EPHESUS 4:11 - Hakcipta - Biatah Bidayuh

¹¹ Ayŭh inŭh adi “nggen pinganggen di manusia”; Ayŭh tijuan kada daya da jadi pinyuruh, adi bŭkŭn jadi nabi, adi bŭkŭn jadi pinyuse Agah Kana, adi bŭkŭn jadi pingingat eklisia ka gurū.

EPHESUS 4:11 ပူးပေါင်းရင်းမြစ်များ

2 KRONIKEL 15:3

Mbŭh raru tui daya Israel udip dŭh biyŭn Tapa adi sawŭ, dŭh biyŭn imam adi ngajar ngara, ka dŭh biyŭn ukum-adat.

JEREMIAH 3:15

Aku re nggen di angān pinguru pinguru adi nundok di Aku, ka ngara re nyiruton angān ngga pinyibijak ka pinyimirati.

MATTHEW 28:20

ka ngajar ngara da sita sopŭrŭg kayuh adi Aku ko pesan di angān. Aku re ari agi ngga angān, ndŭg Andu Sikasŭn.”

PINGANDAI 13:1

Di eklisia di Antioch agi bara nabi ka bara gurū: Barnabas, Simeon (adi dog kadŭn Singŭt), Lucius (so Cyrene), Manaen (adi ko samah dog mira ngga Herod adi gabenor), ka Saul.

PINGANDAI 20:28

Jaga adŭp ngan samŭn sopŭrŭg kaban eklisia adi Roh Kudus ko nyerah ka darŭm tangan ngan. Jadi pingingat eklisia Tapa, nimun pingingat-biri jaga biri-i, adi Ayŭh mbŭh dapu so deya Anak-I.

PINGANDAI 21:8

Andu anŭ ndi kieh bu so nŭ di ka Caesarea. Diginŭ kieh nyandong ramin Philip adi pinyuse Injil, ndi so ngara adi ju naan adi dog mien jadi pinurung di Jerusalem.

ROME 12:7

Kambŭi-i bituan, ata patut bituan; kambŭi-i ngajar, ata patut ngajar;

1 CORINTH 12:4

Agi bagŭ masam pinganggen roh, pak babŭ ndi Roh anŭ adi nggen-i.

EPHESUS 2:20

Angān gŭh mbŭh dog pijog di tunduh pimŭnŭs adi dog na bara pinyuruh ka bara nabi, ngga Kristus Jesus adi adŭp-I batuh pinagap.

EPHESUS 3:5

Jaman jah, rusia anŭ mating dog kidaan di manusia, pak madin Tapa, ngga Roh Kudus, mbŭh pinandŭng-i di bara pinyuruh ngga nabi kudus-I.

EPHESUS 4:8

Sak adi nang Surat-kudus, “Kan Ayŭh maad ka sambu, Ayŭh taban bara daya-takap ngga adŭp-I; Ayŭh nggen pinganggen di manusia.”

2 TIMOTHY 4:5

Pak kuu an nakit jaga adŭp mu di tadŭ nga-i; nyijŭn pinyusah, ndai kraja adi nyuse Agah Kana, ka ndai sopŭrŭg kraja mu nimun urun Tapa.

HEBREW 5:12

Mbŭh sukup tipuh-i yŭn ngan jadi gurū, pak angān babŭ biguna di daya da ngajar angān sibungas ajar pasar agah Tapa. Sipatut-i angān man tubi, pak angān babŭ nok sisuh.

JUDE 1:17

Pak angān adi bara dingan ku, dŭh siŭn dŭh ingat kayuh adi bara pinyuruh Tuhan Jesus Kristus ko kidaan di angān.

PINANDŬNG 18:20

Gaŭn meh, shorga, sabab pinyirubuh-i! Gaŭn meh, bara daya adi Tapa mbŭh mien ngga bara pinyuruh ka bara nabi, amai Tapa mbŭh nunggu ayŭh sabab kayuh adi-i ko ndai di angān!

PINANDŬNG 21:14

Sindung kupo anŭ dog pijog di tunduh simŭng-duwŭh batuh pinagap-rasan, di yŭn dog nuris dŭn bara pinyuruh Anak Biri adi simŭng-duwŭh naan.