EPHESUS 1:10 - Hakcipta - Biatah Bidayuh

¹⁰ Kayuh adi Tapa an ndai anŭ, adi-I re ngamas di tipuh adi adŭp-I mien, inŭh nguruk sopŭrŭg anŭ adi-I ko napa, bait-i darŭm shorga, bait-i darŭm ong, ngga Kristus adi jadi ubak.

EPHESUS 1:10 ပူးပေါင်းရင်းမြစ်များ

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

AMOS 9:11

TUHAN nang, “Andu-i re mandŭg adi ngga Aku pari pijog pritah David, adi keya ka ramin adi mbŭh rubuh. Aku re nyurat sindung-i ka bada-i pari tagap mun dawŭ-i.

MALACHI 3:1

TUHAN Bisa-pŭrŭg nam, “Aku re pait pinyisung Ku bada sidia aran yŭn Ku. Komŭnŭ TUHAN adi angān jiroh re gŭgŭh mandŭg ka Ramin-I. Pinyisung adi angān kajŭn re mandŭg ka piagah simanya Ku.”

MATTHEW 25:32

ka daya so barang bangsa re dog nguruk di sirung jawin-I. Komŭnŭ Ayŭh re kutung ngara da jadi duwŭh tibaran, nimun pingingat-biri nyidŭrŭ bara biri so bara kambing.

MARK 1:15

“Tipuh-i mbŭh mandŭg,” Ayŭh nang, “Dŭm dŭh tui Tapa re mritah. Marik pimudip ngan pari ka Tapa meh angān, ka sabah di Agah Kana ati!”

1 CORINTH 10:11

Sopŭrŭg anŭ jadi di ngara ndu suto di daya bŭkŭn, ka sopŭrŭg-i mbŭh dog nuris ndu pinyibakan di ata. Amai ata inŭh udip di tipuh adi re rikas mungan.

1 CORINTH 11:3

Pak aku raan angān puan nang Kristus inŭh ubak yŭn barang naan dari, banŭh inŭh ubak yŭn sawŭn-i, ka Tapa inŭh ubak yŭn Kristus.

GALATIA 4:4

Pak kan tipuh-i mbŭh mandŭg, Tapa pait Anak adŭp-I. Ayŭh anŭ dog biranak so ndi naan dayung, ka udip di ribo Ukum-adat Jahudi,

EPHESUS 1:22

Tapa mbŭh na sopŭrŭg kayuh di ribo kaja Kristus, ka mbŭh nggen Ayŭh di eklisia da nguasa sopŭrŭg kayuh.

EPHESUS 2:15

Ayŭh mbŭh taran Ukum-adat Jahudi samŭn sopŭrŭg pinyipesan ngga atur atur-i, siŭn-I pijadi ndi bangsa adi bauh so so-duwŭh bangsa anŭ darŭm udip ndi ngga Ayŭh; ka darŭm ndai simŭnŭ pijadi damai.

EPHESUS 3:15

adi so barang rawang di shorga ngga di ong kambat dŭn batur-i.

EPHESUS 3:2

Angān tatu muko dingah Tapa, darŭm pinyirasi mandis-I, mbŭh nggen di aku kraja ati yŭn kana adŭp ngan.

COLOSSAE 1:16

Ngga Ayŭh Tapa napa sopŭrŭg kayuh di shorga ngga di ong, sopŭrŭg adi tatŭng ngga adi dŭh tatŭng, samŭn roh roh adi bikuasa ngga adi mritah. Tapa napa sopŭrŭg kayuh ngga Ayŭh ka yŭn Ayŭh.

COLOSSAE 1:20

So ka anak meh, Tapa mbŭh natu an taban sopŭrŭg kayuh, bait di ong puan kah di shorga, pari ka adŭp-I. Tapa ndai damai so ka pinyikabŭs Anak-I di atuh rigang ka taban pari ka adŭp-I sopŭrŭg kayuh, di ong ngga di shorga.

COLOSSAE 3:11

Ka darŭm-i mun anŭ, re mating katŭn daya bangsa Greek ngga daya bangsa Jahudi, bisunat ngga adi dŭh bisunat, bangsa tami, bangsa daya adi babŭ amba aran pimudip-i, daya urun bait adi dŭh urun, pak Kristus mbŭh sopŭrŭg-i ka mbŭh agi darŭm sopŭrŭg.

HEBREW 1:2

pak di sikasŭn tipuh ati Ayŭh minyu di ata so Anak-I. Ngga Ayŭh inŭh Tapa napa rangit ngga ong, Ayŭh adi Tapa mbŭh mien da dapu sopŭrŭg kayuh di pinŭbŭn-i.

HEBREW 11:40

sabab Tapa mbŭh natu kayuh adi kana dŭ yŭn ta. Tujuan-I inŭh, ngara bisa jadi sukup kana adŭ-i darŭm biayo ngga ata.

HEBREW 9:10

amai kayuh anŭ kaŭs-i pasar pinguman, nok, ka barang masam adat pibisig. Sopŭrŭg anŭ batur-i atur adi tungang dog kiris adŭ, adi dog pakai ndŭg ka tipuh adi ngga Tapa nukar-i ngga atur adi bauh.

1 PETER 1:20

Ayŭh dog mien adŭp Tapa diŭ so ong dog napa, ka mandŭg di nyiramat angān di sikasŭn tipuh ati.

PINANDŬNG 5:9

Ngara nang ragu adi bauh: “Kaam inŭh adi sadang kana tambit surat-barun anŭ ka kuka patis patis-i. Amai Kaam ko dog siŭ, ka ngga pinyikabŭs Mai adi sadis Kaam mbŭh miris yŭn Tapa daya so barang tibaran-asar, piminyu, rais, ngga bangsa.