EPHESUS 1:7 - Hakcipta - Biatah Bidayuh

⁷ Amai so ka pinyikabŭs Kristus adi sadis ata mbŭh dog pirupas, anŭ inŭh, dosa ta mbŭh dog apun. Mbŭh raru bās inŭh pinyirasi-mandis Tapa,

EPHESUS 1:7 ပူးပေါင်းရင်းမြစ်များ

JOB 33:24

Ngga masi malaikat re nang, “Pirupas ngara! Ngara dŭh re di ka ong daya adi mbŭh kabŭs. Ati inŭh tubos ngga pirupas ngara.”

MAZMUR 130:4

Pak Kaam apun kieh, isa kieh stabi ka tŭtŭd di Kaam.

MAZMUR 130:7

Israel, sabah di TUHAN, sabab pinyirindu-I dŭh bisa birubah ka Ayŭh taŭn ari raan nyiramat.

MAZMUR 86:5

Kaam kana ngga kieh buang an apun kieh, puno ngga pinyirindu adi dŭh bisa birubah di sopŭrŭg daya adi bidua ka Kaam.

PINYIRUAH 34:7

Aku ingat janji Ku yŭn biribu ribu turap manusia, ka apun arap ngga dosa; pak Aku dŭh re kambŭt ngukum sesang manusia ndŭg taruh ngga pat turap amai dosa pimas ngara.”

ISAIAH 43:25

Pak, Aku ati Tapa adi apun dosa ngan, ka Aku ndai simŭnŭ sabab anŭ tibiat adŭp Ku. Aku dŭh re ingat dosa ngan.

JEREMIAH 31:34

Mating so ngara re sah ngajar dingan ngara adi samah bangsa bada puan TUHAN, sabab sopŭrŭg re puan Aku, so adi siabo sŭ ndŭg ka adi siabo bās. Aku re apun dosa ngara ka re dŭh tia ingat sarah ngara. Aku, adi TUHAN, mbŭh minyu.”

DANIEL 9:19

TUHAN, dingah kieh. TUHAN, apun kieh. TUHAN, dingah kieh, ndai meh yŭn ami! Siŭn barang naan daya puan nang Kaam inŭh Tapa, dŭhnyah sais! Kupo ngga bara daya ati inŭh jamai.”

DANIEL 9:9

Kaam inŭh masi ka an apun, sunggu kieh mbŭh rawan Kaam.

JONAH 4:2

Ayŭh bidua, “TUHAN, dŭh kah aku agi nang sibayuh aku matak tingge ramin arŭn ku, nang ati inŭh kayuh adi re Mai ndai? Anŭ inŭh sabab aku rikas di ka Spain! Aku puan Kaam inŭh Tapa adi rindu ka adi masi, ari sabar, ari mandis, ka ari sidia an nukar pikir ka dŭh jadi ngukum.

MICAH 7:18

Mating tapa bŭkŭn mun Kaam, O TUHAN. Kaam apun dosa daya Mai adi babŭ udip. Kaam dŭh adu adu baji, pak Kaam raan dŭ kiren pinyirindu Mai adi dŭh bisa birubah.

ZECHARIAH 13:1

“Kan tika anŭ mbŭh mandŭg,” nang TUHAN Bisa-pŭrŭg, “ndi sumbur piin re dog kuka ngga pibisig sesang sesang David ka daya Jerusalem so dosa ngara ngga pimudip ngara adi nyambah tibudo.

ZECHARIAH 13:7

TUHAN Bisa-pŭrŭg nang, “Burah meh, pedang, ka nyerang pingingat-biri adi nyiraja yŭn Ku! Siŭ ayŭh, ka kaban biri-i re mingare. Aku re nyerang daya Ku

ZECHARIAH 9:11

TUHAN nang, “Sabab simanya Ku ngga kuu adi dog natu ngga deya sadis, Aku re pirupas daya mu adi sangsara di rais adi yŭn ngara dog taran keya ka daya dog kurung darŭm rubang prigi adi badŭh.

MATTHEW 20:28

Mun Anak Manusia, adi dŭh mandŭg an jadi tuan, pak di bituan ka nggen asŭng-I ngga nubos bagŭ daya.”

MATTHEW 26:28

“ati inŭh deya Ku, adi natu simanya Tapa, deya Ku adi dog ren yŭn sopŭrŭg daya yŭn pingapun dosa.

MATTHEW 6:12

Apun sarah ami, nimun kieh apun sarah daya di kieh.

MARK 14:24

Jesus nang, “Ati inŭh deya Ku adi dog ren yŭn daya bagŭ, deya Ku adi natu simanya Tapa.

LUKE 1:77

di kidaan di daya-I ngara re dog nyiramat kan dosa ngara dog apun.

LUKE 24:47

Ka ngga adŭn-I, agah pasar daya patut marik pimudip-i pari ka Tapa siŭn dapŭd pingapun dosa, dŭh siŭn dŭh dog nyuse di sopŭrŭg bangsa, piguru so Jerusalem.

JOHN 20:23

Kambŭi angān apun dosa daya, dosa ngara dog apun; kambŭi angān dŭh apun dosa daya, dosa ngara dŭh dog apun.”

PINGANDAI 10:43

Sopŭrŭg nabi mbŭh minyu pasar Ayŭh, nang sopŭrŭg adi sabah di Ayŭh re dapŭd pingapun dosa so ka kuasa adŭn-I.”

PINGANDAI 2:38

Peter nang di ngara, “Barang naan angān marik pimudip ngan pari ka Tapa, ka kambat baptisa meh ngga adŭn Jesus Kristus, isa dosa ngan bisa dog apun; ka angān re bisa kambat pinganggen Tapa, anŭ inŭh Roh Kudus.

PINGANDAI 20:28

Jaga adŭp ngan samŭn sopŭrŭg kaban eklisia adi Roh Kudus ko nyerah ka darŭm tangan ngan. Jadi pingingat eklisia Tapa, nimun pingingat-biri jaga biri-i, adi Ayŭh mbŭh dapu so deya Anak-I.

PINGANDAI 3:19

Marik pimudip ngan pari ka Tapa, isa Ayŭh apun dosa ngan. Kambŭi angān ndai simŭnŭ,

ROME 2:4

Puan kah nyamtadar-i, angān ngamun atin mandis-I adi raru bās, atin duduh-I, ka atin sabar-I. Tatu angān mbŭh puan Tapa taŭn-I mandis, sabab Ayŭh raan bada angān marik pimudip ngan pari ka adŭp-I.

ROME 3:24

Pak sabab pinyirasi-mandis Tapa adi pinganggen bās-I sopŭrŭg mbŭh dog bada bamai ngga adŭp-I so Kristus Jesus, adi pirupas ngara.

ROME 3:25

Tapa mbŭh jugan Ayŭh, isa ngga deya-I Ayŭh jadi aran adi ngga dosa daya dog apun so ka pinyabah ngara di Ayŭh. Tapa ndai simŭnŭ ngga kiren pinŭnggŭn-I. Jah-i Ayŭh sabar ka kambŭt dosa ngara; pak di jaman ati Ayŭh nura dosa ngara, ngga kiren pinyitŭnggŭn-I. Simŭnŭ Tapa kiren adŭp-I tŭnggŭn, buang-I bada bamai barang naan daya adi sabah di Jesus.

ROME 9:23

Ka Ayŭh raan gŭh kiren kaya bragah-I, adi dog ren di tunduh ta adi mbŭh tibaran yŭn-I masi, sinadan ata adi-I mbŭh sidia da kambat bragah-I.

1 CORINTH 1:30

Pak Tapa mbŭh tambit angān bada udip ndi ngga Kristus Jesus; ka adŭp Kristus, Tapa mbŭh bada jadi pinyibijak ta. So Ayŭh ata mbŭh dapŭd bamai ngga Tapa; ata jadi daya Tapa adi kudus adi mbŭh dog pirupas.

2 CORINTH 8:9

Angān puan pinyirasi-mandis Tuhan ta Jesus Kristus; Ayŭh adi kaya, pak sabab angān Ayŭh bada adŭp-I sirata, siŭn angān bisa jadi kaya.

EPHESUS 1:14

Roh anŭ inŭh jamen ata bisa kambat kayuh adi Tapa ko bijanji an nggen di daya-I, ka simŭnŭ gŭh ata puan Tapa re nggen pinyirupas ngga sipuno-i di sinadan daya adi-I dapu. Ja ata muji bragah-I!

EPHESUS 1:18

Aku mite pikir ngan tikuka yŭn kiris jawa-I, isa angān adi-I mbŭh mien puan ani anŭ adi angān harap, munki masam grua berkat adi-I mbŭh bijanji an nggen di daya-I,

EPHESUS 1:6

Ja ata muji Tapa amai pinyirasi mandis-I adi bragah, amai pinganggen bās-I adi-I mbŭh nggen di ata darŭm Anak nyirot-I!

EPHESUS 1:8

adi-I mbŭh ren di tunduh ata! Darŭm sopŭrŭg pinyibijak ngga pinyipuan-I

EPHESUS 2:4

Pak Tapa taŭn-I raru masi, ka pinyirindu-I di ata agi raru bās.

EPHESUS 2:7

Ayŭh ndai anŭ ngga-I kiren yŭn adu adu pinyirasi mandis-I adi raru bās darŭm pinyirindu-I adi-I kiren di ata darŭm Kristus Jesus.

EPHESUS 3:16

Aku mite Tapa so kaya bragah-I nyibake simangi ngan ngga Roh-I,

EPHESUS 3:8

Aku agi siabo sŭ so sianŭ adi sŭ dupan bara daya adi Tapa mbŭh mien; pak Tapa mbŭh raru kana an bada aku taban ka daya adi dŭh bangsa Jahudi Agah Kana pasar berkat Kristus adi raru tŭrŭp-i,

PHILIPPI 4:19

Tapa ku ngga kaya bās-I re nggen di angān kayuh adi angān biguna, so Kristus Jesus.

COLOSSAE 1:14

so ka Anak-I ata dog pirupas, anŭ inŭh, dosa ta dog apun.

COLOSSAE 1:27

Tapa ndai simŭnŭ isa daya-I puan rusia-I, rusia adi bās ka bragah adi-I mbŭh sidia yŭn sopŭrŭg manusia. Ka rusia anŭ inŭh adŭp Kristus agi darŭm angān; sirati-i angān re sua dapŭd utung darŭm bragah Tapa.

COLOSSAE 2:13

Angān ko dawŭ-i kabŭs darŭm roh sitagar dosa ngan ka sabab angān adi dŭh bangsa Jahudi dŭh biyŭn Ukum-adat. Pak Tapa mbŭh kudip angān samah ngga Kristus. Tapa mbŭh apun sopŭrŭg dosa ta;

COLOSSAE 2:2

Aku ndai simŭnŭ ngga ngatat ngara ka isa-i ngara jadi ndi darŭm pinyirindu. Simŭnŭ gŭh angān ngga ngara bisa batur batur puan ka mirati buang natŭng rusia Tapa, adi taŭn mbŭh adŭp Kristus.

1 TIMOTHY 2:6

adi nggen adŭp-I ngga nubos sopŭrŭg manusia. Anŭ inŭh ngga kiren di tika adi batur Tapa raan sopŭrŭg daya dog nyiramat,

TITUS 2:14

Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.

TITUS 3:6

Tapa mbŭh ren Roh Kudus di ata ngga sibagŭ bagŭ-i so ka Jesus Kristus Pinyikudip ta,

HEBREW 9:22

Sawŭ, nanyam ka Ukum-adat batang an sopŭrŭg kayuh an dog pibisig ngga deya, ka dosa dog apun adŭ-i kambŭi deya agi dog piruah.

1 PETER 2:24

Adŭp Kristus kabis dosa ta di pŭrŭng adŭp-I di atuh rigang, isa ata rupas so kuasa dosa, ka udip nanyam pinyiraan Tapa. Da tawan-I angān mbŭh dog pibua.

1 PETER 3:18

Amai Kristus kabŭs ndi sidah yŭn adu adu ngga ngarun daya adi bidosa. Ayŭh dŭh biyŭn sarah pak kabŭs yŭn daya adi sarah, siŭn-I dapŭd nguru angān ka Tapa. Ayŭh dog ukum kabŭs nunda ka gaya pŭrŭng, pak dog kudip nunda ka gaya roh;

1 JOHN 2:12

Aku nuris ka angān, bara anak ku, sabab dosa ngan mbŭh dog apun amai adŭn Kristus.

1 JOHN 2:2

Ka adŭp Kristus inŭh aran adi ngga dosa ta bisa dog apun; dŭh yŭn dosa ta adŭ, pak yŭn dosa barang naan daya.

1 JOHN 4:10

Ati inŭh pinyirindu: dŭh-i ata mbŭh rindu Tapa, pak Ayŭh mbŭh rindu ata, ka mbŭh pait Anak-I da jadi aran adi ngga dosa ta bisa dog apun.

PINANDŬNG 14:4

Ngara inŭh bara dari adi bŭn kinais adŭp ngara ngga dayung; ngara daya tibŭn. Ngara tunda Anak Biri ka barang yŭn-i panu. Ngara mbŭh dog nubos so rayat manusia adi bŭkŭn ka mbŭh adi sibungas dog jugan ka Tapa ngga Anak Biri.

PINANDŬNG 5:9

Ngara nang ragu adi bauh: “Kaam inŭh adi sadang kana tambit surat-barun anŭ ka kuka patis patis-i. Amai Kaam ko dog siŭ, ka ngga pinyikabŭs Mai adi sadis Kaam mbŭh miris yŭn Tapa daya so barang tibaran-asar, piminyu, rais, ngga bangsa.