EPHESUS 4:13 - Hakcipta - Biatah Bidayuh

¹³ Jadi ata meh, re mandŭg tikuruk jadi ndi darŭm pinyabah ngga darŭm pinyipuan pasar Anak Tapa; ata re jadi daya adi sukup mirati, ndŭg ka mbŭh sukup brimun ngga Kristus.

EPHESUS 4:13 ပူးပေါင်းရင်းမြစ်များ

ISAIAH 53:11

Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.

ZEPHANIAH 3:9

“Komŭnŭ Aku re ngubah atin bangsa bangsa anŭ, ka ngara re bidua ka Aku sadi adŭ ka dŭh ka tapa tapa bŭkŭn. Sopŭrŭg ngara re nundok di Aku.

ZECHARIAH 14:9

Komŭnŭ TUHAN re jadi raja yŭn ndi ong ong; barang naan daya re nyambah Ayŭh mun Tapa ka puan Ayŭh ngga adŭn anŭ gŭh.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

JOHN 1:16

So kaya pinyirasi mandis-I Ayŭh mbŭh adu adu nyiberkat sopŭrŭg ta.

JOHN 16:3

Daya re ndai simŭnŭ di angān sabab ngara dŭh puan Sama bait Anak.

JOHN 17:21

Aku simayang isa ngara jadi ndi. Sama! Aku mite ngara jadi ndi darŭm Ata, nimun Kaam agi darŭm Aku ka Aku agi darŭm Kaam. Aku mite ngara jadi ndi, isa ong bisa sabah nang Kaam sawŭ mbŭh pait Aku.

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

JOHN 6:69

Kieh madin mbŭh sabah ka puan Kaam inŭh sianŭ adi Kudus adi mandŭg so Tapa.”

PINGANDAI 4:32

Tibaran adi sabah mbŭh ndi atin ndi pekat. Mating so ngara nang tadŭ tadŭ kayuh adi-i dapu mbŭh tung adŭp-i, pak ngara samah samah sua dapu sopŭrŭg-i.

1 CORINTH 1:10

Ngga kuasa Tuhan ta Jesus Kristus aku mite sopŭrŭg ngan, adi bara dingan ku, situju di ani ani adi angān nang, isa angān dŭh bikaii dupan adŭp ngan ka pape. Angān an ndi atin darŭm pikir-kira ka darŭm pinŭtŭn.

1 CORINTH 14:20

Dŭhnyah bipikir mun anak daya, bara dingan ku. Angān patut keya ka anak-anya jeja ka kayuh adi arap, pak jadi daya tuuh darŭm pikir ngan.

1 CORINTH 2:6

Sunggu mŭnŭ aku babŭ gŭh minyu pasar pinyibijak di ngara adi mbŭh sukup mirati darŭm pimudip roh. Pak-i dŭh pinyibijak adi so ong ati puan kah so kuasa adi mritah ong ati; kuasa adi mritah ong ati mbŭh re mungan.

2 CORINTH 4:6

Tapa adi nang, “Jawa re nyekar darŭm karŭm!” inŭh babŭ Tapa anŭ adi bada jawa-I nyekar darŭm atin ami, isa ata bisa puan bragah Tapa adi nyekar di Jawin Kristus.

GALATIA 4:19

Bara anak ku adi aku rindu! Pari dinge aku, keya ka sindŭ di tika biranak, kinyam sarang andam re biranak anŭ yŭn ngan ndŭg ka tibiat Kristus mbŭh jadi darŭm angān.

EPHESUS 1:17

buang mite Tapa Tuhan ta Jesus Kristus, Sama adi bragah, nggen di angān Roh Kudus adi re bada angān bijak buang pinandŭng Tapa di angān, isa angān bisa puan Ayŭh.

EPHESUS 1:23

Eklisia inŭh pŭrŭng Kristus, adi mbŭh pinyukup-I adi nyukup sopŭrŭg kayuh di barang yŭn.

EPHESUS 2:15

Ayŭh mbŭh taran Ukum-adat Jahudi samŭn sopŭrŭg pinyipesan ngga atur atur-i, siŭn-I pijadi ndi bangsa adi bauh so so-duwŭh bangsa anŭ darŭm udip ndi ngga Ayŭh; ka darŭm ndai simŭnŭ pijadi damai.

EPHESUS 4:12

Ayŭh ndai simŭnŭ ngga sidia sopŭrŭg daya adi Tapa mbŭh mien yŭn kraja pingandai Kristen, ngga pijog pŭrŭng Kristus.

EPHESUS 4:3

Ngga sibisa bisa ngan, ngga damai adi ngabŭt angān, magŭng pimudip ngan adi udip darŭm ndi pekat adi Roh Kudus mbŭh nggen di angān.

EPHESUS 4:5

Agi ndi Tuhan, ndi pinyabah, ndi baptisa;

PHILIPPI 3:10

Ndi adŭ kayuh adi raan ku, anŭ inŭh puan Kristus ka kinyam kuasa pinyimakat-I so kabŭs, ka sua kinyam jera birasa-I ka jadi mun Ayŭh darŭm pinyikabŭs-I,

PHILIPPI 3:8

Dŭh anŭ adŭ; aku nang sopŭrŭg kayuh dŭh biguna sabab anŭ adi rabis biguna, anŭ inŭh pinyipuan pasar Kristus Jesus Tuhan ku. Sabab Ayŭh aku mbŭh taran sopŭrŭg kayuh; aku nyirundeng sopŭrŭg-i sapok, ramŭn ku an dapŭd Kristus

COLOSSAE 1:28

Jadi kieh nyuse Kristus di barang naan daya. Ngga situngang tungang darŭm sopŭrŭg pinyibijak kieh bakan ka ngajar ngara siŭn tungang taban ngara ka sirung jawin Tapa nimun daya adi mbŭh sukup mirati darŭm udip ndi ngga Kristus.

COLOSSAE 2:2

Aku ndai simŭnŭ ngga ngatat ngara ka isa-i ngara jadi ndi darŭm pinyirindu. Simŭnŭ gŭh angān ngga ngara bisa batur batur puan ka mirati buang natŭng rusia Tapa, adi taŭn mbŭh adŭp Kristus.

HEBREW 5:14

Tubi, taŭn-i yŭn daya adi tuuh, daya adi mbŭh tungang natŭng so pikanyet adŭp-i, ani adi kana ngga ani adi arap.

2 PETER 1:4

Simuti inŭh, Ayŭh mbŭh nggen di ata pinganggen anŭ adi bās ka brega adi Ayŭh ko bijanji an nggen, isa ngga pinganggen anŭ angān bisa pirupas adŭp ngan so pinyiripong adi bisa pirusak angān di ong ati, ka mandŭg sua dapu tibiat Tapa.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.