EPHESUS 5:3 - Hakcipta - Biatah Bidayuh

³ Amai angān mbŭh bara daya adi Tapa mbŭh mien, dŭh-i patut pingandai kais puan kah pimudip adi dŭh tatu puan kah tama dog nyabŭt di ruang ngan.

EPHESUS 5:3 ပူးပေါင်းရင်းမြစ်များ

MAZMUR 10:3

Daya ginaka mingangŭn di pinyiraan arap ngara; daya adi raka mangu ka tirawan TUHAN.

MAZMUR 119:36

Nggen di aku pinyiraan ngga tunda ukum-adat Mai ka dŭh pinyiraan ngga dapŭd kaya.

PINYIRUAH 18:21

Pak nambah anŭ, kuu patut mien kada daya adi bisa jadi pinguru bara daya: pinguru biribu naan daya, biratus naan daya, rimŭh puru ka simŭng naan daya. Ngara dŭh siŭn dŭh daya adi taru di Tapa, adi bisa dog sabah ka dŭh dapŭd dog nyuap.

PINYIRUAH 20:17

“Dŭhnyah ripong di ramin daya; dŭhnyah ripong di sawŭn-i, urun-i, sapi sapi-i, kaldi-i, puan kah tadŭ tadŭ kayuh adi ayŭh dapu.”

PINYIRUAH 23:13

“Tunda meh sopŭrŭg kayuh adi Aku adi TUHAN ngan mbŭh nang di angān. Dŭhnyah bidua ka tapa bŭkŭn; nyabŭt dŭn ngara dŭhnyah gŭh.

PITAS 28:16

Pimritah adi dŭh biyŭn pikir inŭh gaok, pak pimritah adi tiru di tipu re mritah tui.

JEREMIAH 22:17

Pak kuu kaŭs kuu jiroh utung yŭn adŭp mu; kuu siŭ daya adi dŭh sarah ka ngga ganas kinanyuh rayat mu. TUHAN mbŭh minyu.

JEREMIAH 6:13

Barang naan daya, bās ngga sŭ, suba dapŭd duit ngga aran adi dŭh batur; nabi ngga imam gŭh nipu daya.

JEREMIAH 8:10

Ngapŭi Aku re nggen ŭmŭh ngara ka daya bŭkŭn, ka sawŭn ngara ka dari bŭkŭn. Barang naan daya, adi bās ngga adi sŭ, suba an dapŭd duit ngga aran adi dŭh batur. Nabi ngga imam gŭh nipu daya.

EZEKIEL 33:31

Jadi daya Ku tikuruk an dingah kayuh adi kuu nang, pak ngara dŭh ndai kayuh adi kuu bada ngara ndai. Pinganang adi kana ruah so baba ngara, pak ngara babŭ udip tama.

LEVITICUS 15:18

Ripas ko nyibŭŭs ngga dingan-i, dari ngga dayung dŭh siŭn dŭh mamuh, ka ngara gibabŭ kais ndŭg singumi andu.

MICAH 2:2

Kan ngara raan ŭmŭh, ngara sirabut-i; kan ngara raan kuda, ngara tambit-i. Mating adŭ kayuh bait buat-rata adi siramat.

PINYIKIANG 25:1

Kan bara daya Israel mbŭh pijog bari ngara di gadung Rubān Acacia, bara dari ngara mbŭh piguru ndai pingandai kais ngga bara dayung daya Moab adi agi diginŭ.

MATTHEW 15:19

Amai so atin daya mandŭg pikir-kira adi arap adi bada ayŭh siŭ daya, tanggah, ka ndai barang masam pingandai kais; mirupak, kadong, ka napŭ daya.

LUKE 12:15

Ka-I pijuu nang di sopŭrŭg ngara, “Jaga meh ka kingat adŭp ngan so barang masam pinyiripong; sabab udip ngan adi sawŭ dŭh-i so ka buat-rata adi angān biyŭn, kaya bait kani angān.”

LUKE 16:14

Kan daya Pharisee dingah sopŭrŭg kayuh anŭ, ngara napat Jesus, sabab ngara awang duit.

PINGANDAI 15:20

Kaŭs-i ata patut nuris surat ngga kidaan di ngara da dŭh man pinguman adi sŭn adat nang kais, adi ko dog jugan ka tibudo; pijo adŭp ngara so pimudip adi dŭh tatu darŭm pingandai kais; ka dŭh man dāng adi kabŭs ko dog nyŭt tungo-i, bait kah deya.

PINGANDAI 20:33

Aku bŭn ripong di pirak daya, bait-i mas, puan kah piraka daya.

ROME 1:29

Ngara mbŭh brisi ngga barang masam sarah, arap, tama, ka akar arap; puno ngga atin sina, atin adi an siŭ daya, atin adi an birawan, atin adi an nipu, ka atin adi bidendam. Ngara ngitong

ROME 16:2

Kambat ayŭh ngga adŭn Tapa, nimun patut angān daya adi ko dog mien, ka turung ayŭh kambŭi ayŭh biguna di pinurung so angān; amai ayŭh adi mbŭh turung bagŭ daya samŭn adŭp ku.

ROME 6:13

Dŭh gŭh angān siŭn bada tadŭ sakap pŭrŭng ngan bidosa ngga ndai tadŭ mun pingandai ginaka. Pak, nggen adŭp ngan di Tapa, nimun daya adi mbŭh dog pakat so kabŭs, ka nyerah abo abo adŭp ngan di Ayŭh yŭn pingandai tŭnggŭn.

1 CORINTH 10:8

Ata dŭh siŭn udip darŭm pimudip adi dŭh tatu darŭm pingandai kais, mun ngara; darŭm ndi andu duwŭh puru-taruh ribu naan ngara kabŭs.

1 CORINTH 5:1

Mbŭh agi dog kidaan nang pingandai kais agi timbur di ruang ngan, adi rabis arap so adi daya adi dŭh puan Tapa ko ndai. Aku dog kidaan nang ndi naan daya agi bŭŭs ngga sindŭ tiri-i!

1 CORINTH 6:13

Adi bŭkŭn agi re nang, “Pinguman yŭn tain, ka tain yŭn pinguman.” Sawŭ; pak Tapa re pirabur soduwŭh-i. Pŭrŭng manusia dŭh-i yŭn pimudip adi dŭh tatu darŭm pingandai kais, pak ngga ndai pinyiraan Tuhan; ka Tuhan inŭh adi nggen di pŭrŭng kayuh adi-i biguna.

1 CORINTH 6:18

Pijo adŭp ngan so pimudip adi dŭh tatu darŭm pingandai kais. Dosa adi bŭkŭn adi daya ndai dŭh dog pŭrŭng-i; pak daya adi udip ngga pingandai kais ndai dosa di tunduh pŭrŭng adŭp-i.

2 CORINTH 12:21

Aku taru sibia-i kan aku mandŭg dinge Tapa ku pimangŭh aku di sirung jawin ngan, ka aku re muās bara daya adi ko dawŭ-i bidosa, pak gibayuh taran pimudip-i adi dŭh tatu anŭ, mun pinyiripong pŭrŭng ngga pingandai kais.

EPHESUS 5:12

Raru mangŭh nŭŭh ngarun, buang payah nŭŭh re minyu pasar kayuh adi ngara ndai darŭm bisukan.)

EPHESUS 5:5

Angān tatu mbŭh puan nang mating daya adi udip darŭm pingandai kais, pimudip adi dŭh tatu, puan kah tama (amai tama agi keya ka nyambah tibudo) re bisa dapŭd utung-i darŭm Pinyipritah Kristus ngga Tapa.

PHILIPPI 1:27

Jadi, kayuh adi raru biguna inŭh aran pimudip ngan patut nanyam ka ajar Agah Kana pasar Kristus isa, tungang bait dŭh aku di tudu angān, aku bisa dingah angān mijog tagap ngga ndi pinŭtŭn, darŭm ndi pinyiraan samah birawan yŭn pinyabah Agah Kana anŭ.

COLOSSAE 3:5

Angān patut siŭ pinyiraan ong adi nguasa angān, mun pingandai kais, pimudip adi dŭh tatu, pinyiripong ngga pinyiraan adi sarah, ka tama (amai tama inŭh nyambah tibudo).

1 THESSALONICA 4:3

Amai pinyiraan Tapa inŭh, angān jadi kudus, buang jo so pimudip adi dŭh tatu darŭm pingandai kais.

1 THESSALONICA 4:7

Tapa dŭh-I bagan ata da udip darŭm pimudip adi dŭh tatu darŭm pingandai kais, pak darŭm pimudip adi pimunos asŭng-I.

1 TIMOTHY 2:10

pak ndai pingandai kana, nimun patut dayung adi nang adŭp-i puno darŭm adat.

1 TIMOTHY 3:3

ayŭh dŭh siŭn daya adi pimabuk puan kah daya adi mangah, pak duduh buang dŭh pinyikaii; ayŭh dŭh siŭn gira duit;

1 TIMOTHY 6:10

Amai pinyiawang duit pijadi bagŭ masam arap. Agi daya adi mbŭh gruwŭn an biyŭn-i ndŭg ka mbŭh miriseu so pinyabah ngara ka mbŭh pijadi bagŭ masam andam di adŭp-i.

2 TIMOTHY 3:2

Daya re sibut, tama, sambuh, gambung; ngara re ginaka, dŭh dingah pinganang sindŭ sama, dŭh biyŭn atin trima kaseh, ka dŭh raan puan Tapa;

TITUS 1:11

Patut inŭh baba ngara dog mapot, sabab ngara mbŭh nyusah bagŭ rawang ngga kayuh adi dŭh ngara patut ngajar. Pingandai ngara anŭ batur-i ngga pinŭtŭn an jiroh duit, pingandai adi nggen mangŭh.

TITUS 1:7

Amai nyamba eklisia digŭng kraja Tapa, ayŭh patut dŭh biyŭn sarah. Ayŭh dŭh patut daya adi miruap gambung puan kah gŭtŭh, pimabuk puan kah gira piayo daya, puan kah daya adi gira duit.

TITUS 2:3

Simŭnŭ gŭh ngajar bara dayung adi tuuh isa urah ngara birasŭk ngga urah dayung adi bituan di Tapa. Ngara dŭh siŭn jadi pinapŭ puan kah pimabuk. Ngara dŭh siŭn dŭh ngajar kayuh adi kana,

HEBREW 12:16

Dŭhnyah angān udip darŭm pimudip adi dŭh tatu darŭm pingandai kais puan kah dŭh mbit bat di kayuh roh mun Esau, adi sitagar an dapŭd ndi pinggen pinguman mbŭh jua hak-i adi jadi anak pinuai.

JOSHUA 7:21

Bigaur ngga dudu kayuh adi kieh sirapas, aku agi dapŭd ndi jipo Babylonia adi raru ramus, pirak sindŭk 2 kilogram bat-i, ka ndi panggar mas adi rabis sitangah kilogram bat-i. Aku raru ripong di kayuh kayuh anŭ, ka aku tambit-i. Kaam bisa dapŭd dudu kayuh anŭ dog napuk darŭm tana darŭm bari ku, ka pirak anŭ agi di rasan-i.”

1 PETER 5:2

jadi pingingat kaban biri adi Tapa ko nggen di angān da kingat, dŭh ngga atin adi abah pak ngga atin adi siabo raan. Ndai kraja ngan, dŭh sabab an dapŭd utung adŭ, pak so atin adi sawŭ an ndai-i.

2 PETER 2:10

rabis-i ngara adi nurut pinyiripong pŭrŭng adi sembar ka ngamun kuasa Tapa. Bara gurū kadong ati pagan buang gambung. Ngara dŭh biyŭn atin stabi di bara adi bragah di sambu; ngamun kidŭ-i ngara.

2 PETER 2:14

Kayuh adi ngara jiroh inŭh pluang yŭn tanggah; pinyiripong ngara di dosa taŭn dŭh pandai ko. Ngara kudog daya adi ramah, ka atin ngara taŭn mbŭh kanyet tama. Ngara mbŭh di ribo pangu Tapa!

2 PETER 2:3

Ngga atin tama, bara gurū kadong ati jiroh bagŭ utung so dundan adi ngara nimbur da angān dingah. Mbŭh tui ukum mbŭh dog sidia yŭn ngara, ka pinyirusag adi dog natu yŭn ngara mbŭh kajŭn ngara!

PINANDŬNG 2:14

Pak agi kada kayuh adi yŭn Ku nyarah kuu: agi kada so bara mu adi mbŭh tunda ajar Balaam, adi ko ngajar Balak munki ayŭh dapŭd nguru daya Israel da bidosa darŭm-i mujuk ngara da man pinguman adi ko dog jugan ka tibudo buang da ndai urah adi dŭh tatu darŭm pingandai kais.

PINANDŬNG 2:21

Aku mbŭh nggen di ayŭh tipuh yŭn-i ngubah adŭp-i ka dŭh tia bidosa, pak ayŭh abah pasan kraja pingandai kais-i anŭ.

PINANDŬNG 21:8

Pak ngara adi pinakut, adi nyipunok Jesus, adi sembar, adi pinyiŭ, adi udip darŭm pimudip adi dŭh tatu darŭm pingandai kais, adi ndai biruri karŭm, adi nyambah tibudo, samŭn sopŭrŭg adi pingadong; tarun yŭn ngara inŭh danu anŭ adi bijagu ngga apui ka mirirang, anŭ inŭh pinyikabŭs adi numbor duwŭh.”

PINANDŬNG 22:15

Pak di sapa kupo inŭh ngara adi sembar ngga adi ndai biruri karŭm, ngara adi dŭh tatu pimudip-i darŭm pingandai kais ka ngara adi pinyiŭ, ngara adi nyambah tibudo ka ngara adi pingadong darŭm piminyu ka darŭm pingandai.

PINANDŬNG 9:21

Dŭh gŭh ngara an ko siŭ daya, ndai biruri karŭm, nanyung, ndai urah adi dŭh tatu darŭm pingandai kais, ka naku.

1 SAMUEL 8:3

Pak ngara dŭh tunda danding sama ngara; ngara gruwŭn adŭp-i dapŭd duit adŭ, sabab anŭ meh ngara trima suap ka dŭh nyirase har daya ngga batur.