Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




EPHESUS 2:10 - Hakcipta - Biatah Bidayuh

10 Ata ati pingandai Tapa, ka darŭm ata udip ndi ngga Kristus Jesus, Tapa mbŭh napa ata yŭn pingandai kana, adi-I mbŭh diŭ sidia da ata ndai.

အခန်းကိုကြည့်ပါ။ ကော်ပီ




EPHESUS 2:10
58 ပူးပေါင်းရင်းမြစ်များ  

Ngaku TUHAN inŭh Tapa. Ayŭh napa ata, ka ata tung jangi; ata daya-I, ata kaban biri-I.


Ngara bŭn ndai sarah; ngara udip nanyam ka pinyiraan TUHAN.


Kaam re ndai sopŭrŭg adi Kaam mbŭh bijanji; TUHAN, pinyirindu Mai tan adu adu. Ngamas kraja adi Kaam mbŭh piguru.


Ndai atin bisig di aku, O Tapa, ka bada aku tŭtŭd dinge.


Mbŭh raru kana-i kambŭi daya Ku raan dingah pinganang Ku; mbŭh raru kana-i kambŭi daya Ku raan ndai pinyiraan Ku!


TUHAN Bisa-pŭrŭg re nyiberkat ngara ka nang, “Aku re nyiberkat kuu, Egypt, adi daya Ku; kuu, Assyria, adi Aku napa; ka kuu, Israel, daya adi Aku mbŭh mien.”


Kan angān kiris anak anak adi Aku nggen di angān, angān re ngaku Aku ati Tapa Israel, Tapa adi kudus. Angān re stabi di Aku ngga atin taru.


Ngara inŭh daya adi Aku mbŭh ndai yŭn adŭp Ku, ka ngara re nang ragu ngga muji Aku!”


Ngara inŭh daya Ku, ka Aku adi napa ngara yŭn bragah ku.”


TUHAN nang, “Israel, ingat ati; ingat adŭp ngan inŭh urun Ku. Aku napa angān bada jadi urun Ku, ka Aku dŭh re kambŭt angān.


Sopŭrŭg daya mu re ndai kayuh adi batur, ka re dapu tarun tana ati ndŭg situi tui. Aku purun ngara, Aku ndai ngara, ngga pinandŭng bās Ku di sopŭrŭg.


bada nggen di ngara adi ngurid di Zion pinyigaŭn ngga pawŭn, ka dŭh pinyusah, ragu puji, ka dŭh ragu pinyusah. Ngara re keya ka tŭngŭn tŭngŭn kayuh adi adŭp TUHAN mbŭh purun. Sopŭrŭg ngara re ndai kayuh adi batur, ka Tapa re dog muji amai kayuh adi Ayŭh mbŭh ndai.


Simanya bauh adi Aku re ndai ngga daya Israel inŭh ati: Aku re na ukum-adat Ku darŭm asŭng ngara ka nuris-i darŭm atin ngara. Aku re jadi Tapa ngara, ka ngara re jadi daya Ku.


Simŭnŭ gŭh jawa ngan dŭh siŭn dŭh nyirinyak di sirung jawin daya, isa ngara kiris kraja kana ngan ka muji Sama ngan di shorga.


Pak ngara adi ndai pinyiraan Tapa mandŭg ka jawa isa jawa kiren pingandai-i agi nanyam ka pinyiraan Tapa.


Simŭnŭ meh eklisia di tarun tana Judea, Galilee, ka Samaria, mbŭh darŭm tipuh bamai. Ngga pinurung Roh Kudus eklisia anŭ dog nyibake buang daya-i mbŭh dŭ dŭ bitambah, darŭm-i udip buang stabi di Tuhan.


Di Joppa agi ndi naan dayung dŭn Tabitha, adi sabah di Jesus. (Dŭn-i darŭm piminyu Greek inŭh Dorcas, rati “Peyu.”) Ayŭh taŭn dŭh masah ndai pingandai kana buang turung daya sirata.


Madin daya adi udip ndi ngga Kristus Jesus dŭh re dog nunggu.


Bara daya adi Tapa mbŭh mien dog nyidŭrŭ-I gŭh da jadi brimun ngga Anak-I, isa Anak jadi diŭ di dupan bara adi sabah.


Amai kieh mbŭh samah biturung darŭm kraja yŭn Tapa, ka adŭp ngan gŭh meh teya Tapa. Angān gŭh ramin Tapa.


Daya adi udip darŭm Kristus mbŭh daya bauh; adi amba mbŭh mating, adi bauh mbŭh mandŭg.


Tapa inŭh adi bada sopŭrŭg anŭ bisa jadi. Ayŭh mbŭh nggen di ata Roh-I isa ata tatu puan Ayŭh re ndai-i.


Ka adŭp Tapa bisa nggen di angān rabis so adi angān biguna, isa angān bisa siraru biyŭn sopŭrŭg kayuh adi angān biguna, ka biyŭn rabis so sadang yŭn barang kraja kana.


Dŭh-i mani, bait bisunat puan kah dŭh bisunat; kayuh adi biguna inŭh ata jadi manusia adi bauh.


So Paul, adi pinyuruh Kristus Jesus so ka pinyiraan Tapa, nuju bara daya adi Tapa mbŭh mien di Ephesus, adi tŭtŭd darŭm pimudip ngara adi ndi ngga Kristus.


Sibayuh ong ati dog napa, Tapa mbŭh mien ata da jadi tung adŭp-I so ka udip ndi ta ngga Kristus, isa ata bisa jadi kudus mating takar sarah di sirung jawin-I. Sabab pinyirindu-I


Pak madin, darŭm udip ndi ngga Kristus, angān adi ko jo so Tapa, mbŭh sindŭk da pinyikabŭs Kristus adi sadis.


Ayŭh mbŭh taran Ukum-adat Jahudi samŭn sopŭrŭg pinyipesan ngga atur atur-i, siŭn-I pijadi ndi bangsa adi bauh so so-duwŭh bangsa anŭ darŭm udip ndi ngga Ayŭh; ka darŭm ndai simŭnŭ pijadi damai.


Nganŭ angān kadŭg aran pimudip ong adi sarah; angān bituan di pinguasa roh roh adi arap di rangit ngga di ong, anŭ inŭh roh adi nguasa daya adi nyibireu pinganang Tapa.


Darŭm ata udip ndi ngga Kristus Jesus, Tapa mbŭh pakat ata ngga Ayŭh da mritah ngga Ayŭh di shorga.


Aku adi mbŭh dog jer sabab aku bituan di Tuhan, mite angān udip nanyam ka atur aran pimudip adi Tapa mbŭh nggen di angān di andu Ayŭh bagan angān.


ka adŭp ngan dŭh siŭn dŭh an kasŭk pimudip adi bauh, adi dog napa nunda ka gayŭn Tapa ka nandŭng adŭp-i darŭm pimudip adi sawŭ, anŭ inŭh adi tŭnggŭn buang kudus.


Simŭnŭ kah angān patut ngga TUHAN, angān adi budo, adi dŭh biyŭn pikir? Ayŭh anŭ Sama ngan, Pinapa ngan, Ayŭh ndai angān jadi ndi bangsa.


Tunda sopŭrŭg-i, isa angān sanang ka isa angān tui udip di tarun tana adi angān re ngisi.


Ka aku puan Tapa, adi piguru kraja kana di angān, re pijuu-i ndŭg ka-i kamas di Andu Kristus Jesus mandŭg dinge.


sabab Tapa agi nyiraja di ruang ngan bada angān raan ka tungang tunda pinyiraan-I.


Amai simŭnŭ inŭh meh, angān re bisa udip nanyam ka pinyiraan Tuhan, siraru ndai kayuh adi pimunos asŭng-I. Angān re buān buwa darŭm sopŭrŭg pingandai kana, buang bitambah darŭm pinyipuan ngan pasar Tapa.


ka mbŭh jadi daya bauh adi Tapa taŭn ari pibauh darŭm gayŭn adŭp-I adi pinapa-i. Ngga simŭnŭ inŭh angān bisa puan Tapa ngga sipuno-i.


ngatat angān ka nyibake angān da siraru ndai buang nang kayuh adi kana.


pak ndai pingandai kana, nimun patut dayung adi nang adŭp-i puno darŭm adat.


Ayŭh patut dayung adi traŭn darŭm pingandai kana: dayung adi ko nakit nyiran bara anak-i, ko pisadang bara pinami, ko turung dingan-i adi samah Kristen, ko turung daya adi dog pinyusah, ka ko marar ndai kraja kana.


Simŭnŭ gŭh pingandai kana granan tatŭng; ka anŭ adi dŭh paŭh tatŭng dŭh gŭh bisa dog sukan.


Ngajar ngara da ndai kayuh kana, da jadi kaya darŭm kraja kana, da dŭh bidagis buang sidia an samah kayuh ngga daya bŭkŭn.


Ngara adi bada adŭp-i bisig so sopŭrŭg kayuh adi arap anŭ, re dog guna yŭn tujuan adi bragah, sabab ngara mbŭh nyerah adŭp-i yŭn guna Tuan-i, sidia an dog pakai yŭn sopŭrŭg pingandai kana.


isa daya adi bituan di Tapa bisa jadi sukup pandai ka dog bada sidia yŭn barang masam kraja kana.


Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.


Darŭm sopŭrŭg kayuh, adŭp mu dŭh siŭn dŭh an jadi suto danding yŭn urah-rakah adi kana. Kuu dŭh siŭn dŭh an mbit bat di ajar mu, buang ngajar-i ngga atin tŭnggŭn.


Kidaan di daya mu da dŭh kambŭt nundok di bara adi mritah ngga adi bikuasa, da nurut pinganang ngara, ka da sidia an ndai kana darŭm sopŭrŭg kayuh.


Daya ta dŭh siŭn dŭh an birajar pakai masā ngara ndai kayuh kana, siŭn dapŭd turung daya adi sutok; pimudip ngara dŭh-i patut pimudip adi dŭh biguna.


Pinganang anŭ sawŭ. Aku raan kuu mbit bat di kayuh anŭ, isa sinadan adi sabah di Tapa bisa ngga siabo asŭng ngara pakai masā ngara ngga ndai pingandai kana buang adi biguna yŭn sopŭrŭg daya.


Ja ata ingat rada dingan ta, turung dingan kiren pinyirindu ka ndai pingandai kana.


Urah-rakah ngan di dupan daya adi dŭh puan Tapa patut raru kana isa kan ngara nyarah angān, nang angān ndai kayuh arap, ngara re ngaku pingandai ngan adi kana ka rasu muji Tapa di Andu-I mandŭg.


Pak kambŭi ata udip darŭm jawa, nimun Ayŭh adi taŭn darŭm jawa, ata manŭn mbŭh udip ndi samah ngga dingan ta; ka deya Jesus, Anak-I, pibisig ata so barang masam dosa.


kambŭi ata nang adŭp ta bijijŭ darŭm udip ndi ngga Tapa, ata patut udip tunda suto danding Jesus Kristus.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ