EPHESUS 6:4 - Hakcipta - Biatah Bidayuh

⁴ Angān adi pimas, dŭhnyah ida ida ngga anak ngan ndŭg ka bada ngara baji. Pak nyiruton ngara ngga atur aran pimudip ka ajar Kristen.

EPHESUS 6:4 ပူးပေါင်းရင်းမြစ်များ

TIBIRIK 18:19

Aku mbŭh mien ayŭh siŭn-i bisa pesan bara anak dari-i ngga bara sesang-i da nundok di Aku ka ndai kayuh adi batur ka patut. Kambŭi ngara ndai simŭnŭ, Aku re ndai barang masam kayuh yŭn-i nanyam adi muko Aku janji.”

1 KRONIKEL 28:20

Raja David nang di anak-i Solomon, “Kuu dŭh siŭn bada atin mu arot pak birani. Piguru kraja anŭ ka dŭhnyah bada ani ani matŭn kuu. TUHAN Tapa, adi aku nyambah, re agi ngga kuu. Ayŭh dŭh re tagan kuu, pak re rŭŭ ngga kuu ndŭg ka kuu mbŭh ngamas kraja adi ngga pijadi ramin-I.

1 KRONIKEL 29:19

Nggen di anak ku Solomon atin adi sukup raan tunda pinganang Mai ka pijog ramin simayang ati pakai sopŭrŭg kayuh adi mbŭh aku sidia ati.”

PITAS 19:18

Disiplin anak mu san ngara gi-mara. Kambŭi dŭh, kuu turung ngara pirusak adŭp-i.

PITAS 22:15

Anak-anya taŭn ari ndai sarah, pak pasut bisa ngajar ngara bada birubah.

PITAS 22:6

Ngajar anak ngan aran pimudip adi batur, ka ngara re ingat-i sitŭkŭd umbur ngara.

PITAS 29:15

Ngajar ngga disiplin inŭh kana yŭn anak. Kambŭi ngara dog tandah, ngara re nggen mangŭh di sindŭ-i.

PITAS 29:17

Disiplin anak ngan ka angān re ari mingangŭn pasar ngara. Ngara re nggen di angān atin sanang ngga damai.

ISAIAH 38:19

Daya adi udip inŭh adi muji Kaam, nimun aku muji Kaam madin. Pimas kidaan di bara anak ngara nang Kaam raru tŭtŭd.

EPHESUS 6:3

“isa pimudip ngan sanang, buang udip tui di ong.”

DITRONOMI 4:9

Ari bijaga! Ingat batur batur ka dŭhnyah kambŭt, sitŭkŭd udip ngan, kayuh adi angān muko kiris ngga batuh adŭp ngan. Kidaan di bara anak ngan ngga di bara anak sukuh ngan,

DITRONOMI 6:7

Ngajar-i di bara anak ngan. Pari pari nyabŭt-i di tika angān di arŭn ka di tika angān birarang, di tika angān rŭŭ-paya, ka di tika angān nyiraja.

COLOSSAE 3:21

Angān adi mbŭh jadi pimas, dŭhnyah kinuas anak ngan, te asŭng ngara jimŭ rai-i.

2 TIMOTHY 1:5

Aku ingat pinyabah mu adi so atin tŭnggŭn mu, pinyabah adi mun tung simbuk mu Lois ka adi mun tung sindŭ mu Eunice. Aku taŭn manŭn puan kuu biyŭn pinyabah adi mun tung ngara.

2 TIMOTHY 3:15

ka kuu ingat so mu gi-sŭ kuu mbŭh puan Surat-kudus, adi bisa nggen di kuu pinyibijak adi ngga kuu dapŭd pinyiramat so ka pinyabah di Kristus Jesus.

JOSHUA 24:15

Kambŭi angān dŭh raan bituan di Ayŭh, natu pikir-kira ngan andu ati, asi adi re ngan yŭn bituan; tapa tapa adi tayung-babuk ngan nyambah di Mesopotamia, puan kah tapa tapa daya Amor adi muko dapu tarun tana adi yŭn ngan rŭŭ madin. Pak aku ngga rawang ku, kieh re bituan di TUHAN.”

AKIM 13:12

Komŭnŭ Manoah nang, “Kan pinganang mai anŭ jadi bitŭtŭk, ani dŭh siŭn dŭh anak anŭ ndai? Pimudip adi munki tung jangi”