EPHESUS 4:12 - Hakcipta - Biatah Bidayuh

¹² Ayŭh ndai simŭnŭ ngga sidia sopŭrŭg daya adi Tapa mbŭh mien yŭn kraja pingandai Kristen, ngga pijog pŭrŭng Kristus.

EPHESUS 4:12 ပူးပေါင်းရင်းမြစ်များ

LUKE 22:32

Pak Aku mbŭh simayang yŭn mu, Simon, siŭn pinyabah mu dŭh ramah. Ka kan kuu pari ka Aku, kuu dŭh siŭn dŭh nagap bara dingan mu.”

PINGANDAI 1:17

Judas mbŭh ndi naan so ata, amai ayŭh mbŭh dog mien da biyŭn utung darŭm kraja ati.” (

PINGANDAI 11:23

Kan ayŭh mbŭh ndŭg ka kiris munki masam Tapa mbŭh nyiberkat ngara, ayŭh mbŭh raru gaŭn ka ngatat sopŭrŭg ngara da tŭtŭd di Tuhan ngga siabo atin ngara.

PINGANDAI 20:24

Pak aku dŭh mbit bat di asŭng adŭp ku, bait aku kabŭs puan kah udip; kaŭs aku gruwŭn an ngamas kraja adi Tuhan Jesus ko nggen di aku, anŭ inŭh kidaan Agah Kana pasar pinyirasi-mandis Tapa.

PINGANDAI 20:28

Jaga adŭp ngan samŭn sopŭrŭg kaban eklisia adi Roh Kudus ko nyerah ka darŭm tangan ngan. Jadi pingingat eklisia Tapa, nimun pingingat-biri jaga biri-i, adi Ayŭh mbŭh dapu so deya Anak-I.

PINGANDAI 9:31

Simŭnŭ meh eklisia di tarun tana Judea, Galilee, ka Samaria, mbŭh darŭm tipuh bamai. Ngga pinurung Roh Kudus eklisia anŭ dog nyibake buang daya-i mbŭh dŭ dŭ bitambah, darŭm-i udip buang stabi di Tuhan.

ROME 12:5

Simŭnŭ gŭh, sunggu ata bagŭ, ata mbŭh ndi pŭrŭng amai ata mbŭh ndi ngga Kristus, dog tubu ngga barang sakap so ndi pŭrŭng.

ROME 12:7

Kambŭi-i bituan, ata patut bituan; kambŭi-i ngajar, ata patut ngajar;

ROME 14:19

Ngapŭi meh, dŭh siŭn dŭh pinŭtŭn ta di kayuh adi taban damai ka adi nagap dingan.

ROME 15:14

Bara dingan ku: Aku taŭn puan angān mbŭh raru kana, puan sopŭrŭg kayuh adi angān patut ngajar di dingan ngan.

ROME 15:2

pak patut pimunos asŭng dingan ta adi samah sabah yŭn kana adŭp ngara, ngga pijog ngara darŭm pinyabah.

ROME 15:29

Kan aku mandŭg ka angān, aku puan aku re mandŭg ngga berkat Kristus ngga sipuno-i.

1 CORINTH 12:27

Sopŭrŭg ngan mbŭh pŭrŭng Kristus, ka barang naan angān mbŭh darŭm ndi pŭrŭng-I anŭ.

1 CORINTH 12:7

Yŭn kana sopŭrŭg ta Tapa mbŭh nggen tandā ngga kiren Roh Kudus agi di barang naan ata.

1 CORINTH 14:12

Amai angān graŭh an biyŭn pinganggen roh, angān dŭh siŭn dŭh rabis so kayuh bŭkŭn an pakai anŭ adi biguna dŭ ngga turung pijog eklisia.

1 CORINTH 14:14

Amai kambŭi aku bidua simŭnŭ, roh ku sawŭ bidua, pak pikir ku dŭh sua.

1 CORINTH 14:26

Ati inŭh kayuh adi aku nang, bara dingan ku. Kan angān tikuruk simayang, agi tukang nyanyi, agi tukang ngajar, agi tukang nggen pinandŭng so Tapa, agi tukang piagah agah so Tapa darŭm piminyu saruh, ka agi tukang kidaan rati kayuh adi dog nang. Sopŭrŭg kayuh dŭh siŭn dŭh ngga turung eklisia.

2 CORINTH 12:19

Kadŭ-i angān pikir kieh tian ti suba an nyibandar adŭp ami di sirung jawin ngan. Dŭh! Kieh minyu nanyam ka pinyibada Kristus di sirung jawin Tapa, ka sopŭrŭg kayuh adi kieh ndai mbŭh taŭn ngga ami pijog angān.

2 CORINTH 13:11

Ka madin meh, bara dingan ku, harap angān bua sanang! Gruwŭn aran pimudip adi sukup kana; tunda pinganang ku ati; udip darŭm ndi itong ngga dingan ngan; udip darŭm damai. Ka Tapa pinyirindu ngga damai re agi ngga angān.

2 CORINTH 13:9

Sunggu kieh ramah, kieh gaŭn amai angān bake; ngapŭi kieh bidua siŭn angān jadi masang sukup kana.

2 CORINTH 3:8

tatu rabis sangŭn bragah kraja pingandai Roh Kudus!

2 CORINTH 4:1

Ngga pinyirasi-I Tapa mbŭh nggen di kieh kraja ati, ngapŭi kieh dŭh re jimŭ.

2 CORINTH 5:18

Sopŭrŭg anŭ mbŭh Tapa ndai, adi so Kristus mbŭh ngubah ata so jadi pinganyu-I da jadi bara dingan-I, ka mbŭh bada ata ndai daya bŭkŭn da jadi dingan-I gŭh.

2 CORINTH 6:3

Kieh dŭh an bada daya kinarap kraja ami, jadi kieh suba dŭh bada daya sikak sikakong.

2 CORINTH 7:1

Angān adi aku rindu, sopŭrŭg janji anŭ mbŭh dog ndai yŭn ta. Ngapŭi ata patut pibisig adŭp ta so sopŭrŭg kayuh adi kinais pŭrŭng ngga simangi, ka udip darŭm taru di Tapa, ka bada adŭp ta kudus.

EPHESUS 1:23

Eklisia inŭh pŭrŭng Kristus, adi mbŭh pinyukup-I adi nyukup sopŭrŭg kayuh di barang yŭn.

EPHESUS 4:16

Di ribo kuasa-I sopŭrŭg utung pŭrŭng adi dŭh brimun jadi birasŭk, ka ndi pŭrŭng pŭrŭng ganan mbŭh dog tubu ngga tiap tiap bukuh adi ko dog sidia. Jadi kan ndi sakap pŭrŭng nyiraja nanyam patut, ndi pŭrŭng pŭrŭng ganan anŭ dŭ dŭ masang buang kambang sabab pinyirindu.

EPHESUS 4:29

Dŭhnyah pinganang adi pirusak ruah so baba ngan, pak pinganang adi biguna adi pijog buang adi nggen pinurung, isa kayuh adi angān nang taban pinyikana di ngara adi dingah.

EPHESUS 4:4

Agi ndi pŭrŭng ka agi ndi Roh, nimun agi ndi pingarap adi taŭn mbŭh sabab-i Tapa bagan angān.

COLOSSAE 1:24

Madin aku gaŭn sabab jera-birasa ku yŭn ngan, sabab ngga jera-birasa pŭrŭng ku aku turung nyukup jera-birasa Kristus ngga ngarun pŭrŭng-I, eklisia.

COLOSSAE 1:28

Jadi kieh nyuse Kristus di barang naan daya. Ngga situngang tungang darŭm sopŭrŭg pinyibijak kieh bakan ka ngajar ngara siŭn tungang taban ngara ka sirung jawin Tapa nimun daya adi mbŭh sukup mirati darŭm udip ndi ngga Kristus.

COLOSSAE 4:17

Ka kidaan di Archippus, “Dŭhnyah dŭh ngamas kraja adi Tuhan mbŭh nggen di kuu.”

1 TIMOTHY 1:12

Aku nggen trima kaseh di Kristus Jesus Tuhan ta, amai pinyibake adi-I mbŭh nggen di aku yŭn kraja ku. Aku nggen trima kaseh di Ayŭh, amai Ayŭh mbŭh nyirundeng aku tibirang ka mbŭh tijuan aku da bituan di adŭp-I,

2 TIMOTHY 4:11

Kaŭs-i Luke adŭ agi ngga aku. Taban Mark ngga kamati, sabab ayŭh dapŭd turung aku di kraja.

2 TIMOTHY 4:5

Pak kuu an nakit jaga adŭp mu di tadŭ nga-i; nyijŭn pinyusah, ndai kraja adi nyuse Agah Kana, ka ndai sopŭrŭg kraja mu nimun urun Tapa.

HEBREW 13:17

Tŭtŭd ngga bara pinguru ngan ka nurut pritah ngara. Ngara dŭh masah jaga simangi ngan, amai ngara mbŭh dapu tanggong kraja ngara di sirung jawin Tapa. Kambŭi angān tŭtŭd ngga ngara, ngara re ndai kraja ngara ngga atin gaŭn; kambŭi dŭh, ngara re ndai-i ngga atin susah, ka-i dŭh re jadi utung di angān.

HEBREW 6:1

Ja ata masang ka ajar adi tŭrŭp ka dŭhnyah ata nyasang di sibungas ajar Kristen adŭ. Ata dŭh bisa pari ka sibungas ajar pasar marik pimudip pari ka Tapa;