EPHESUS 2:8 - Hakcipta - Biatah Bidayuh

^8-9 Amai so ka pinyirasi-mandis Tapa inŭh angān dog nyiramat sabab angān sabah di Jesus; dŭh so ka kraja pingandai adŭp ngan, pak mbŭh pinganggen adŭp Tapa, isa daya dŭh mingangŭn.

EPHESUS 2:8 ပူးပေါင်းရင်းမြစ်များ

MATTHEW 16:17

“Bituah inŭh kuu, Simon anak John!” Jesus nam. “Pinyidapŭd mu anŭ dŭh-i so adŭp mu, pak mbŭh adŭp Sama Ku adi di shorga nggen di kuu.

MATTHEW 20:9

Ngara adi piguru nyiraja pukor rimŭh dog bayar ndi kiping duit pirak ndi naan.

MARK 16:16

Asi asi adi sabah ka dog baptisa re siramat; asi asi adi dŭh sabah re dog nunggu.

LUKE 7:50

Pak Jesus nang di dayung anŭ, “Amai kuu sabah di Aku, kuu mbŭh dog nyiramat. Panu meh darŭm damai.”

JOHN 3:36

Daya adi sabah di Anak dapŭd udip adi sawŭ adi tan adu adu, pak daya adi nyibireu pinganang Anak dŭh-i re dapŭd udip anŭ; ayŭh re ruro di ribo ukum Tapa.

JOHN 4:10

Jesus nam, “Kambŭi kuu puan ani adi Tapa nggen, ka asi Ayŭh adi mite nok so kuu, kuu manŭn re an mite, ka Ayŭh gŭh taŭn re an nggen di kuu piin adi nggen udip.”

JOHN 5:24

“Aku kidaan di angān kayuh adi sawŭ: daya adi dingah pinganang Ku ka sabah di Ayŭh adi pait Aku biyŭn udip adi sawŭ adi tan adu adu. Ngara dŭh re dog ukum, pak mbŭh ruah so pinyikabŭs nuju udip anŭ.

JOHN 6:35

“Aku ati inŭh ruti adi nggen udip,” Jesus nang di ngara. “Daya adi mandŭg ka Aku dŭh re tia sibŭrŭk; daya adi sabah di Aku dŭh re tia badŭh asŭng.

JOHN 6:37

Sopŭrŭg daya adi Sama mbŭh nggen di Aku, re mandŭg ka Aku. Aku dŭh re kasig daya adi mandŭg ka Aku,

JOHN 6:40

Amai pinyiraan Sama Ku inŭh ngara adi kiris Anak ka sabah di Ayŭh patut dapŭd udip adi sawŭ adi tan adu adu. Ka Aku re pakat ngara di andu sikasŭn.”

JOHN 6:44

Mating daya bisa mandŭg ka Aku kambŭi Sama adi bada Aku mandŭg dŭh bada ayŭh mandŭg ka Aku; Aku re pakat ayŭh di andu sikasŭn.

JOHN 6:65

Ka-I nang dinge, “Anŭ inŭh sabab Aku kidaan di angān, mating daya tungang mandŭg ka Aku kambŭi dŭh so pinyibada Sama.”

PINGANDAI 14:27

Kan ngara mbŭh ndŭg Antioch, ngara nguruk bara daya eklisia ka kidaan di ngara pasar sopŭrŭg kayuh adi Tapa mbŭh ndai ngga ngara ka munki Ayŭh mbŭh kuka aran isa daya adi dŭh bangsa Jahudi bisa sabah di Jesus.

PINGANDAI 15:11

Dŭh-i patut simŭnŭ; ata sabah ka dog nyiramat da pinyirasi-mandis Tuhan Jesus, ka simŭnŭ gŭh ngara.”

PINGANDAI 16:14

Ndi so ngara adi dingah kieh inŭh Lydia so Thyatira, adi tukang jua banang adi bēng. Ayŭh inŭh dayung adi nyambah Tapa, ka Tuhan mbŭh kuka atin-i da dingah buang sabah kayuh adi Paul nang.

PINGANDAI 16:31

Ngara nam, “Sabah di Tuhan Jesus, ka kuu re siramat, kuu ngga rawang mu.”

ROME 10:14

Pak simuki ngara re bisa bagan Ayŭh yŭn mite turung kambŭi ngara dŭh sabah? Ka simuki ngara re bisa sabah kambŭi ngara gibayuh dingah agah anŭ? Ka simuki ngara re dingah agah anŭ kambŭi-i dŭh dog piagah?

ROME 10:17

Jadi meh, pinyabah mandŭg so dingah agah anŭ, ka agah anŭ mandŭg darŭm kieh nyuse Kristus.

ROME 4:16

Jadi janji anŭ bisangan di pinyabah, siŭn-i dog jamen jadi pinganggen bās Tapa di sopŭrŭg sesang Abraham; dŭh di ngara adi sita Ukum-adat adŭ, pak di ngara adi sabah mun Abraham ani. Amai Abraham inŭh sama sopŭrŭg ta darŭm roh;

ROME 4:5

Pak ngara adi bisangan di pinyabah, dŭh di kraja pingandai, ka adi sabah di Tapa anŭ adi bisa nang daya adi sarah dŭh sarah, pinyabah anŭ inŭh adi Tapa pakai ngga bada ngara bamai ngga adŭp-I.

ROME 9:16

Jadi meh, sopŭrŭg kayuh dŭh bisangan di pinyiraan puan kah di pingandai manusia, pak di masi Tapa.

GALATIA 3:14

Kristus ndai simŭnŭ siŭn so Ayŭh berkat adi Tapa ko bijanji an nggen di Abraham bisa gŭh dog nggen di bara daya adi dŭh bangsa Jahudi. Ka ata meh, so ka pinyabah ta di Tapa, bisa kambat Roh adi Tapa ko bijanji an nggen.

GALATIA 3:22

Pak Surat-kudus nang ndi ong ong mbŭh di ribo kuasa dosa; ka pinganggen anŭ adi dog janji bisangan di pinyabah di Jesus Kristus dog nggen di ngara adi sabah.

EPHESUS 1:19

ka munki masam bās inŭh meh kuasa-I adi turung ata adi sabah. Kuasa-I anŭ agi brinyam ngga kuasa bās anŭ

EPHESUS 2:10

Ata ati pingandai Tapa, ka darŭm ata udip ndi ngga Kristus Jesus, Tapa mbŭh napa ata yŭn pingandai kana, adi-I mbŭh diŭ sidia da ata ndai.

EPHESUS 2:5

Darŭm ata agi keya ka kabŭs sabab atin tangek ta, Ayŭh mbŭh kudip ata ngga Kristus. So ka pinyirasi-mandis Tapa inŭh angān mbŭh dog nyiramat.

PHILIPPI 1:29

Amai angān mbŭh dog nggen aran ngga bituan di Kristus, dŭh-i so ka pinyabah ngan di Ayŭh adŭ, pak so ka sangsara ngan sitagar Ayŭh.

COLOSSAE 2:12

Amai kan angān dog baptisa, angān dog kubur ngga Kristus, ka darŭm baptisa angān gŭh dog pakat ngga Kristus so ka pinyabah ngan di kuasa kraja pingandai Tapa, adi pakat Ayŭh so kabŭs.

2 THESSALONICA 1:9

Ngara re sangsara darŭm dog ukum ngga ukum ruro, dog nyibarai so yŭn Tuhan ka so bragah kuasa-I,

HEBREW 6:4

Amai simuki meh daya adi taran pinyabah-i re bisa dog bada marik pimudip ngara pari ka Tapa ka dŭh tia bidosa? Ngara muko ndi sidah agi darŭm jawa Tapa; ngara muko kija pinganggen Tapa, buang muko sua kambat Roh Kudus;

1 PETER 1:5

Berkat anŭ mbŭh yŭn ngan, angān adi so ka pinyabah mbŭh pagŭng dog jaga Tapa ngga kuasa-I yŭn pinyiramat anŭ adi mbŭh dog sidia re dog pinandŭng di andu sikasŭn.