EPHESUS 4:2 - Hakcipta - Biatah Bidayuh

² Angān an siraru pirapat adŭp ngan, duduh ngga daya, ka sabar ngga daya. Turung dingan ngan ngga pinyirindu.

EPHESUS 4:2 ပူးပေါင်းရင်းမြစ်များ

MAZMUR 138:6

Sunggu Kaam adi siabo bigatung, Kaam rada ngara adi pirapat adŭp-i, ka adi sambuh dŭh dapŭd bisukan so Kaam.

MAZMUR 45:4

Panu meh ngga kuasa nuju pimanang yŭn ngibān pinyawŭ ngga pinyitŭnggŭn! Pinyibake mai re bada kaam dapŭd pimanang bās!

PITAS 16:19

Kana dŭ pirapat adŭp buang udip sirata so nŭŭh jadi ndi so daya adi sambuh ka sua dapu kayuh sirapas ngara.

PITAS 3:34

Ayŭh ngamun daya adi sambuh, pak nggen pinyirasi mandis-I di daya adi pirapat adŭp-i.

EKLISIASTIS 7:8

Kayuh adi mbŭh jadi inŭh kana dŭ so kayuh adi muran dog piguru. Atin Sabar inŭh Kana Dŭ so Atin Sambuh.

ISAIAH 57:15

“Aku ati Tapa adi di sambu ka adi kudus. Aku rŭŭ di yŭn adi bigatung ka adi kudus, pak Aku gŭh adi rŭŭ ngga daya adi pirapat adŭp-i ka adi mbŭh marik pimudip-i pari ka Aku, isa Aku dapŭd bada pari tagap pinyabah ngga pingarap ngara.

ZEPHANIAH 2:3

Pari ka TUHAN, sopŭrŭg ngan adi di rais ati adi pirapat adŭp ngan, adi tunda pesan-I. Ndai kayuh adi batur, ka pirapat adŭp ngan di sirung jawin TUHAN. Kadŭ angān dapŭd pirupas adŭp ngan so ukum di andu anŭ adi ngga TUHAN kiren baji-I.

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

PINYIKIANG 12:3

(Moses inŭh daya adi pirapat adŭp-i. Ayŭh pirapat adŭp-i rabis so daya bŭkŭn adi di ong.)

MATTHEW 11:29

Tunda pritah Ku ka trima ajar Ku, amai Aku ati duduh buang tŭkŭn darŭm roh; Aku re piranyah angān.

MARK 9:19

Jesus nang di ngara, “Angān adi kurang pinyabah! Ndŭg sinde meh Aku dŭh siŭn dŭh rŭŭ ngga angān? Ndŭg sinde Aku patut bijijŭ ngga angān? Taban anak anŭ kamati!”

PINGANDAI 20:19

Ngga atin tŭkŭn ka ngga randang batŭh aku adi urun Tuhan ndai kraja ku di tipuh pinyusah adi dog aku sabab pekat daya Jahudi.

ROME 15:1

Ata adi tagap darŭm pinyabah patut turung dingan ta adi ramah gŭrŭng pinyusah-i. Ata patut dŭh pimunos asŭng adŭp ta,

1 CORINTH 13:7

Pinyirindu inŭh tan di barang masam kayuh; anŭ inŭh sabah di daya, dŭh manyap pingarap, ka siraru sabar.

GALATIA 6:2

Turung dingan ngan adi dog pinyusah. Simŭnŭ, angān mbŭh sita ukum-adat Kristus.

EPHESUS 1:4

Sibayuh ong ati dog napa, Tapa mbŭh mien ata da jadi tung adŭp-I so ka udip ndi ta ngga Kristus, isa ata bisa jadi kudus mating takar sarah di sirung jawin-I. Sabab pinyirindu-I

COLOSSAE 1:11

Isa-i angān dog nyibake ngga sopŭrŭg pinyibake adi mandŭg so bragah kuasa-I, isa angān tungang nyijŭn sopŭrŭg kayuh ngga atin sabar. Ka ngga atin gaŭn nggen trima kaseh di Sama, adi mbŭh bada angān tibirang kambat tung jangān utung adi-I mbŭh sidia yŭn daya-I darŭm pinyipritah jawa.

1 TIMOTHY 6:11

Pak kuu, daya Tapa, pijo adŭp mu so sopŭrŭg kayuh adi mun anŭ. Kuu patut gruwŭn: pinŭnggŭn, udip nimun ka pinyiraan Tapa, sabah di Kristus, rindu dingan, biyŭn pinyitŭtŭd atin di tika sangsara, ka atin duduh ngga daya.

2 TIMOTHY 2:25

kuu an duduh darŭm kuu ngika ka ngajar daya adi matah kuu; amai sawŭ, nŭŭh dŭh puan kadŭ Tapa re nggen di ngara aran ngga marik pimudip ngara pari ka adŭp-I ka natŭng ajar adi sawŭ.

JAMES 1:21

Jadi taran meh pimudip adi sembar ka urah adi ginaka. Jugan adŭp ngan ka darŭm tangan Tapa ka kambat pinganang adi-I purun darŭm atin ngan, adi dapŭd nyiramat angān.

1 PETER 3:15

Pak stabi di Kristus darŭm atin ngan, ka kibās Ayŭh nimun Tuhan. Ari sidia nggen pinyinam di tadŭ daya adi mite angān kidaan rati pingarap adi angān biyŭn.

1 PETER 3:8

Sikasŭn-i, sopŭrŭg ngan dŭh siŭn dŭh an ndi atin; rindu buang mandis ngga dingan ngan ngga atin tŭkŭn, keya ka bijurud.