EZRA 9:3 - Hakcipta - Biatah Bidayuh

³ Kan aku dingah kayuh anŭ, aku nyiratak piraka ku darŭm susah, nyirugut ubok ngga gagap ku, ka guru ngga atin adi keya ka mbŭh asur.

EZRA 9:3 ပူးပေါင်းရင်းမြစ်များ

2 SAMUEL 1:11

Darŭm susah David nyiratak piraka-i, ka simŭnŭ gŭh bara daya-i adi agi diginŭ.

2 RAJA 18:37

Komŭnŭ Eliakim, Shebna, ka Joah nyiratak piraka ngara darŭm susah. Ngara di ka yŭn raja ka kidaan kayuh adi pingubak soldadu daya Assyria mbŭh nang.

NEHEMIAH 1:4

Kan aku dingah sopŭrŭg anŭ, aku guru ka sien. Barang andu aku sien ka dŭh raan man. Aku bidua ka Tapa,

NEHEMIAH 13:25

Aku nang ngara adi bara dari, mangu ngara, mukong ngara, ka nyirugut ubok ngara. Komŭnŭ aku bada ngara bipayu ngga adŭn Tapa ngara bait anak anak ngara dŭh re tia banan sawan ngga daya tami.

JOB 1:20

Ka Job rasu mijog ka nyiratak piraka-i darŭm susah. Ayŭh gumbak ubok-i ka suman adŭp-i di tana.

MAZMUR 119:53

Kan aku kiris daya ginaka miranggar ukum-adat Mai, aku mbŭh raru baji.

MAZMUR 143:4

Jadi aku mbŭh re an jimŭ; aku mbŭh dŭh bigaya.

MAZMUR 66:3

Nang di Tapa, “Munki masam saruh kayuh adi Kaam ndai! Kuasa Mai inŭh raru bās ndŭg ka pinganyu Mai mutu darŭm taru di sirung jawin Mai.

ISAIAH 15:2

Daya Dibon maad sandah re muās di bari-sambah. Daya Moab nangŭng sien darŭm susah muās kupo Nebo ngga Medeba; ngara gumbak ubok ngga gagap ngara darŭm susah.

JEREMIAH 36:24

Pak ngara, bait-i raja puan kah bara pinurung-i adi mbŭh dingah sopŭrŭg kayuh anŭ, dŭh taru ka tatŭng dŭh susah.

JEREMIAH 7:29

“Ngurid meh, angān daya Jerusalem; kapŭg ubok ngan ka taran-i. Nang ragu nyikubur di tibung sandah, sabab Aku, adi TUHAN, mbŭh baji, ka mbŭh tirawan daya Ku.

EZEKIEL 3:15

Jadi aku mandŭg ka Tel Abib sindŭk Yang Chebar, di yŭn bara adi dog taran so rais adŭp-i rŭŭ, ka sitŭkŭd ju andu aku rŭŭ diginŭ, inga inga bada kayuh adi aku kiris ka dingah.

EZEKIEL 7:18

Ngara re nēn banang guni ka ndi pŭrŭng ganan ngara re kimŭtŭr. Ubak ngara re dog nundo, ka sopŭrŭg ngara re dog pimangŭh.

DANIEL 4:19

Dingah sakanŭ, Daniel, adi dog kadŭn gŭh Belteshazzar, mbŭh raru gŭgŭh ndŭg ka dŭh dapŭd nang ani ani. Raja nang di ayŭh, “Belteshazzar, dŭhnyah bada pŭmŭh anŭ ngga rati-i bada kuu gŭgŭh.” Belteshazzar nam, “Tuan Raja, aku harap pŭmŭh anŭ ngga rati-i pasar pinganyu mai ka dŭh pasar kaam.

DANIEL 8:27

Aku mbŭh rarah buang sungoh kudu kudu andu anŭ. Komŭnŭ aku makat ka pari ka kraja adi raja ko nggen di aku, pak aku mbŭh inga inga bada kayuh anŭ adi aku kiris keya ka darŭm pŭmŭh ka aku dŭh mirati-i.

LEVITICUS 21:5

“Imam dŭh siŭn gumbak tadŭ tadŭ parad ubak-i puan kah mŭpŭd gagap-i, puan kah nidi pŭrŭng ganan-i, ngga kiren adŭp-i ngurid.

MICAH 1:16

Daya Judah, kapŭg ubok ngan ngga ngurid anak anak ngan adi angān raru rindu. Nundo ubak ngan bada mun ubak manuk onta, sabab anak anak ngan re dog taran ka rais tami.

JOSHUA 7:6

Joshua ngga bara pinguru Israel nyiratak piraka ngara darŭm susah ka sipŭŭb nura Pati Simanya ndŭg singumi andu anŭ, ka di ubak ngara agi dabu tana ngga nandā adŭp ngara susah.