EZRA 4:3 - Hakcipta - Biatah Bidayuh

³ Zerubbabel, Joshua, ngga bara pinguru manak nang di ngara, “Kieh dŭh biguna di pinurung ngan ngga pijog ramin yŭn TUHAN adi Tapa ami. Adŭp ami re pijog-i, nimun adi Cyrus, adi raja-empaya Persia, mbŭh pesan kieh.”

EZRA 4:3 ပူးပေါင်းရင်းမြစ်များ

2 KRONIKEL 36:22

Di sibungas sawa Cyrus so Persia jadi raja-empaya, TUHAN bada kayuh adi-I nang so baba nabi Jeremiah jadi bitŭtŭk. Ayŭh nguasa atin Cyrus bada nuris pesan ati ka bada-i dog basa di barang yŭn darŭm empaya-i:

EZRA 1:1

Di sibungas sawa Cyrus adi raja-empaya Persia, TUHAN bada kayuh adi-I nang so baba nabi Jeremiah jadi bitŭtŭk. Ayŭh nguasa Cyrus bada nuris pesan ati ka bada-i dog basa di barang yŭn darŭm empaya-i:

EZRA 1:2

“Ati inŭh pesan so Cyrus, adi Raja-empaya Persia. TUHAN, Tapa adi pinguasa di Shorga, mbŭh bada aku jadi pimritah di ndi ong ong ka mbŭh nggen di aku pinanggong pijog Ramin yŭn-I di Jerusalem di tarun tana Judah.

EZRA 1:3

Isa-i Tapa agi ngga angān adi daya-I. Angān an di ka Jerusalem ka pari pijog Ramin TUHAN, adi Tapa Israel, Tapa adi dog nyambah di Jerusalem.

EZRA 3:8

Darŭm buran duwŭh darŭm sawa adi duwŭh ripas ngara mandŭg ka tibawang Ramin TUHAN di Jerusalem, ngara piguru ndai kraja anŭ. Zerubbabel, Joshua, ngga bara dingan ngara adi samah bangsa, bara imam, ka bara daya Levi, samŭn sopŭrŭg adi mbŭh mari ka Jerusalem ripas ko dog taran, sua darŭm kraja anŭ. Sopŭrŭg daya Levi adi duwŭh puru sawa umbur-i bait tuuh so anŭ mbŭh dog bada nguasa kraja pari pijog Ramin TUHAN.

NEHEMIAH 2:20

Aku nam, “Tapa adi pinguasa di Shorga re bada kieh mujur. Kieh ati urun-I, ka kieh re piguru pijog. Pak angān dŭh biyŭn hak bait rata di Jerusalem, ka angān dŭh biyŭn utung di dundan asar-i.”

ISAIAH 44:28

Aku nang di Cyrus, ‘Kuu inŭh adi re mritah yŭn Ku; kuu re ndai kayuh adi Aku raan kuu ndai: kuu re nggen ukum bada Jerusalem dog pari pijog ka na pinagap-rasan Ramin TUHAN.’ ”

ISAIAH 45:4

Aku tijuan kuu bada turung urun Ku Israel, daya adi Aku mbŭh mien. Aku mbŭh nggen stabi di kuu, sunggu kuu dŭh puan Aku.

MATTHEW 10:16

“Dingah ati! Aku pait angān keya ka biri ka ruang kasong tarun. Angān dŭh siŭn dŭh an nakit mun jippŭh ka duduh mun manuk asang.

JOHN 4:9

Dayung anŭ nam, “Kaam daya Jahudi, ka aku daya Samaria; simuki Kaam bisa mite nok so aku?” (Daya Jahudi dŭh bisa pakai saker ka makuk adi daya Samaria pakai.)

PINGANDAI 8:21

Kuu dŭh bisa sua ndai kraja ati, sabab atin mu dŭh batur di batŭh Tapa.