DANIEL 9:9 - Hakcipta - Biatah Bidayuh

⁹ Kaam inŭh masi ka an apun, sunggu kieh mbŭh rawan Kaam.

DANIEL 9:9 ပူးပေါင်းရင်းမြစ်များ

2 SAMUEL 24:14

David nam, “Aku mbŭh birisut! Pak aku dŭh raan dog ngukum manusia. Isa-i adŭp Tapa adŭ adi ngukum ata, amai Ayŭh inŭh adi raru masi.”

1 RAJA 8:30

Dingah dua ku ngga dua daya Mai kan ngara nura tarun ati buang simayang. So ramin Mai di shorga dingah kieh ka apun kieh.

NEHEMIAH 9:31

Pak sabab masi Mai adi bās, Kaam dŭh tagan ka pirabur ngara. Kaam inŭh Tapa adi mandis ka adi masi!

MAZMUR 130:4

Pak Kaam apun kieh, isa kieh stabi ka tŭtŭd di Kaam.

MAZMUR 130:7

Israel, sabah di TUHAN, sabab pinyirindu-I dŭh bisa birubah ka Ayŭh taŭn ari raan nyiramat.

MAZMUR 62:12

ka pinyirindu-I dŭh bisa birubah. Adŭp Mai, O TUHAN, ngupah barang naan daya nanyam ka kayuh adi mbŭh-i ndai.

MAZMUR 86:15

Pak Kaam, O TUHAN, inŭh Tapa adi masi buang pinyirindu, siraru sabar, siraru mandis ka tŭtŭd.

MAZMUR 86:5

Kaam kana ngga kieh buang an apun kieh, puno ngga pinyirindu adi dŭh bisa birubah di sopŭrŭg daya adi bidua ka Kaam.

ISAIAH 55:7

Tandah daya ginaka tingge aran pimudip ngara ka nukar pikir-kira ngara. Tandah ngara marik pimudip ngara pari ka TUHAN, adi Tapa ta; Ayŭh inŭh masi ka rikas apun.

ISAIAH 63:7

Aku re kidaan pasar pinyirindu TUHAN; Aku muji Ayŭh amai sopŭrŭg kayuh adi mbŭh-I ndai yŭn ta. Ayŭh mbŭh bandar nyiberkat daya Israel sabab masi-I ngga pinyirindu-I adi dŭh bisa birubah.

JEREMIAH 14:7

Daya Ku bagan buang nang di Aku, ‘Sunggu dosa ami nyarah kieh, turung kieh, TUHAN, nimun adi mbŭh Kaam janji. Kieh ari tagan Kaam; kieh mbŭh bidosa rawan Kaam.

EZEKIEL 20:13

Pak di tarun tana-pajam anŭ ngara rawan Aku. Ngara miranggar ukum-adat Ku ka tirawan pesan Ku, adi nggen udip di tadŭ daya adi tunda-i. Ngara bandar bandar nyembar andu Sabbath. Aku mbŭh sidia an bada ngara kinyam bisā baji Ku diginŭ di tarun tana-pajam ka pirabur ngara.

DANIEL 9:5

“Kieh mbŭh bidosa, kieh mbŭh ndai arap, kieh mbŭh ndai sarah. Kieh mbŭh tirawan kayuh adi Kaam pesan di kieh bada ndai ka mbŭh miriseu so kayuh adi Kaam nang batur.

DANIEL 9:6

Kieh dŭh dingah pinganang bara urun Mai adi bara nabi, adi minyu ngga adŭn Mai di bara raja ami, bara pimritah ami, tayung-babuk ami, ka sopŭrŭg daya bangsa ami.

DANIEL 9:7

Kaam, TUHAN, ari ndai kayuh adi batur, pak kieh mbŭh ari nggen mangŭh di adŭp ami. Kayuh ati inŭh sawŭ pasar sopŭrŭg ami adi rŭŭ di Judea ngga di Jerusalem, simŭnŭ gŭh pasar bara daya Israel adi Kaam mbŭh bada papar sasah di barang yŭn di rais rais adi sindŭk ngga adi jo sabab ngara dŭh tŭtŭd di Kaam.

DANIEL 9:8

Bara raja ami, pimritah ami, ka tayung-babuk ami mbŭh ndai kayuh adi mangŭh nŭŭh ngarun ka mbŭh bidosa rawan Kaam, TUHAN.

JONAH 4:2

Ayŭh bidua, “TUHAN, dŭh kah aku agi nang sibayuh aku matak tingge ramin arŭn ku, nang ati inŭh kayuh adi re Mai ndai? Anŭ inŭh sabab aku rikas di ka Spain! Aku puan Kaam inŭh Tapa adi rindu ka adi masi, ari sabar, ari mandis, ka ari sidia an nukar pikir ka dŭh jadi ngukum.