EPHESUS 2:20 - Hakcipta - Biatah Bidayuh

²⁰ Angān gŭh mbŭh dog pijog di tunduh pimŭnŭs adi dog na bara pinyuruh ka bara nabi, ngga Kristus Jesus adi adŭp-I batuh pinagap.

EPHESUS 2:20 ပူးပေါင်းရင်းမြစ်များ

1 RAJA 7:11

Di tunduh-i inŭh batuh adi bŭkŭn, adi ko dog ngŭkŭd, samŭn parang kayuh sedar.

MAZMUR 118:22

Batuh adi tukang ramin taran amai dŭh biguna mbŭh jadi anŭ adi siabo biguna.

PITAS 9:1

Pinyibijak mbŭh pijog ramin-i ka mbŭh pijog ju tiang bās-i.

ISAIAH 28:16

Pak ati inŭh pinganang TUHAN Raja: “Aku na di Zion ndi pimŭnŭs adi tagap ka bake. Darŭm-i Aku na batuh pinagap adi agi dog nuris dieh pinganang, ‘Pinyabah adi tagap agi tŭtŭd gŭh.’

ZECHARIAH 10:4

So dupan ngara re mandŭg pimritah, pinguru, ngga pingibās adi re mritah daya Ku.

MATTHEW 16:18

Ngapŭi Aku kidaan di kuu, Peter: kuu inŭh batuh, ka di tunduh batuh pinagap-rasan ati Aku re pijog eklisia Ku, ka pinyikabŭs bina dŭh re tungang ngarah-i.

MATTHEW 21:42

Jesus nang di ngara, “Mating kah angān basa kayuh adi nang Surat-kudus? ‘Batuh adi tukang ramin taran mbŭh jadi anŭ adi siabo biguna. Ati mbŭh pingandai Tuhan; mbŭh raru sangŭn-i di batŭh ta!’

1 CORINTH 12:28

Di eklisia Tapa mbŭh ngatur sopŭrŭg da biyŭn pinura-i: adi numbor ndi bara pinyuruh, adi numbor duwŭh bara nabi, adi numbor taruh bara gurū; adi bŭkŭn inŭh ngara adi ndai pingandai-nginga, ka ngara adi mbŭh dog nggen kuasa ngga pibua puan kah turung daya, puan kah nyiruton daya puan kah minyu darŭm piminyu saruh.

GALATIA 2:9

James, Peter, ka John, adi mbŭh dog nyirundeng jadi pinguru Kristen, mbŭh puan Tapa mbŭh nggen kraja anŭ di aku; jadi ngara bitabi ngga kieh duwŭh Barnabas, ngga nandā kieh agi samah darŭm ndi kraja. Kieh situju aku ngga Barnabas pijuu nyiraja di dupan daya adi dŭh bangsa Jahudi ka adŭp ngara di dupan daya Jahudi.

EPHESUS 3:5

Jaman jah, rusia anŭ mating dog kidaan di manusia, pak madin Tapa, ngga Roh Kudus, mbŭh pinandŭng-i di bara pinyuruh ngga nabi kudus-I.

COLOSSAE 2:7

Bada uat ngan tŭrŭp darŭm Ayŭh, ndai pimudip ngan da bisangan di Ayŭh, ka jadi rabis bake darŭm pinyabah ngan, nimun adi ko angān birajar. Ka brisi meh ngga atin trima kaseh.

1 PETER 2:6

Amai Surat-kudus nang, “Aku mien batuh adi brega, adi Aku na di Zion da jadi batuh pinagap; ka asi asi adi sabah di Ayŭh dŭh re asa.”

PINANDŬNG 21:14

Sindung kupo anŭ dog pijog di tunduh simŭng-duwŭh batuh pinagap-rasan, di yŭn dog nuris dŭn bara pinyuruh Anak Biri adi simŭng-duwŭh naan.