EZRA 2:1 - Hakcipta - Biatah Bidayuh

¹ Bara ngara adi ko dog taran bu tingge tarun tana utung rais Babylon pari ka Jerusalem ngga Judah, masin masin pari ka kupo adŭp ngara. Bara rawang ngara rŭŭ darŭm dog taran di Babylonia so jaman Raja Nebuchadnezzar taban ngara kamanŭ jadi daya-takap.

EZRA 2:1 ပူးပေါင်းရင်းမြစ်များ

2 RAJA 25:11

Komŭnŭ Nebuzaradan taban bu ka Babylonia bara daya adi dŭm di kupo, bara tukang adi pandai, samŭn ngara adi muko nyerah adŭp-i jadi soldadu Babylonia.

PINGANDAI 23:34

Gabenor basa surat anŭ ka siken Paul so utung rais aki ndi ayŭh. Kan ayŭh dingah Paul so tarun tana Cilicia,

ZEPHANIAH 2:7

Daya Judah adi babŭ udip re ngisi tarun tana ngan. Ngara re bada kaban biri ngara man kupai diginŭ ka bŭŭs di ramin Ashkelon. TUHAN adi Tapa ngara re agi ngga ngara ka bada ngara pari udip mujur.

PUĀS 4:22

Kupo Zion mbŭh dog ukum amai dosa-i; TUHAN re dŭh tia tandah kieh di rais tami adi yŭn ami dog taran. Pak kuu, kupo Edom, TUHAN re ngukum kuu; Ayŭh re kambur sarah mu.

PUĀS 1:5

Bara pinganyu-i manang ka mbŭh nguasa-i. TUHAN mbŭh bada-i sangsara amai sopŭrŭg dosa-i; bara anak-i mbŭh dog nakap ka dog taban ngga bu.

PUĀS 1:3

Daya Judah mbŭh jadi urun adi dŭh bigaya, dog pibu so ramin arŭn ngara. Ngara rŭŭ di rais bŭkŭn, ngga mating tarun adi bisa dog kadŭn tung adŭp ngara. Ngara rŭŭ di dupan bara pinganyu, ngga mating aran re bu.

ESTHER 8:9

Kayuh anŭ jadi simŭnŭ di andu 23 darŭm buran adi taruh, buran Sivan. Mordecai bagan bara pinuris raja ka nggen pinganang adi ngara nuris ka pait ka bara daya Jahudi, ka bara gabenor, ka bara pingubak adi ngatur kraja, ka bara pinurung darŭm 127 utung rais so India ndŭg Ethiopia.

ESTHER 1:11

Ayŭh nggen ukum di ngara bada taban Rani Vashti mŭrŭt, nēn makota-i. Rani anŭ inŭh dayung adi ramus, ka raja raan kiren pinyiramus-i di bara pingubak ngga bara pingabang-i.

ESTHER 1:8

Daya bisa nok wain sikiang kiang ngara raan; ka raja mbŭh nggen ukum di bara daya-gaji istana nang daya siŭn nok sikiang kiang ngara raan.

ESTHER 1:3

Di sawa adi taruh darŭm pinyipritah-i ayŭh ndai gawai bās yŭn sopŭrŭg bara pinurung-i ngga bara pingubak pingubak darŭm pritah-i. Bara tibaran soldadu Persia ngga Media mbŭh agi sua tikuruk, samŭn bara gabenor ngga bara pingibās so utung utung rais.

ESTHER 1:1

So takta-i di Susa adi sindŭ kupo di Persia, Raja Xerxes mritah 127 utung rais, so India ndŭg Ethiopia.

EZRA 6:2

Pak-i di kupo Ecbatana di utung rais Media ndi surat-barun dog dapŭd, brisi ngga rekod sakati:

EZRA 5:8

“Tuan Raja patut puan kieh agi di ka utung rais Judah ka kiris Ramin Simayang yŭn Tapa bās dog pari pijog ngga dudu tibande batuh ka ngga dudu parang kayuh dog nyindung darŭm sindung. Kraja anŭ dog ndai ngga nakit ka raju.

EZRA 1:11

Prungun-i agi, 5,400 makuk mas ngga makuk pirak samŭn kayuh kayuh adi bŭkŭn adi Sheshbazzar taban kan ayŭh ngga bara daya adi dog taran matak ngga ayŭh so Babylon ka Jerusalem.

EZRA 2:2

Pinguru ngara inŭh Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, ngga Baanah. Ati inŭh susud manak Israel, ngga kiang ngara adi so barang manak adi mari ripas ko dog taran:

EZRA 8:35

Sopŭrŭg ngara adi mbŭh mari ripas ko dog taran taban pinganggen yŭn dog badang ndu sadis ka Tapa Israel. Ngara jugan 12 dari sapi yŭn sopŭrŭg Israel, 96 dari biri, ka 77 anak biri; ngara jugan gŭh 12 kambing ngga pibisig adŭp ngara so dosa. Sopŭrŭg dāng anŭ dog badang ndu sadis ka TUHAN.

NEHEMIAH 12:1

Ati inŭh susud dŭn bara imam ka bara daya Levi adi mari ripas ko dog taran, ayō Zerubbabel anak Shealtiel ka ayō Joshua adi Imam bās:

1 KRONIKEL 9:1

Sopŭrŭg daya Israel dog nuris dŭn ngara nanyam ka rawang ngara, ka anŭ mbŭh dog rekod darŭm Surat bara Raja Israel. Daya Judah mbŭh dog taban ngga bu ka Babylon, dog ukum amai dosa ngara.

1 KRONIKEL 9:2

Ngara adi diŭ pari ka tana adŭp ngara di kupo kupo inŭh samŭn daya saja, bara imam, bara daya Levi, ka ngara adi nyiraja di Ramin TUHAN.

EZRA 2:70

Bara imam, bara daya Levi, ka kada ngara adi mari anŭ rŭŭ di Jerusalem bait sindŭk-i; bara pimain musik, bara adi tukang jaga Ramin TUHAN, ka bara daya-gaji Ramin TUHAN rŭŭ di kupo kupo maning anŭ; ka bara daya Israel adi bŭkŭn rŭŭ di kupo kupo di yŭn tayung-babuk ngara ko rŭŭ.

ISAIAH 48:20

Ruah so Babylon, pirupas adŭp ngan! Piagah agah anŭ ngga sirais gaŭn; bada-i dog dingah di barang yŭn: “TUHAN mbŭh nyiramat urun-I Israel!”

JEREMIAH 50:19

Aku re pari daya Israel ka tarun tana adŭp ngara. Ngara re man pinguman adi timbu di Darŭd Carmel ka di utung tarun tana Bashan, ka ngara re man sopŭrŭg buwa pimuruh adi timbu di tarun tana Ephraim ngga Gilead.