EPHESUS 4:1 - Hakcipta - Biatah Bidayuh

¹ Aku adi mbŭh dog jer sabab aku bituan di Tuhan, mite angān udip nanyam ka atur aran pimudip adi Tapa mbŭh nggen di angān di andu Ayŭh bagan angān.

EPHESUS 4:1 ပူးပေါင်းရင်းမြစ်များ

TIBIRIK 17:1

Kan Abram mbŭh prii puru-prii sawa umbur-i, TUHAN pinandŭng adŭp-i di ayŭh ka nang, “Aku ati Tapa Bisa-pŭrŭg. Nundok di Aku ka ndai kayuh adi batur.

TIBIRIK 5:24

Sitŭkŭd umbur-i ayŭh udip nanyam ka pinyiraan Tapa, ka komŭnŭ ayŭh miyap dog tambit Tapa.

JEREMIAH 38:20

Aku nang, “Kuu dŭh re dog nggen ka darŭm tangan ngara. Aku mite kuu tunda pinganang TUHAN; ka sopŭrŭg kayuh re siramat, ka kuu dŭh re dog siŭ.

PINGANDAI 9:31

Simŭnŭ meh eklisia di tarun tana Judea, Galilee, ka Samaria, mbŭh darŭm tipuh bamai. Ngga pinurung Roh Kudus eklisia anŭ dog nyibake buang daya-i mbŭh dŭ dŭ bitambah, darŭm-i udip buang stabi di Tuhan.

ROME 11:29

Amai Tapa dŭh inŭh nukar pikir-I pasar asi adi-I mien ka asi adi-I nyiberkat.

ROME 12:1

Bara dingan ku, sabab masi bās Tapa aku mite angān jugan adŭp ngan ka Tapa nimun sadis adi udip, bisig buang munos-I kiris. Anŭ inŭh aran adi batur ngga ta bituan di Ayŭh.

1 CORINTH 4:16

Ngapŭi meh aku mite angān tunda suto danding ku.

2 CORINTH 10:1

Aku, Paul, mite angān nyiringa aku. Sak adi nang daya, aku tŭkŭn buang dŭdŭt atin kan aku agi ngga angān, pak mangah kan aku jo so angān. Ngga pinyiduduh ka mandis Kristus

2 CORINTH 5:20

Kieh ati meh garang, minyu yŭn Kristus, keya ka adŭp Tapa ndai pimite-I so baba ami. Kieh mite ngga ngarun Kristus: bada Tapa ngubah angān so jadi pinganyu da jadi bara dingan-I!

2 CORINTH 6:1

Darŭm kraja ami samah ngga Tapa, meh, kieh mite angān dŭhnyah bada pinyirasi-mandis adi angān kambat so Tapa jadi au-tarun.

GALATIA 4:12

Bara dingan, aku mite angān mun aku, amai aku taŭn mun angān gŭh. Angān bŭn ndai sarah di tunduh ku.

EPHESUS 2:10

Ata ati pingandai Tapa, ka darŭm ata udip ndi ngga Kristus Jesus, Tapa mbŭh napa ata yŭn pingandai kana, adi-I mbŭh diŭ sidia da ata ndai.

EPHESUS 3:1

Sabab anŭ inŭh aku, Paul, adi mbŭh jadi pinyuruh Kristus bidua ka Tapa yŭn ngan adi dŭh bangsa Jahudi.

EPHESUS 4:17

Ngga adŭn Tuhan meh aku bakan angān: dŭhnyah tia udip mun daya adi dŭh puan Tapa, adi pikir kira-i au-tarun.

EPHESUS 4:4

Agi ndi pŭrŭng ka agi ndi Roh, nimun agi ndi pingarap adi taŭn mbŭh sabab-i Tapa bagan angān.

EPHESUS 5:2

Pimudip ngan dŭh siŭn dŭh dog nguasa pinyirindu, nimun Kristus mbŭh rindu ata ka mbŭh nggen asŭng-I yŭn ta adi keya ka pinganggen adi buuh ramak ngga sadis adi pimunos asŭng Tapa.

PHILIPPI 1:27

Jadi, kayuh adi raru biguna inŭh aran pimudip ngan patut nanyam ka ajar Agah Kana pasar Kristus isa, tungang bait dŭh aku di tudu angān, aku bisa dingah angān mijog tagap ngga ndi pinŭtŭn, darŭm ndi pinyiraan samah birawan yŭn pinyabah Agah Kana anŭ.

PHILIPPI 3:14

Jadi aku bikaduh birumba an manang siŭn dapŭd upah anŭ, adi pinyibagan Tapa so ka Kristus Jesus nuju udip adi sawŭ adi tan adu adu.

COLOSSAE 1:10

Amai simŭnŭ inŭh meh, angān re bisa udip nanyam ka pinyiraan Tuhan, siraru ndai kayuh adi pimunos asŭng-I. Angān re buān buwa darŭm sopŭrŭg pingandai kana, buang bitambah darŭm pinyipuan ngan pasar Tapa.

COLOSSAE 2:6

Amai angān mbŭh kambat Kristus Jesus jadi Tuhan ngan, angān patut udip ndi ngga Ayŭh.

COLOSSAE 4:12

Tabi so Epaphras, urun Kristus Jesus, adi so tibaran ngan gŭh. Ayŭh siraru simayang yŭn ngan, mite Tapa nagap angān darŭm pinyabah ka bada angān sukup mirati darŭm aran pimudip Kristen, buang tŭtŭd ngga pinyiraan Tapa.

1 THESSALONICA 2:12

Kieh ngatat angān, kieh nyaduh angān, ka kieh babŭ ngasu angān panu aran pimudip adi pimunos asŭng Tapa. Ayŭh inŭh adi bagan angān da sua kinyam Pinyipritah-I ngga bragah-I.

2 THESSALONICA 1:11

Anŭ sabab kieh siraru simayang yŭn ngan. Kieh simayang mite Tapa bada angān tibirang udip nanyam ka pinyiraan-I. Isa-i Ayŭh pijadi ngga kuasa-I sopŭrŭg pinyiraan ngan di pinyikana, ka nyukup pingandai pinyabah ngan.

2 TIMOTHY 1:9

Ayŭh mbŭh nyiramat buang mbŭh bagan ata da jadi daya-I, dŭh sabab kayuh adi ko ta ndai, pak sabab pinŭtŭn ngga pinyirasi-mandis adŭp-I. Ayŭh mbŭh, ngga Kristus Jesus, nggen di ata pinyirasi mandis-I diŭ so ong dog napa,

TITUS 2:10

puan kah naku kayuh ngara. Pak kiren adŭp ngara siraru kana darŭm urah-rakah buang tŭtŭd, isa-i daya bisa muji ajar pasar Tapa adi Pinyikudip ta darŭm sopŭrŭg kayuh adi ngara ndai.

HEBREW 3:1

Bara dingan ku adi Kristen, adi dog bagan Tapa gŭh! Na pikir ngan di Jesus, adi Tapa mbŭh pait da jadi Imam Bās pinyabah adi ata ngaku.

1 PETER 2:11

Bara dingan ku, angān agi keya ka daya saruh ka daya nupang di ong ati! Dŭhnyah nurut pinyiripong pŭrŭng, adi taŭn siraru rawan simangi!

1 PETER 3:9

Dŭhnyah maras arap ngga arap, puan kah maras pangu ngga pangu; pak maras ngga berkat, sabab berkat inŭh adi Tapa bijanji an nggen di angān di andu Ayŭh bagan angān.

1 PETER 5:10

Pak ripas angān ko sangsara nyitiro, Tapa adi dapu sopŭrŭg pinyirasi-mandis, adi bagan angān da sua dapu bragah-I adi tan adu adu darŭm udip ndi ngga Kristus, re adŭp-I bada angān sukup kana ka nŭtŭd atin ngan, nyibake angān, ka nagap angān.

2 PETER 1:3

So kuasa Tapa ata mbŭh kambat sopŭrŭg kayuh adi ata biguna yŭn aran pimudip adi pimunos asŭng Tapa. Ayŭh simŭnŭ so ka pinyipuan ta pasar Ayŭh adi bagan ata da sua darŭm bragah ngga pinyikana-I.

2 JOHN 1:5

Jadi aku ngaja kuu: Ja ata sopŭrŭg rindu dingan ta. Ati adi aku nuris nuju kuu dŭh-i pinyipesan adi bauh, pak pinyipesan adi taŭn mbŭh tui ata biyŭn so sibungas-i.