DANIEL 9:7 - Hakcipta - Biatah Bidayuh

⁷ Kaam, TUHAN, ari ndai kayuh adi batur, pak kieh mbŭh ari nggen mangŭh di adŭp ami. Kayuh ati inŭh sawŭ pasar sopŭrŭg ami adi rŭŭ di Judea ngga di Jerusalem, simŭnŭ gŭh pasar bara daya Israel adi Kaam mbŭh bada papar sasah di barang yŭn di rais rais adi sindŭk ngga adi jo sabab ngara dŭh tŭtŭd di Kaam.

DANIEL 9:7 ပူးပေါင်းရင်းမြစ်များ

EZRA 9:13

Sunggu ripas barang masam kayuh adi mbŭh nyatŭk kieh ngga ngukum kieh amai dosa ngga sarah ami, kieh puan Kaam, adi Tapa ami, mbŭh ngukum kieh kurang so adi patut kieh trima ka mbŭh nyibandar kieh babŭ udip.

EZRA 9:15

TUHAN adi Tapa Israel, Kaam inŭh batur, pak Kaam tandah kieh udip. Kieh ngaku sarah ami ka Kaam; kieh dŭh tibirang re mandŭg di situra jawin ngga Kaam.”

NEHEMIAH 9:33

Dŭh inŭh sarah Kaam ngukum kieh; Kaam tŭtŭd ngga kieh, sunggu kieh mbŭh bidosa.

MAZMUR 119:137

Kaam inŭh tŭnggŭn, TUHAN, ka ukum-adat Mai inŭh tŭnggŭn.

MAZMUR 44:15

Aku mangŭh barang andu; raŭn ku bireh bada mangŭh

MAZMUR 51:14

Dŭhnyah bada aku kabŭs, O Tapa, ka nyiramat aku, ka aku re ngga atin gaŭn piagah pinŭnggŭn Mai.

MAZMUR 51:4

Aku mbŭh bidosa rawan Kaam — rawan Kaam adŭ — ka mbŭh ndai anŭ adi Kaam nang arap. Ngapŭi Kaam batur kan Kaam nyarah aku; Kaam inŭh tŭnggŭn darŭm Kaam ngukum aku.

ISAIAH 11:11

Kan andu anŭ mandŭg, TUHAN re pakai dinge kuasa-I ngga taban pari daya-I adi dŭm di Assyria ngga Egypt, di tarun tana Pathros, Ethiopia, Elam, Babylonia, ngga Hamath, ka di tarun tana di bŭngŭn rawŭt ngga di purau purau di rawŭt.

ISAIAH 45:16

Sopŭrŭg daya adi ndai tibudo re dog pimangŭh ka dog ngamun.

JEREMIAH 12:1

“TUHAN, kambŭi aku minyu pasar har ku ngga Kaam, Kaam taŭn marar batur. Pak aku dŭh siŭn dŭh siken Kaam pasar har pinyitŭnggŭn. Mani daya ginaka mujur darŭm pimudip-i? Mani daya adi dŭh tŭnggŭn atin-i manang?

JEREMIAH 23:6

Kan Ayŭh jadi raja, daya Judah re siramat, ka daya Israel re udip darŭm damai. Ayŭh re dog kadŭn ‘TUHAN adi Pinyikudip Ta’.

JEREMIAH 24:9

Aku re bada pinyirusag nyatŭk ngara ndŭg ka sopŭrŭg bangsa di ong taru. Daya re nyirimbe ngara, ka bitapat pasar ngara, ka ngamun ngara, ka pakai dŭn ngara ndu pangu di barang yŭn Aku bada ngara papar sasah.

JEREMIAH 3:25

Kieh patut guring darŭm mangŭh ka bada mangŭh ami nutu kieh. Kieh ngga tayung-babuk ami mbŭh ari bidosa rawan TUHAN adi Tapa ami; kieh bŭn tunda pinyipesan-I.”

JEREMIAH 32:32

sabab sopŭrŭg arap adi dog ndai daya Judah ngga daya Jerusalem, ngga raja raja ka pinguru pinguru ngara, imam imam ka nabi nabi ngara.

JEREMIAH 33:16

Daya Judah ngga daya Jerusalem re dog nyiramat ka re udip darŭm damai. Kupo anŭ re dog kadŭn ‘TUHAN adi Pinyikudip Ta’.

JEREMIAH 4:17

ka re kirurung Jerusalem mun daya nguan teya, sabab daya Jerusalem mbŭh rawan TUHAN. TUHAN mbŭh minyu.

JEREMIAH 7:19

Pak sibatur-i, dŭh-i Aku adi ngara kandam. Ngara kandam adŭp ngara ndŭg ka adŭp ngara mangŭh.

EZEKIEL 16:63

Aku re apun sopŭrŭg sarah adi kuu mbŭh ndai, pak kuu re ingat-i ka re raru mangŭh kanga baba mu.” TUHAN Raja mbŭh minyu.

EZEKIEL 36:31

Angān re ingat urah rakah ngan adi arap ka sarah adi angān mbŭh ndai, ka angān re sidot di adŭp ngan sabab dosa ngga pingandai kais ngan.

EZEKIEL 5:10

Sabab anŭ, pimas pimas di Jerusalem re man anak ngara, ka anak anak re man pimas ngara. Aku re ngukum kuu ka bada papar sasah asi asi adi babŭ udip.

EZEKIEL 6:12

Ngara adi jo re mandam ka kabŭs; ngara adi sindŭk re dog siŭ darŭm perang; ngara adi babŭ udip re kabŭs sikirau. Ngara re kinyam bisā baji Ku.

DANIEL 9:14

Kaam, O TUHAN adi Tapa ami, taŭn sidia an ngukum kieh, ka sawŭ Kaam mbŭh ngukum kieh. Pingandai Mai anŭ inŭh batur amai kieh dŭh dingah pinganang Mai.

DANIEL 9:18

Dingah kieh, O Tapa; tingga kieh, ka tingga pinyusah ami ngga sangsara kupo adi dog kadŭn tunda adŭn Mai. Kieh bidua ka Kaam sabab Kaam inŭh puno ngga masi, dŭh sabab kieh mbŭh ndai pingandai batur.

DANIEL 9:8

Bara raja ami, pimritah ami, ka tayung-babuk ami mbŭh ndai kayuh adi mangŭh nŭŭh ngarun ka mbŭh bidosa rawan Kaam, TUHAN.

AMOS 9:9

“Aku re mritah, ka kusok daya Israel mun gandom di ayag. Aku re ngayag ngara di dupan bangsa bangsa ngga kadi sopŭrŭg adi dŭh biguna.

ROME 6:21

Ani utung ngan so pingandai ngan anŭ adi angān mangŭh ngarun madin? Pinŭbŭn kayuh adi mun anŭ inŭh pinyikabŭs!

DITRONOMI 32:4

“TUHAN inŭh pingibān ngan adi bikuasa, sukup kana ka tŭnggŭn darŭm sopŭrŭg kayuh, Tapa ngan inŭh tŭtŭd ngga sawŭ, Ayŭh ndai kayuh adi batur ngga patut.

DITRONOMI 4:27

TUHAN re bada angān papar sasah di dupan bangsa bangsa bŭkŭn, ka raru nisŭ adŭ bara ngan re udip.