EPHESUS 4:30 - Hakcipta - Biatah Bidayuh

³⁰ Ka dŭhnyah bada Roh Kudus susah; amai Roh Kudus inŭh tandā angān mbŭh daya Tapa, adi jamen Andu re mandŭg adi ngga Tapa re nggen pinyirupas di angān.

EPHESUS 4:30 ပူးပေါင်းရင်းမြစ်များ

TIBIRIK 6:3

TUHAN nang, “Aku dŭh re bada manusia udip adu adu; ngara inŭh manusia ka taŭn re kabŭs. So madin umbur ngara dŭh re rabis so 120 sawa.”

TIBIRIK 6:6

Ayŭh jadi susah kira adŭp-I mbŭh napa ngara ka na ngara di ong. Ayŭh mbŭh raru nyesar

MAZMUR 78:40

Munki masam awet-i ngara rawan Ayŭh di tarun tana-pajam; mbŭh pikudu kari ngara bada Ayŭh susah!

MAZMUR 95:10

Pat puru sawa Aku tiru di turap anŭ. Aku nang, ‘Ruai dŭh tŭtŭd ngara! Ngara abah tunda pesan Ku.’

ISAIAH 43:24

Angān dŭh miris kimanyan yŭn Ku bait pimunos Aku ngga ramak dāng ngan. Tibarik-i angān nyusah Aku ngga dosa ngan; angān pirarah Aku ngga sarah adi angān ndai.

ISAIAH 63:10

pak ngara rawan Ayŭh ka bada roh kudus-I susah. Ngapŭi TUHAN jadi pinganyu ngara ka rawan ngara.

ISAIAH 7:13

Jadi Isaiah nang, “Dingah, madin, bara sesang Raja David. Mbŭh raru arap angān suba pinyitŭtŭd manusia, ka angān an suba pinyitŭtŭd Tapa gŭh?

EZEKIEL 16:43

Kuu mbŭh kambŭt simuki Aku ngga kuu di andu kuu gibabŭ sŭ, ka kuu mbŭh kinuas Aku ngga sopŭrŭg pingandai mu. Anŭ sabab kuu dŭh siŭn dŭh trima ukum yŭn sopŭrŭg anŭ. Mani kuu ndai pingandai kais ngga nambah pingandai sipŭ mu anŭ adi bŭkŭn?” TUHAN Raja mbŭh minyu.

HOSEA 13:14

Aku dŭh re nyiramat daya ati so ong daya adi mbŭh kabŭs bait pirupas ngara so kuasa pinyikabŭs. Taban sesak andam mu, pinyikabŭs! Taban pinyirusag mu, ong daya adi mbŭh kabŭs! Aku mbŭh dŭh tia masi di bangsa ati.

MARK 3:5

Jesus tuas buang-I tingga ngara bait tauh-I, pak masi di ngara, sabab ngara paŭh baking buang sarah. Jadi Ayŭh nang di daya anŭ, “Ton tangan mu.” Ayŭh ton tangan-i, ka-i pari bua.

LUKE 21:28

Kan sopŭrŭg kayuh anŭ piguru, angān mijog ka nyigura ka rangit, sabab dŭm dŭh tui angān re dog nyiramat.”

JOHN 3:33

Pak daya adi sabah pinganang-I mbŭh natu so dieh nang Tapa agi sawŭ.

PINGANDAI 7:51

“Angān daya adi paŭh baking! Nimun ngara adi dŭh biguna di Tapa, angān dŭh an kuka atin ngan di pinganang Tapa! Angān mbŭh mun tayung-babuk ngan, ari rawan Roh Kudus!

ROME 8:11

Kambŭi Roh Kudus, adi pakat Jesus so kabŭs, agi darŭm angān, Ayŭh adi pakat Kristus so kabŭs gŭh re nggen udip di pŭrŭng ngan adi bisa kabŭs, da Roh Kudus adi agi darŭm angān.

ROME 8:23

Pak dŭh-i kayuh adi ko dog napa adŭ adi nyidaing; ata adi biyŭn Roh Kudus adi sibungas pinganggen Tapa nyidaing gŭh darŭm asŭng ta darŭm ata kajŭn Tapa ndai ata da jadi bara anak-I ka pirupas ata so pŭrŭng ta adi pandai kabŭs ani.

1 CORINTH 1:30

Pak Tapa mbŭh tambit angān bada udip ndi ngga Kristus Jesus; ka adŭp Kristus, Tapa mbŭh bada jadi pinyibijak ta. So Ayŭh ata mbŭh dapŭd bamai ngga Tapa; ata jadi daya Tapa adi kudus adi mbŭh dog pirupas.

1 CORINTH 15:54

Jadi kan kayuh anŭ jadi simŭnŭ, ka anŭ adi bisa kabŭs jadi anŭ adi dŭh bisa kabŭs, pinganang Surat-kudus re jadi bitŭtŭk: “Pinyikabŭs mbŭh dog kinating; pimanang mbŭh manŭn!”

1 THESSALONICA 5:19

Dŭhnyah matŭn Roh Kudus;

HEBREW 10:29

Simuki meh ngga ngara adi ngamun Anak Tapa, adi kinarap deya simanya Tapa adi mbŭh pibisig ngara so dosa, ka adi pimangŭh Roh Kudus adi rindu ngara? Suba kira, munki masam bisā-i re tung ngara ukum!

HEBREW 3:10

Ngapŭi Aku baji di ngara ka nang, ‘Ngara siraru tirawan Aku ka abah tunda pinyipesan Ku.’

HEBREW 3:17

Di asi Tapa baji sitŭkŭd pat puru sawa? Di ngara adi bidosa, adi kabŭs di tarun tana-pajam.

AKIM 10:16

Jadi ngara kubo taran tapa tapa saruh ngara ka nyambah TUHAN; ka Ayŭh dŭh munos yang-I kiris pinyusah Israel.