EZRA 4:2 - Hakcipta - Biatah Bidayuh

² Jadi ngara di ka yŭn Zerubbabel ka bara pingubak manak ka nang, “Bada kieh sua ngga angān pijog Ramin TUHAN. Kieh nyambah gŭh Tapa adi angān nyambah, ka kieh mbŭh jugan sadis ka Ayŭh so jaman Esarhaddon, adi raja-empaya Assyria, bada kieh rŭŭ digiti.”

EZRA 4:2 ပူးပေါင်းရင်းမြစ်များ

TIBIRIK 10:11

So tarun tana anŭ, ayŭh di ka Assyria, ka pijog kupo Nineveh, Rehoboth Ir, Calah,

2 RAJA 17:24

Raja-empaya Assyria taban daya so kupo kupo di Babylon, Cuth, Iwah, Hamath, ka Sepharvaim, ka bada ngara rŭŭ di kupo kupo di Samaria, ngga gati daya Israel adi mbŭh dog taran. Ngara dapu kupo kupo anŭ ka rŭŭ diginŭ.

2 RAJA 17:41

Jadi sunggu ngara nyambah TUHAN, ngara babŭ gŭh nyambah tibudo ngara; ka ndŭg andu ati bara sesang ngara babŭ ndai simŭnŭ.

2 RAJA 19:37

Ndi andu, kan ayŭh bisambah di bari-sambah tapa-i Nisroch, duwŭh madis anak-i, Adrammelech ngga Sharezer, siŭ ayŭh ngga pedang, ka rasu bu ka tarun tana Ararat. Esarhaddon, anak-i adi bŭkŭn, gati ayŭh jadi raja-empaya.

EZRA 1:5

Komŭnŭ bara pingubak manak tibaran-asar Judah ngga Benjamin, bara imam ngga bara daya Levi, ngga barang naan daya adi Tapa mbŭh kuka atin-i sidia re matak ka pari pijog Ramin TUHAN di Jerusalem.

EZRA 2:2

Pinguru ngara inŭh Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, ngga Baanah. Ati inŭh susud manak Israel, ngga kiang ngara adi so barang manak adi mari ripas ko dog taran:

EZRA 3:12

Bagŭ imam, daya Levi, ngga pingubak manak, adi mbŭh minyamba adi ko kiris Ramin TUHAN adi sibungas-i, sien kan ngara tingga puun pinagap-rasan dog na. Pak adi bŭkŭn adi agi diginŭ nyirais amai gaŭn.

EZRA 3:2

ka Joshua anak Jehozadak, bara dingan-i adi samah imam, ka Zerubbabel anak Shealtiel, samah ngga madis-i, pari pijog mija-sambah Tapa Israel, isa ngara dapŭd badang sadis di tunduh-i nanyam ka atur adi dog nuris di Ukum-adat Moses, adi urun Tapa.

NEHEMIAH 9:32

“O Tapa, adi Tapa ami, munki masam bās inŭh Kaam! Kaam inŭh adi dog taru buang bikuasa! Kaam tŭtŭd ingat janji simanya Mai. So jaman raja raja-empaya Assyria kinanyuh kieh, ndŭg madin, munki masam sangsara kieh! Raja raja ami, pinguru pinguru ami, bara imam ami, ka bara nabi ami, bara tayung-babuk ami, ka sopŭrŭg daya ami mbŭh sangsara. Ingat munki masam kieh mbŭh sangsara!

MAZMUR 73:8

Ngara tawŭh daya ka nang kayuh adi arap; ngara sambuh ka bisatur an kinanyuh daya bŭkŭn.

ISAIAH 37:37

Komŭnŭ Sennacherib adi raja-empaya Assyria ngundur ka pari ka Nineveh.

ISAIAH 37:38

Di ndi andu kan ayŭh bisambah di bari-sambah tapa-i Nisroch, duwŭh madis anak dari-i Adrammelech ngga Sharezer, siŭ ayŭh ngga pedang ka rasu bu ka tarun tana Ararat. Ndi naan anak dari-i adi bŭkŭn, Esarhaddon, gati ayŭh jadi raja-empaya.

HOSEA 14:3

Assyria dŭh dapŭd nyiramat kieh, ka kuda perang dŭh dapŭd grindung kieh. Kieh dŭh re tia nang di tibudo ami nang ngara inŭh Tapa ami. O TUHAN, Kaam masi di daya adi dŭh biyŭn daya adi bisa-i sabah.”

GALATIA 2:4

sunggu agi daya raan bada ayŭh bisunat. Bara daya anŭ bada adŭp-i mun bara adi sabah di Jesus, mbŭh mŭrŭt ka darŭm tibaran ta keya ka pinyiong, an puan pasar pinyirupas adi ata biyŭn darŭm udip ndi ngga Kristus Jesus. Ngara raan piurun ata,

2 TIMOTHY 3:8

Nimun Jannes ngga Jambres rawan Moses, simŭnŭ gŭh ngara ati rawan ajar Tapa; ngara, daya adi mbŭh rusak pikir-i ka adi dŭh sawŭ pinyabah-i.