EPHESUS 4:18 - Hakcipta - Biatah Bidayuh

¹⁸ Ngara dŭh mirati kayuh. Ngara dŭh biyŭn utung darŭm pimudip adi Tapa nggen, sabab atin budo ngara, buang baking.

EPHESUS 4:18 ပူးပေါင်းရင်းမြစ်များ

MAZMUR 74:20

Ingat simanya Mai adi Kaam mbŭh ndai ngga kieh. Di barang sikuh tarun tana adi karŭm agi pinyiganas.

ISAIAH 25:7

Digiti Ayŭh re kadi kruman pinyusah adi tian-ti mbŭh nyayung sopŭrŭg bangsa.

EZEKIEL 14:5

Sopŭrŭg tibudo anŭ mbŭh pijo daya Israel so Aku, pak ngga pinyinam Ku Aku harap Aku tungang marik atin ngara pari ka Aku.

DANIEL 5:20

Pak sabab ayŭh jadi sambuh, baking, ka gaok, ayŭh dog kadi so takta-i, ka dog kadi so bragah-i.

MATTHEW 13:15

sabab pikir ngara madŭd, ka ngara mbŭh mapot kajit-i buang mbŭh nutu batŭh-i. Kambŭi dŭh simŭnŭ, batŭh ngara kiris, kajit ngara dingah, pikir ngara mirati, ka ngara an pari ka Aku, Tapa nang, ka Aku pibua ngara.’

MARK 3:5

Jesus tuas buang-I tingga ngara bait tauh-I, pak masi di ngara, sabab ngara paŭh baking buang sarah. Jadi Ayŭh nang di daya anŭ, “Ton tangan mu.” Ayŭh ton tangan-i, ka-i pari bua.

JOHN 12:40

“Tapa mbŭh kinarŭm batŭh ngara, ka mbŭh bada atŭk ngara madŭd; isa batŭh ngara dŭh kiris, ka atŭk ngara dŭh mirati, ka ngara dŭh tudu Aku, mite Aku pibua ngara, Tuhan nang”

PINGANDAI 17:30

Tapa mbŭh kambŭt tipuh tipuh adi mbŭh ripas adi ngga daya dŭh puan Ayŭh; pak madin Ayŭh mbŭh pesan di sopŭrŭg daya di barang yŭn da marik pimudip ngara pari ka Ayŭh.

PINGANDAI 3:17

“Ka madin meh, bara dingan ku, aku puan kayuh adi angān ngga pinguru ngan ndai di tunduh Jesus agi so atin budo bawa ngan.

ROME 1:28

Sabab ngara abah ngaku Tapa, Tapa mbŭh tandah ngara ka darŭm pikir adi arap, isa ngara ndai kayuh adi ngara dŭh patut ndai.

ROME 11:25

Agi kayuh adi sawŭ adi dog sukan, bara dingan ku, adi aku raan angān puan, amai-i re bada angān dŭh pikir adŭp ngan bijak. Anŭ inŭh pinyibaking daya Israel dŭh-i re tan adu adu, pak kaŭs-i re tan ndŭg andu adi ngga sukup kiang daya adi dŭh bangsa Jahudi mandŭg ka Tapa.

ROME 11:7

Ani meh? Daya Israel mating dapŭd kayuh adi ngara jiroh. Adŭ-i tibaran adi siit adi Tapa mbŭh mien adi dapŭd kayuh anŭ; adi bŭkŭn mbŭh bangam di pinyibagan Tapa.

ROME 2:19

angān tatu puan nang angān mbŭh tukang kayak daya adi karak, jawa yŭn ngara adi darŭm karŭm,

1 CORINTH 1:21

Amai Tapa darŭm pinyibijak-I dŭh bada daya puan adŭp-I so ka pinyibijak adŭp ngara. Pak, so agah adi ata nyuse adi “sipadin” sŭn ngara nang, Tapa mbŭh natu an nyiramat ngara adi sabah.

1 CORINTH 2:8

Bara adi mritah ong ati dŭh puan pasar pinyibijak anŭ. Kambŭi ngara puan, ngara dŭh masak Tuhan Bragah di atuh rigang.

2 CORINTH 3:14

Pikir ngara sawŭ dŭh tikuka; ka ndŭg andu ati pikir ngara dog nutu ngga taŭb anŭ darŭm ngara basa surat surat simanya amba. Taŭb anŭ dog kadi adŭ-i kan daya anŭ mbŭh udip darŭm Kristus.

2 CORINTH 4:4

Ngara dŭh sabah, sabab tapa adi arap di ong ati mbŭh kinarŭm pikir ngara. Ayŭh matŭn ngara so kiris jawa adi nyekar di tunduh ngara, jawa adi mandŭg so Agah Kana pasar bragah Kristus adi tigŭrŭ gayŭn Tapa.

GALATIA 4:8

Dawŭ-i angān dŭh puan Tapa, ka mbŭh urun kuasa kuasa adi angān pikir tapa.

EPHESUS 2:1

Dawŭ-i angān kabŭs darŭm roh sabab atin tangek ngga dosa ngan.

EPHESUS 2:12

Di tika anŭ angān jo so Tapa. Angān daya tami, dŭh so tibaran daya adi ko dog mien Tapa. Angān dŭh biyŭn utung di simanya anŭ, adi taŭn bisangan di janji Tapa ngga daya-I, ka darŭm angān rŭŭ di ong ati angān dŭh biyŭn pingarap buang dŭh biyŭn Tapa.

COLOSSAE 1:21

Dawŭ-i angān jo so Tapa buang mbŭh pinganyu-I sabab pingandai ngga pikir-kira ngan arap.

1 THESSALONICA 4:5

dŭh ngga pinyiripong adi sarah mun daya adi dŭh puan Tapa.

HEBREW 5:2

Amai adŭp-i ramah darŭm bagŭ yŭn-i, ayŭh dapŭd jadi duduh ngga daya adi budo bawa ka adi ndai sarah.

HEBREW 9:7

pak kaŭs-i imam bās adŭ adi mŭrŭt bari tura ka darŭm; ayŭh mŭrŭt kamanŭ ndi sawa ndi sidah adŭ. Ayŭh taban mŭrŭt deya adi-i jugan ka Tapa ngga ngarun adŭp-i ka ngga taran dosa adi daya ndai darŭm dŭh rada.

JAMES 4:4

Angān daya adi dŭh tŭtŭd di Tapa! Dŭh kah angān puan nang bidingan ngga ong sirati-i jadi pinganyu Tapa? Kambŭi angān raan bidingan ngga ong, angān mbŭh bada adŭp ngan jadi pinganyu Tapa.

1 PETER 1:14

Nundok di Tapa, ka dŭhnyah bada pimudip ngan dog nguasa pinyiripong arap ngan adi dawŭ, di andu angān gibayuh puan Tapa.

1 JOHN 2:11

Pak kambŭi ata tiru di daya, ata darŭm karŭm; ata panu darŭm-i ka dŭh puan kamaki ata panu, sabab karŭm anŭ mbŭh bada ata karak.