EZRA 1:2 - Hakcipta - Biatah Bidayuh

² “Ati inŭh pesan so Cyrus, adi Raja-empaya Persia. TUHAN, Tapa adi pinguasa di Shorga, mbŭh bada aku jadi pimritah di ndi ong ong ka mbŭh nggen di aku pinanggong pijog Ramin yŭn-I di Jerusalem di tarun tana Judah.

EZRA 1:2 ပူးပေါင်းရင်းမြစ်များ

1 RAJA 8:27

“Pak dapŭd kah Kaam, O Tapa, sawŭ rŭŭ di ong? Rangit dŭh sadang bayah yŭn Mai, jadi simuki Ramin adi aku mbŭh pijog re sadang yŭn Mai?

2 KRONIKEL 2:12

Puji ka TUHAN adi Tapa Israel, Pinapa rangit ngga ong! Ayŭh mbŭh nggen di Raja David anak adi bijak, puno ngga atin mirati ka pimandai, adi madin bisatur an pijog ramin yŭn TUHAN ka istana yŭn adŭp-i.

EZRA 1:5

Komŭnŭ bara pingubak manak tibaran-asar Judah ngga Benjamin, bara imam ngga bara daya Levi, ngga barang naan daya adi Tapa mbŭh kuka atin-i sidia re matak ka pari pijog Ramin TUHAN di Jerusalem.

EZRA 3:7

Bara daya nggen duit ngga bayar gaji tukang batuh ka tukang kayuh ka nggen pinguman, nok, ka inyo kanā adi re dog pait ka kupo kupo di Tyre ngga Sidon ngga nyambi kayuh kayuh sedar so Lebanon, adi re dog taban ka Joppa so aran rawŭt. Sopŭrŭg anŭ dog ndai so ka pinyibandar Cyrus, adi raja-empaya Persia.

EZRA 4:3

Zerubbabel, Joshua, ngga bara pinguru manak nang di ngara, “Kieh dŭh biguna di pinurung ngan ngga pijog ramin yŭn TUHAN adi Tapa ami. Adŭp ami re pijog-i, nimun adi Cyrus, adi raja-empaya Persia, mbŭh pesan kieh.”

EZRA 5:15

Raja bada ayŭh taban-i pari ka Ramin TUHAN di Jerusalem, ka pari pijog Ramin TUHAN di yŭn-i dog pijog dawŭ-i.

EZRA 6:10

Kayuh anŭ an dog ndai isa ngara dapŭd jugan sadis adi Tapa adi pinguasa di Shorga trima, ka isa ngara bidua mite berkat-I yŭn ku ka yŭn anak anak dari ku.

EZRA 6:3

“Di sibungas sawa darŭm pinyipritah-i Raja Cyrus pesan bada Ramin TUHAN di Jerusalem pari dog pijog ndu tarun yŭn bisadis ka yŭn pinganggen dog badang. Ramin anŭ an 27 mita bigatung ka 27 mita bayah.

EZRA 7:12

“So Artaxerxes adi raja-empaya nuju Ezra adi imam, adi sukup pandai di Ukum-adat Tapa adi mritah di Shorga.

NEHEMIAH 1:4

Kan aku dingah sopŭrŭg anŭ, aku guru ka sien. Barang andu aku sien ka dŭh raan man. Aku bidua ka Tapa,

NEHEMIAH 1:5

“TUHAN Tapa adi pinguasa di Shorga! Kaam inŭh bās, ka kieh taru di Kaam. Ngga tŭtŭd Kaam ingat simanya Mai ngga ngara adi rindu di Kaam ka adi ndai kayuh adi Kaam pesan.

MAZMUR 136:26

Nggen trima kaseh di Tapa di shorga; pinyirindu-I tan adu adu.

MAZMUR 85:2

Kaam mbŭh apun dosa daya Mai ka mbŭh apun sopŭrŭg pingandai sarah ngara.

PITAS 21:1

TUHAN sanang nguasa pikir-kira raja mun Ayŭh ngatur kamaki sungi aman.

ISAIAH 41:2

“Asi anŭ adi taban pinyerang so timor, ka bada ayŭh marar manang di barang yŭn-i nyerang? Asi bada ayŭh manang ngarah raja raja ka bangsa bangsa? Pedang-i japa ngara mun japa dabu. Reja panah-i mesak ngara mun siriyang dog poh sabak.

ISAIAH 44:26

Pak kan urun Ku ninjau, kan Aku pait pinyisung bada pinandŭng atur kraja Ku, Aku bada atur kraja ngga pininjau anŭ jadi bitŭtŭk. Aku kidaan di Jerusalem nang daya re pari rŭŭ diginŭ, ka kupo kupo Judah re pari dog pijog. Kupo kupo anŭ re makat so tugung rakang tibawang.

ISAIAH 44:28

Aku nang di Cyrus, ‘Kuu inŭh adi re mritah yŭn Ku; kuu re ndai kayuh adi Aku raan kuu ndai: kuu re nggen ukum bada Jerusalem dog pari pijog ka na pinagap-rasan Ramin TUHAN.’ ”

ISAIAH 45:1

TUHAN mbŭh mien Cyrus bada jadi raja! Ayŭh mbŭh tijuan ayŭh bada ngarah bangsa bangsa; Ayŭh pait ayŭh bada pirukos kuasa so raja raja; TUHAN re kuka tiban tiban-bās kupo yŭn-i. Di Cyrus TUHAN nang,

ISAIAH 66:1

TUHAN nang, “Rangit inŭh takta Ku, ka ong inŭh bangan kaja Ku. Ramin adi munki an ngan pijog yŭn Ku, tarun yŭn adi munki re Aku yŭn rŭŭ?

JEREMIAH 10:11

(Kuu dŭh siŭn dŭh kidaan di ngara nang tapa tapa adi dŭh napa ong ngga rangit re dog pirabur. Ngara re miyap so ong.)

JEREMIAH 27:5

“Ngga kuasa bās ka ngga pinyibake Ku, Aku napa ong, manusia, ka sopŭrŭg dāng adi udip di tunduh tana; ka Aku nggen-i di tadŭ tadŭ daya adi Aku mbŭh mien.

JEREMIAH 29:10

“TUHAN nang, ‘Kan ju puru sawa tipuh Babylonia mbŭh ripuan, Aku re kimat angān ka ingat janji Ku an taban angān ngga pari.

DANIEL 1:21

Daniel babŭ nyiraja di istana raja ndŭg andu adi ngga Cyrus adi raja-empaya Persia ngarah Babylonia.

DANIEL 2:21

Ayŭh nguasa masā ngga tipuh; Ayŭh garar raja ka taran raja; Ayŭh inŭh adi nggen pinyibijak ngga pinyimirati.

DANIEL 2:28

Pak agi Tapa adi pinguasa di shorga, adi pinandŭng rati barang masam rusia. Ayŭh mbŭh kidaan di Tuan Raja kayuh adi re jadi jŭ. Madin aku kidaan pŭmŭh anŭ, kayuh adi dog kiren di kaam darŭm bŭŭs.

DANIEL 4:25

Kaam re dog pibu so dupan bara manusia ka re udip bigaur ngga dudu dāng tarun. Sitŭkŭd ju sawa kaam re man kupai mun sapi, ka bŭŭs di sapa tarun ka bisa bada sipot-abun. Komŭnŭ kaam re ngaku Tapa adi Siabo Bigatung biyŭn kuasa di tunduh sopŭrŭg pritah manusia, ka biyŭn kuasa nggen-i di tadŭ daya adi-I mien.

DANIEL 4:32

Kuu re dog pibu so dupan bara manusia, udip bigaur ngga dudu dāng tarun, ka man kupai mun sapi sitŭkŭd ju sawa. Komŭnŭ kuu re ngaku nang Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien.”

DANIEL 5:23

Kaam mbŭh rawan TUHAN adi pinguasa di rangit. Kaam mbŭh pakai saker ngga makuk adi dog taban so Ramin TUHAN. Kaam, bara pingibās mai, bara sawŭn ami, ka bara dayung nyikŭn mai nok wain so dieh ka muji tapa adi dog ndai so mas, so pirak, so timaga, so basi, so kayuh, ka so batuh — bara tapa adi dŭh kiris tarun, dŭh dingah kayuh, dŭh puan ani ani. Pak kaam dŭh stabi di Tapa adi bada kaam udip bait kabŭs ka adi nguasa sopŭrŭg kayuh adi kaam ndai.

DANIEL 6:25

Komŭnŭ Raja Darius nuris surat ka pait ka bara daya so barang bangsa, kaum, ngga piminyu di ong: “Tabi!

JONAH 1:9

“Aku ati daya Jahudi,” Jonah nam. “Aku nyambah TUHAN, adi Tapa di shorga, adi napa deyŭh ngga rawŭt.”