Ka kan tipuh ami ayō ngara mbŭh ripuan, kieh bu so nŭ ka pijuu pimanu ami. Sopŭrŭg ngara, samŭn sawŭn ngara ngga bara anak ngara, nguru kieh ruah so kupo di ka tabing rawŭt; diginŭ kieh sidikang ka simayang.
Ata nggen trima kaseh di Tapa adi Sama Tuhan ta Jesus Kristus! Amai darŭm ata udip ndi ngga Kristus Ayŭh mbŭh nyiberkat ata ngga sopŭrŭg berkat roh so shorga.
Kan Daniel dingah atur anŭ mbŭh dog na tandā-tangan dieh, ayŭh maad. Di birit sambu di ramin-i agi kudu kudu pinjan nura Jerusalem. Diginŭ, nimun adi ari-i ndai, ayŭh sidikang sindŭk pinjan anŭ ka bidua ka Tapa pitaruh kari ndi andu.
Kan-i mbŭh tika adi ngga jugan sadis singumi andu, aku makat so yŭn aku guru darŭm susah, buang babŭ nēn piraka ku adi tiratak, aku sidikang ka simayang buang pakat tangan ku ka TUHAN adi Tapa ku.
Janji Ku agi sawŭ, ka-i re dŭh dog ngubah. Aku bipayu pakai asi adŭp Ku ati: Barang naan re mandŭg ka sidikang di sirung jawin Ku ka mutu ubak raan nundok di Aku.
(Solomon muko ndai ndi takah timaga, na-i di yun badag anŭ. Takah anŭ 2.2 mita misagi ka 1.3 mita bigatung. Ayŭh maad takah anŭ, sidikang di yŭn daya bagŭ dapŭd kiris ayŭh, ka pakat tangan-i ka shorga.)
Pak Peter bada ngara ruah ka sapa, ka adŭp-i sidikang simayang; komŭnŭ ayŭh nyindŭk tadang anŭ ka nang, “Tabitha, makat!” Tabitha bidarang, ka kan-i kiris Peter, ayŭh guru.