan, ka daya tami re dŭh tia nok wain ngan.

ISAIAH 9:13

Daya Israel babŭ dŭh marik pimudip ngara pari ka Tapa; sunggu TUHAN Bisa-pŭrŭg mbŭh ngukum ngara, ngara gibayuh pari ka Ayŭh.

JEREMIAH 3:24

Pak nyambah Baal, tapa adi taban mangŭh, mating nyiramat dāng kudip ami, anak anak dari ami ngga anak anak dayung ami; anŭ inŭh sopŭrŭg adi tayung-babuk ami mbŭh dapŭd so turang udas ngara so jaman jah.

JEREMIAH 5:3

Tatu TUHAN jiroh atin tŭtŭd. Ayŭh ngukum angān, pak angān dŭh mbit piduri; Ayŭh pān angān, pak angān abah birajar. Angān baking ka dŭh raan ko bidosa.

AMOS 4:6

“Aku inŭh adi taban apag ka sopŭrŭg kupo ngan, pak angān dŭh pari ka Aku.

HAGGAI 1:11

Aku mbŭh taban raga di ndi tarun tana ati ndŭg ka sandah sandah, ŭmŭh gandom, teya anggor, risŭn kanā, ngga barang masam buwa pimuruh adi tana piruah mbŭh jadi pisŭk. Manusia, dāng dāng, ngga masam masam pimuruh mbŭh sangsara bada tipuh raga.”

HAGGAI 1:6

Angān mbŭh purun bagŭ gandom, pak dŭh sadang ngga bada adŭp ngan bisoh. Angān biyŭn wain an ngan nok, pak dŭh re sadang ngga bada angān mabuk! Angān biyŭn piraka, pak dŭh re sadang ngga bada angān paras. Ka daya adi nyiraja dŭh re tungang dapŭd bagŭ duit ngga biranja adŭp-i.

HAGGAI 1:9

“Angān harap pingatŭm adi bagŭ, pak-i jadi adi sŭ. Ka kan angān taban buwa pingatŭm ngan ngga maad, Aku poh-i bada miyap. Mani Aku ndai simŭnŭ? Aku ndai simŭnŭ sabab Ramin Ku nyibawang, darŭm barang naan angān dŭh paya paya ngatur ramin adŭp-i.

HAGGAI 2:16

angān di ka tugung gandom ka pikir adŭp ngan re dapŭd duwŭh ratus kilogram, pak diginŭ kaŭs-i siratus adŭ. Angān di nyauk siratus lita wain so tong wain, pak dapŭd pat puru lita adŭ.

MALACHI 3:11

Aku dŭh re bada kadis pirusak pimuruh ngan, ka tŭngŭn anggor ngan re sarad ngga buwa anggor.

DITRONOMI 28:22

TUHAN re ngukum angān ngga andam adi bisa sawit, ngga andam bakak ngga sungoh; Ayŭh re pait raga ngga sabak adi paras da pirusak anŭ adi angān purun di ŭmŭh ngan. Pinyirusag anŭ re nyatŭk angān ndŭg ka angān kabŭs.

PINANDŬNG 2:21

Aku mbŭh nggen di ayŭh tipuh yŭn-i ngubah adŭp-i ka dŭh tia bidosa, pak ayŭh abah pasan kraja pingandai kais-i anŭ.