EPHESUS 4:22 - Hakcipta - Biatah Bidayuh

²² Jadi taran meh pimudip ngan adi amba, adi bada angān mun adi mbŭh, anŭ inŭh rusak da pinyiraan ngga pingandai tipu-i.

EPHESUS 4:22 ပူးပေါင်းရင်းမြစ်များ

JOB 22:23

Sawŭ, kuu dŭh siŭn dŭh pirapat adŭp mu pari ka Tapa ka pirŭŭ sopŭrŭg kayuh arap adi dog ndai di ramin mu.

PITAS 11:18

Daya ginaka sibatur-i dŭh dapŭd ani ani, pak kambŭi kuu ndai kayuh adi batur, kuu tatu re dog ngupah.

JEREMIAH 17:9

“Asi dapŭd mirati atin manusia? Mating kayuh bŭkŭn re rabis bidikok mun atin manusia; atin anŭ mbŭh sera andam-i.

JEREMIAH 49:16

Atin sambuh ngan mbŭh nipu angān. Mating daya taru di angān sak adi nang ngan. Angān rŭŭ di jenjang adi pibatuh, bigatung di tibung darŭd; pak sunggu angān rŭŭ di tarun yŭn adi bigatung mun beuh, TUHAN babŭ gŭh re taban angān ka sagān. TUHAN mbŭh minyu.”

OBADIAH 1:3

Uap-sambuh mu mbŭh nipu kuu. Sindŭ kupo mu inŭh kuta adi dog ndai so tigŭrŭ batuh; yŭn pinyirŭŭ mu inŭh di tibung darŭd, ka kuu nang darŭm atin mu, ‘Asi re dapŭd pirabu aku?’

ROME 6:6

Ka ata puan nang pimudip amba ta mbŭh dog siŭ ngga Kristus di atuh rigang, siŭn kuasa pŭrŭng adi bidosa bisa dog pirabur, isa ata dŭh tia jadi urun dosa.

ROME 7:11

Dosa mbŭh dapŭd pluang-i, ka ngga pinyipesan anŭ dosa mbŭh nipu aku ka siŭ aku.

2 CORINTH 11:3

Pak aku taru sibia-i pikir ngan miriseu, ka dŭh tia tŭtŭd di Kristus, nimun Eve adi ko tibudō da akar jippŭh.

GALATIA 1:13

Muko angān dog kidaan munki pimudip ku di andu aku babŭ bidigŭng tagap di Ukum-adat Jahudi, ka munki aku kisiis eklisia Tapa ka suba an pirubuh-i.

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.

EPHESUS 4:17

Ngga adŭn Tuhan meh aku bakan angān: dŭhnyah tia udip mun daya adi dŭh puan Tapa, adi pikir kira-i au-tarun.

EPHESUS 4:25

Dŭhnyah tia kadong! Barang naan dŭh siŭn dŭh nang kayuh adi sawŭ di dingan adi samah sabah di Jesus, sabab sopŭrŭg ta mbŭh samah darŭm ndi pŭrŭng Kristus.

EPHESUS 4:31

Dŭhnyah bidendam, gŭtŭh, puan kah baji. Dŭhnyah tia bikaii puan kah bakit daya. Dŭhnyah tia tiru di daya.

COLOSSAE 2:11

Darŭm udip ndi ngga Kristus angān mbŭh bisunat, dŭh-i sunat adi pingandai manusia, pak sunat adi pingandai Kristus adi pirupas ata so kuasa pŭrŭng adi bidosa.

TITUS 3:3

Amai adŭp ta ko gŭh budo, dŭh an dingah pinganang, buang sarah. Ata ko jadi urun bagŭ masam pinyiripong ka bagŭ masam pinyiraan. Pimudip ta ko puno ngga dendam ka sina; daya tiru di ata ka ata tiru di daya.

HEBREW 12:1

Mun ata ati, ata biyŭn bara saksi maning ata. Ja ata pasan kadi kayuh adi matŭn ata, samŭn dosa adi rakat di ata, ka bikaduh ngga siabo asŭng darŭm rumba adi mbŭh dog sidia yŭn ta.

HEBREW 3:13

Pak, siŭn mating so angān jadi tibudō da dosa ka jadi baking, angān dŭh siŭn dŭh an turung dingan ngan barang andu siragi ata udip di jaman adi dog kadŭn di Surat-kudus “Andu Ati.”

JAMES 1:21

Jadi taran meh pimudip adi sembar ka urah adi ginaka. Jugan adŭp ngan ka darŭm tangan Tapa ka kambat pinganang adi-I purun darŭm atin ngan, adi dapŭd nyiramat angān.

JAMES 1:26

Agi kah so angān adi nang adŭp-i puno darŭm adat? Kambŭi angān dŭh jaga jura ngan, adat ngan dŭh biguna ka angān mbŭh kadong adŭp ngan.

1 PETER 1:18

Amai angān puan ani adi mbŭh dog bayar ngga pirupas angān so pimudip adi dŭh biguna adi angān trima so tayung-babuk ngan. Dŭh-i kayuh adi bisa dog pirusak, mun mas bait pirak;

1 PETER 4:3

Dawŭ-i angān mbŭh sadang tui-i ndai kayuh adi daya adi dŭh puan Tapa suka ndai. Pimudip ngan taŭn-i mbŭh puno ngga kayuh adi dŭh tatu, mun pinyiripong pŭrŭng, pimabuk, bigawai ndŭg ka ndai rubi kais, nok kayuh adi bisā ndŭg ka rabis so patut; ka adi raru sipŭ-i, angān nyambah tibudo.

2 PETER 2:13

ka re dog maras ngga sangsara yŭn pinyusah adi ngara ko ndai. Ngara raru suka ndai di rawa tarun di sirung jawin daya bagŭ tadŭ kayuh adi pimunos pinyiraan pŭrŭng-i. Kan ngara man ngga angān, urah ngara taŭn mangŭh angān ngarun. Ngara raru munos asŭng amai tungang nipu angān!

2 PETER 2:7

Tapa nyiramat Lot, daya adi kana, adi mbŭh raru susah da pimudip daya adi dŭh puan ukum-adat, anŭ inŭh pimudip ngara adi dŭh tatu darŭm pingandai kais.

1 SAMUEL 1:14

ka nang di ayŭh, “Dŭhnyah kuu mabuk digiti! Dŭh tia nok ka nakit ngga adŭp mu!”