EPHESUS 2:1 - Hakcipta - Biatah Bidayuh

¹ Dawŭ-i angān kabŭs darŭm roh sabab atin tangek ngga dosa ngan.

EPHESUS 2:1 ပူးပေါင်းရင်းမြစ်များ

TIBIRIK 8:21

Tapa mbŭh raru munos asŭng-I kan-I kadŭk dagŭn sadis anŭ, ka-i nang di adŭp-I, “Dŭh Aku re tia mangu ong sitagar kraja pingandai manusia; Aku puan so andu ngara gi-sŭ mara pikir-kira ngara taŭn mbŭh arap. Aku dŭh re tia pirusak tadŭ tadŭ kayuh adi udip, mun ati.

MATTHEW 8:22

“Tunda Aku,” Jesus nam, “tandah daya adi kabŭs ngubur daya-i adi kabŭs.”

LUKE 15:24

Amai anak ku ati mbŭh kabŭs, pak madin ayŭh udip; ayŭh mbŭh manyap, pak madin ayŭh dog dapŭd.’ Ka gawai ngara piguru.

LUKE 15:32

Ata patut bigawai man siramat ka pawŭn, sabab sude mu mbŭh kabŭs, pak madin ayŭh udip; ayŭh mbŭh manyap, pak madin ayŭh dog dapŭd.’ ”

JOHN 10:10

Pinaku mandŭg amai an naku, siŭ, ka pirusak. Aku mandŭg isa angān bisa dapŭd udip, ka biyŭn-i ngga sipuno-i.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 5:21

Nimun Sama pakat daya adi kabŭs ka nggen di ngara udip, simŭnŭ gŭh Anak nggen udip anŭ di ngara adi-I raan.

JOHN 5:25

Aku kidaan di angān kayuh adi sawŭ: tika-i mbŭh mandŭg, adi ngga daya adi mbŭh kabŭs dingah sirŭŭn Anak Tapa, ka ngara adi dingah re udip.

ROME 8:2

Amai ukum-adat Roh Kudus, adi bada ata udip ndi ngga Kristus Jesus, inŭh adi pirupas aku so ukum-adat dosa ngga pinyikabŭs.

1 CORINTH 15:45

Amai Surat-kudus nang, “Manusia adi diŭ, Adam, dog napa jadi manusia”; pak Adam adi sundis inŭh Roh adi nggen udip.

2 CORINTH 5:14

Kieh mbŭh dog nguasa pinyirindu Kristus, amai kieh puan ndi naan Daya mbŭh kabŭs yŭn sopŭrŭg, rati-i sopŭrŭg ngara mbŭh sua kabŭs samah ngga Ayŭh.

EPHESUS 4:18

Ngara dŭh mirati kayuh. Ngara dŭh biyŭn utung darŭm pimudip adi Tapa nggen, sabab atin budo ngara, buang baking.

EPHESUS 5:14

amai tadŭ kayuh adi granan tatŭng jadi jawa. Ngapŭi meh mbŭh agi dog nang, “Burah meh, kuu adi bŭŭs, makat so pinyikabŭs; Kristus re nyekar di tunduh mu.”

COLOSSAE 2:13

Angān ko dawŭ-i kabŭs darŭm roh sitagar dosa ngan ka sabab angān adi dŭh bangsa Jahudi dŭh biyŭn Ukum-adat. Pak Tapa mbŭh kudip angān samah ngga Kristus. Tapa mbŭh apun sopŭrŭg dosa ta;

1 TIMOTHY 5:6

Pak dayung uban adi sayŭp ngga pinyirami mbŭh kabŭs, sunggu darŭm pŭrŭng ayŭh udip.

1 JOHN 3:14

Ata puan adŭp ta udip, mbŭh ruah so pinyikabŭs, sabab ata rindu dingan ta. Ngara adi dŭh rindu gibabŭ di ribo kuasa pinyikabŭs.

PINANDŬNG 3:1

“Nuris ka malaikat eklisia di Sardis: “Ati inŭh agah so sianŭ adi biyŭn ju roh Tapa ka ju bitang. Aku puan kayuh ndai mu; Aku puan kuu mun adi udip, pak sibandar-i kuu mbŭh kabŭs!