EPHESUS 2:11 - Hakcipta - Biatah Bidayuh

¹¹ Dŭh kambŭt angān dŭh bangsa Jahudi, ka daya Jahudi kadŭn angān “daya adi dŭh bisunat.” Ngara nang adŭp-i daya adi bisunat (sirati-i kayuh adi daya ndai di pŭrŭng ngara). Ingat nŭh munki pimudip ngan dawŭ-i.

EPHESUS 2:11 ပူးပေါင်းရင်းမြစ်များ

EZEKIEL 20:43

Angān re ingat sopŭrŭg pingandai ngan adi sipŭ anŭ adi nyembar adŭp ngan. Angān re sidot di adŭp ngan sabab sopŭrŭg arap adi angān mbŭh ndai.

EZEKIEL 36:31

Angān re ingat urah rakah ngan adi arap ka sarah adi angān mbŭh ndai, ka angān re sidot di adŭp ngan sabab dosa ngga pingandai kais ngan.

MATTHEW 20:7

‘Daya mating nggen kraja di kieh,’ ngara nam. ‘Kambŭi sakanŭ, angān di matak di nyiraja di teya anggor ku,’ ayŭh nang di ngara.

ROME 11:17

Kada daan tŭngŭn kanā adi taŭn daya purun dog kadi, ka ndi daan so tŭngŭn kanā tuān dog tubu dieh. Angān daya adi dŭh bangsa Jahudi agi keya ka tŭngŭn kanā tuān, ka madin mbŭh samah dapu pimudip roh adi tagap anŭ adi tung daya Jahudi.

ROME 2:26

Kambŭi daya adi dŭh bangsa Jahudi, adi dŭh bisunat, sita pinyipesan Ukum-adat, dŭh kah Tapa nyirundeng ayŭh mun adi mbŭh bisunat?

ROME 2:27

Jadi angān daya Jahudi meh re dog nunggu daya adi dŭh bangsa Jahudi sabab angān miranggar Ukum-adat, saja-i angān biyŭn-i dog nuris ka mbŭh bisunat; pak ngara sita Ukum-adat saja-i ngara taŭn dŭh bisunat.

1 CORINTH 12:2

Angān puan nang di andu angān babŭ dŭh puan Tapa, angān mbŭh manyap darŭm barang ka mun aran pimudip adi nyambah tibudo.

1 CORINTH 6:11

Agi kada so angān ko mun anŭ. Pak angān mbŭh dog pibisig so dosa; angān mbŭh dog trima Tapa jadi daya-I; angān mbŭh dapŭd bamai ngga Tapa da Tuhan Jesus Kristus ka da Roh Tapa ta.

GALATIA 2:15

Sawŭ inŭh kieh ati daya Jahudi so pinyibranak ami, ka dŭh “daya adi dŭh bangsa Jahudi adi bidosa,” sak adi nang daya.

GALATIA 6:12

Daya adi suba an takan angān da bisunat taŭn-i mbŭh daya adi raan mirawa buang mingangŭn pasar kayuh adi tungang dog kiris. Ngara ndai simŭnŭ ngga-i mangān adŭp-i dog kisiis sitagar rigang Kristus.

EPHESUS 2:2

Nganŭ angān kadŭg aran pimudip ong adi sarah; angān bituan di pinguasa roh roh adi arap di rangit ngga di ong, anŭ inŭh roh adi nguasa daya adi nyibireu pinganang Tapa.

EPHESUS 5:8

Dawŭ-i, adŭp ngan ko udip darŭm karŭm, pak sabab angān madin mbŭh daya Tuhan, angān agi darŭm jawa. Jadi angān dŭh siŭn dŭh udip mun daya jawa,

DITRONOMI 15:15

Ingat adŭp ngan muko jadi urun di Egypt, ka TUHAN adi Tapa ngan mbŭh pirupas angān; anŭ inŭh sabab-i aku madin nggen di angān pesan ati.

DITRONOMI 16:12

Nakit ingat adŭp ngan sawŭ tunda sopŭrŭg pesan ati; dŭhnyah kambŭt adŭp ngan muko jadi urun di Egypt.

DITRONOMI 5:15

Ingat adŭp ngan ko jadi urun di Egypt, ka Aku, TUHAN adi Tapa ngan mbŭh piruah angān ngga kuasa bās ka pinyibake Ku. Anŭ sabab Aku pesan angān bada sita andu Sabbath.

DITRONOMI 8:2

Ingat simuki TUHAN adi Tapa ngan mbŭh nguru angān di pimanu adi raru jo mutas tarun tana-pajam pat puru sawa; bada angān jera ngga-I suba angān, yŭn-I an puan kayuh adi re ngan ndai, ka re ngan tunda kah dŭh pinyipesan-I.

DITRONOMI 9:7

“Dŭhnyah kambŭt munki angān bada TUHAN adi Tapa ngan baji, di tarun tana-pajam. So andu adi ngga angān ruah so Egypt ndŭg ka andu adi ngga angān ndŭg tarun ati, angān mbŭh rawan Ayŭh.

PHILIPPI 3:3

Dŭh-i ngara pak ata, adi mbŭh kambat sunat adi sawŭ, amai ngga pinurung Roh-I ata nyambah Tapa ka gaŭn darŭm ata udip ndi ngga Kristus Jesus. Ata dŭh bisangan di adat pŭrŭng.

COLOSSAE 1:21

Dawŭ-i angān jo so Tapa buang mbŭh pinganyu-I sabab pingandai ngga pikir-kira ngan arap.

COLOSSAE 2:11

Darŭm udip ndi ngga Kristus angān mbŭh bisunat, dŭh-i sunat adi pingandai manusia, pak sunat adi pingandai Kristus adi pirupas ata so kuasa pŭrŭng adi bidosa.

COLOSSAE 2:13

Angān ko dawŭ-i kabŭs darŭm roh sitagar dosa ngan ka sabab angān adi dŭh bangsa Jahudi dŭh biyŭn Ukum-adat. Pak Tapa mbŭh kudip angān samah ngga Kristus. Tapa mbŭh apun sopŭrŭg dosa ta;

COLOSSAE 3:11

Ka darŭm-i mun anŭ, re mating katŭn daya bangsa Greek ngga daya bangsa Jahudi, bisunat ngga adi dŭh bisunat, bangsa tami, bangsa daya adi babŭ amba aran pimudip-i, daya urun bait adi dŭh urun, pak Kristus mbŭh sopŭrŭg-i ka mbŭh agi darŭm sopŭrŭg.

1 SAMUEL 17:26

David siken bara daya adi sindŭk ayŭh, “Ani upah daya adi siŭ daya Philistine anŭ ka pirupas Israel so dog pimangŭh? Buang ja, asi daya Philistine anŭ adi dŭh puan Tapa, adi natang bara soldadu Tapa adi udip?”

1 SAMUEL 17:36

Aku muko siŭ singah ngga buāng, aku re ndai simŭnŭ gŭh di daya Philistine anŭ adi dŭh puan Tapa, adi natang bara soldadu Tapa adi udip.