EPHESUS 4:16 - Hakcipta - Biatah Bidayuh

¹⁶ Di ribo kuasa-I sopŭrŭg utung pŭrŭng adi dŭh brimun jadi birasŭk, ka ndi pŭrŭng pŭrŭng ganan mbŭh dog tubu ngga tiap tiap bukuh adi ko dog sidia. Jadi kan ndi sakap pŭrŭng nyiraja nanyam patut, ndi pŭrŭng pŭrŭng ganan anŭ dŭ dŭ masang buang kambang sabab pinyirindu.

EPHESUS 4:16 ပူးပေါင်းရင်းမြစ်များ

JOHN 15:5

“Aku inŭh tŭngŭn anggor, ka angān inŭh bara daan-i. Kambŭi daya rŭŭ darŭm Aku, ka Aku darŭm ngara, ngara re buān bagŭ buwa; amai angān dŭh bisa ndai ani ani kambŭi dŭh so Aku.

ROME 12:4

Ata biyŭn bagŭ sakap di ndi pŭrŭng ganan ta, ka barang sakap anŭ agi guna adŭp-i.

1 CORINTH 10:17

Sabab agi ndi ruti, sopŭrŭg ta, sunggu bagŭ, mbŭh ndi pŭrŭng, amai ata samah man ndi ruti anŭ.

1 CORINTH 13:13

Jadi meh taruh ati babŭ: pinyabah, pingarap, ka pinyirindu; ka adi rabis bās inŭh pinyirindu.

1 CORINTH 8:1

Di surat ngan angān siken aku pasar pinguman adi ko dog jugan ka tibudo. Taŭn-i sawŭ, “sopŭrŭg ata biyŭn pinyipuan,” sak adi nang ngara. Pinyipuan anŭ, ayŭh bada daya bakak ngga atin gambung, pak pinyirindu pijog ata.

GALATIA 5:22

Pak-i daya adi dog nyiruton Roh Kudus agi mun ati: ngara biyŭn pinyirindu, pinyigaŭn, damai, atin sabar, atin mandis, pinyikana, atin tŭtŭd,

GALATIA 5:6

Amai kan ata mbŭh ndi ngga Kristus Jesus, bisunat bait dŭh ata anŭ mbŭh dŭh biguna tia; adi biguna inŭh pinyabah adi taban pinyirindu.

EPHESUS 1:4

Sibayuh ong ati dog napa, Tapa mbŭh mien ata da jadi tung adŭp-I so ka udip ndi ta ngga Kristus, isa ata bisa jadi kudus mating takar sarah di sirung jawin-I. Sabab pinyirindu-I

EPHESUS 3:17

ka aku simayang gŭh mite Kristus rŭŭ darŭm atin ngan so ka pinyabah ngan di Ayŭh. Aku simayang mite sopŭrŭg kraja pingandai ngan bisangan di pinyirindu,

EPHESUS 3:7

Aku mbŭh jadi urun Agah Kana sabab pinganggen bās Tapa, adi-I nggen di aku so ka pingandai kuasa-I.

EPHESUS 4:12

Ayŭh ndai simŭnŭ ngga sidia sopŭrŭg daya adi Tapa mbŭh mien yŭn kraja pingandai Kristen, ngga pijog pŭrŭng Kristus.

EPHESUS 4:15

Pak minyu kayuh adi sawŭ ngga atin adi puno ngga pinyirindu, ndŭg ka ata jadi sukup tuuh darŭm pikir-kira di tadŭ tadŭ kayuh ka jadi nimun Kristus adi ubak eklisia.

PHILIPPI 1:9

Aku simayang mite pinyirindu ngan makin bitambah, isa angān natŭng kayuh adi sawŭ ka biyŭn pinimbang adi batur di piningga ngan,

COLOSSAE 2:19

buang mbŭh dŭh tia bidigen di Kristus, adi ubak pŭrŭng-I, eklisia. Di ribo pingatur Kristus ndi pŭrŭng anŭ mbŭh dog sita ka dog tubu pakai bukuh bukuh turang ka isin-i, siŭn-i masang kambang nanyam ka pinyiraan Tapa.

COLOSSAE 2:2

Aku ndai simŭnŭ ngga ngatat ngara ka isa-i ngara jadi ndi darŭm pinyirindu. Simŭnŭ gŭh angān ngga ngara bisa batur batur puan ka mirati buang natŭng rusia Tapa, adi taŭn mbŭh adŭp Kristus.

1 THESSALONICA 1:3

Kieh ingat di sirung jawin Tapa adi Sama ta simuki kraja pingandai ngan mbŭh birasŭk ngga pinyabah ngan, simuki pinyirindu ngan mbŭh bada angān bandar nyiraja, ka simuki pingarap ngan mbŭh tagap di Tuhan Jesus Kristus.

1 THESSALONICA 2:13

Ka agi gŭh sabab adi bŭkŭn adi bada kieh siraru nggen trima kaseh di Tapa. Kan kieh taban ka angān agah so Tapa, angān dingah ka kambat-i dŭh mun daya kambat agah so manusia, pak kambat-i nimun agah adi sawŭ so Tapa. Amai Tapa agi nyiraja darŭm angān adi sabah.

1 THESSALONICA 3:12

Isa-i Tuhan bada pinyirindu ngan bitambah di dingan ngan ka di sopŭrŭg daya ndŭg ka-i jadi bās mun pinyirindu ami di angān.

2 THESSALONICA 1:3

Bara dingan, kieh dŭh siŭn dŭh an siraru nggen trima kaseh di Tapa sabab angān. Patut inŭh kieh ndai simŭnŭ, sabab pinyabah ngan mbŭh bana kambang ka pinyirindu ngan dupan adŭp ngan mbŭh dŭ dŭ bitambah.

1 TIMOTHY 1:5

Pinŭtŭn pritah ati inŭh ngga kies pinyirindu adi mandŭg so atin bisig, pikir-kira atin adi bisig, ka pinyabah adi sawŭ batur.

1 PETER 1:22

Amai madin so ka adŭp ngan adi dingah ka nurut ajar adi sawŭ pasar Tapa, angān mbŭh pibisig adŭp ngan ka mbŭh biyŭn pinyirindu ngga atin tŭnggŭn yŭn bara adi bŭkŭn adi samah sabah di Jesus; rindu dingan ngan ngga siabo atin ngan.

1 JOHN 4:16

Ka adŭp ta puan ka sabah pinyirindu Tapa di ata. Tapa inŭh pinyirindu, ka ngara adi udip darŭm pinyirindu udip ndi ngga Tapa ka Tapa udip ndi ngga ngara.