EPHESUS 4:14 - Hakcipta - Biatah Bidayuh

¹⁴ Ka ata dŭh re tia mun anak-anya, udah anyut kamati kamanŭ da sabak ajar daya pinipu, adi taban daya ka aran pimudip adi sarah ngga akar tipu adi ngara nimbu.

EPHESUS 4:14 ပူးပေါင်းရင်းမြစ်များ

MAZMUR 10:9

ngara kajŭn di tarun yŭn ngara bisukan keya ka singah. Ngara tuman daya adi sirata; ngara nakap ngara ngga jarat ngara ka taban ngara ngga bu.

MAZMUR 59:3

Tingga! Ngara tuman aku; daya gaok mbŭh tikuruk rawan aku. Dŭh-i sabab dosa puan kah sarah adi aku mbŭh ndai,

ISAIAH 28:9

Ngara mingungut pasar aku. Ngara nang, “Daya anŭ pikir adŭp-i ngajar asi? Asi biguna di ajar-i? Ajar-i anŭ kana yŭn anak-sŭ adi muran pasan sisuh!

MICAH 7:2

Mating tia daya adi tŭnggŭn darŭm rais, mating daya adi tŭtŭd di Tapa. Barang naan daya taŭn kajŭn pluang an siŭ daya. Barang naan daya mbŭh ngasū dingan-i adi samah bangsa.

MATTHEW 11:7

Atan bara murid John bu, Jesus minyu pasar ayŭh di bara daya bagŭ: “Di andu angān matak ka yŭn John di tarun tana-pajam, ani anŭ adi angān an tingga? Dawŭn kupai miringe dog poh sabak?

MATTHEW 24:11

Ka bagŭ nabi kadong re timbur ka nyibudo bagŭ daya.

MATTHEW 24:24

Amai bara Kristus kadong ka bara nabi kadong re timbur; ngara re ndai pingandai-nginga ka pingandai-saruh ngga nipu ndŭg ka bara daya adi Tapa mbŭh mien ani, kambŭi tungang.

PINGANDAI 23:21

Pak dŭhnyah piduri, sabab agi rabis pat puru naan daya re tuman ayŭh. Ngara mbŭh ndai payu-i, dŭh man nok ndŭg ka ngara ko siŭ ayŭh. Ngara madin mbŭh sidia re ndai simŭnŭ, pak kajŭn pinyinam mai.”

1 CORINTH 12:2

Angān puan nang di andu angān babŭ dŭh puan Tapa, angān mbŭh manyap darŭm barang ka mun aran pimudip adi nyambah tibudo.

1 CORINTH 14:20

Dŭhnyah bipikir mun anak daya, bara dingan ku. Angān patut keya ka anak-anya jeja ka kayuh adi arap, pak jadi daya tuuh darŭm pikir ngan.

1 CORINTH 3:19

Amai kayuh adi ong ati nyirundeng pinyibijak agi au-tarun di batŭh Tapa. Sak adi nang Surat-kudus, “Tapa mirakap ngara adi bijak darŭm pinyipitar ngara”;

2 CORINTH 2:17

Kieh dŭh mun daya bŭkŭn, bijaja ngga Agah Kana so Tapa ka bada-i mun kayuh adi dŭh brega; pak sabab Tapa mbŭh pait kieh, kieh minyu ngga atin tŭnggŭn di sirung jawin-I, nimun bara urun Kristus.

2 CORINTH 4:2

Kieh sān ka bŭngŭn sopŭrŭg pingandai bisukan adi nggen mangŭh; kieh dŭh nipu daya, dŭh gŭh kieh nikok pinganang Tapa. Tapa puan kieh kidaan kayuh adi sawŭ; ngga simŭnŭ kieh bisa dog sabah daya.

GALATIA 3:1

Budo angān, daya Galatia! Asi nyibudo angān ka bada angān tiyur? Di ruwang batŭh adŭp ngan aku muko nakit kidaan pasar pinyikabŭs Jesus Kristus di atuh rigang!

EPHESUS 6:11

Kasŭk sopŭrŭg pimakai-basi adi Tapa mbŭh nggen di angān, isa angān tungang tak adŭp ngan so akar Siarap.

1 TIMOTHY 3:6

Ayŭh dŭh siŭn daya adi muran mŭrŭt jadi Kristen, siŭn ayŭh dŭh bakak ka gambung ka dog nunggu, nimun Siarap.

2 TIMOTHY 1:15

Kuu puan barang naan daya darŭm utung rais Asia mbŭh dŭh piduri aku, samŭn Phygelus ngga Hermogenes.

2 TIMOTHY 3:13

buang bara daya adi arap samŭn bara pingadong re jadi rabis arap, nyibudo daya pak adŭp-i sua tibudō.

2 TIMOTHY 4:3

Tika-i re mandŭg kan daya re dŭh an dingah ajar adi batur, pak tunda pinyiraan adŭp ngara ka re nguruk bagŭ gurū adi an kidaan di ngara kayuh adi ngara gruwŭn an dingah.

HEBREW 13:9

Dŭhnyah bada barang masam ajar adi saruh taban angān miriseu so aran adi batur. Kana dŭ inŭh ata dog nyibake ngga pinyirasi-mandis Tapa, ka dŭh so tunda atur pasar pinguman; ngara adi tunda atur anŭ bŭn-i dapŭd utung so dieh.

JAMES 1:6

Pak kan angān simayang, angān dŭh siŭn dŭh sabah. Dŭh siŭn kurang sabah, sabab daya adi kurang sabah agi keya ka girumbang di rawŭt adi dog poh sabak kamati kamanŭ.

JAMES 3:4

Suba kira kapar, munki masam baga-i dog taban sabak ribut adi daras, bisa gŭh dog nguit ngga kumudi adi raru siit, ka di ka barang yŭn nanyam pinyiraan daya adi tukang kumudi.

2 PETER 2:18

Ngara piruah piminyu sambuh ka sipadin, ka pakai pinyiripong pŭrŭng ngga kudog daya adi aŭn suba an pirupas adŭp-i so bara daya adi udip darŭm sarah.

1 JOHN 2:19

Bara pinganyu Kristus anŭ taŭn sawŭ dŭh so tibaran ta, ngapŭi ngara bu tingge ata; kambŭi ngara so tibaran ta, ngara tatu babŭ ngga ata. Pak ngara bu isa-i tatŭng mating katŭn ngara sawŭ so tibaran ta.

1 JOHN 2:26

Aku nuris ati ka angān pasar ngara adi suba an kinanyap angān.

1 JOHN 4:1

Angān adi aku rindu, dŭhnyah sabah tadŭ tadŭ daya adi nang adŭp-i biyŭn Roh Kudus, pak suba ngara yŭn puan sawŭ kah dŭh roh anŭ adi ngara biyŭn mandŭg so Tapa. Amai bagŭ nabi kadong mbŭh tambus barang yŭn.

JUDE 1:12

Ngga urah ngara adi mangŭh nŭŭh ngarun ngara mbŭh keya ka takar kais di dupan angān di tika tikuruk man. Ngara rada adŭp-i adŭ. Ngara mbŭh keya ka kruman dog poh sabak, pak dŭh taban ujen. Keya ka tŭngŭn kayuh adi dŭh buān, ndŭg ka di tipuh jaya ani, ka adi dog dimbut ndŭg uat-i ka kabŭs.

PINANDŬNG 19:20

Pak dāng anŭ dog nakap, samah ngga nabi kadong adi ko ndai pingandai-nginga di sirung jawin-i. (Ngga pingandai-nginga anŭ ayŭh ko nyibudo ngara adi biyŭn tandā dāng anŭ samŭn ngara adi ko nyambah tibudo dāng anŭ.) Dāng ngga nabi kadong anŭ dog taran udip udip-i ka darŭm danu apui adi bijagu ngga mirirang.