DANIEL 9:4 - Hakcipta - Biatah Bidayuh

⁴ Aku bidua ka TUHAN adi Tapa ku ka ngaku dosa daya bangsa ku. Aku nang, “TUHAN Tapa, Kaam inŭh bās, ka kieh stabi di Kaam. Kaam inŭh tŭtŭd ngga simanya Mai ka kiren pinyirindu adi dŭh bisa birubah di ngara adi rindu di Kaam ka adi ndai kayuh adi Kaam pesan.

DANIEL 9:4 ပူးပေါင်းရင်းမြစ်များ

1 RAJA 8:23

ka bidua, “TUHAN adi Tapa Israel, mating tapa bŭkŭn mun Kaam di rangit puan kah di ong! Kaam sita simanya Mai ngga daya Mai ka kiren di ngara pinyirindu Mai kan ngara nundok di Kaam ngga siabo atin ngara.

2 KRONIKEL 7:14

kambŭi ngara bidua ka Aku ka marik pimudip ngara pari ka Aku ka dŭh tia ndai arap, Aku re dingah ngara so shorga, apun dosa ngara, ka bada tana ngara pari damŭn.

EZRA 10:1

Sitadŭn Ezra mutu ubak-i bidua di jawin Ramin TUHAN, sien ka ngaku sopŭrŭg dosa anŭ, ndi tibaran daya Israel — dari, dayung, ngga anak-anya — mandŭg ka tikuruk maning ayŭh, bandar bandar sien.

NEHEMIAH 1:5

“TUHAN Tapa adi pinguasa di Shorga! Kaam inŭh bās, ka kieh taru di Kaam. Ngga tŭtŭd Kaam ingat simanya Mai ngga ngara adi rindu di Kaam ka adi ndai kayuh adi Kaam pesan.

NEHEMIAH 9:32

“O Tapa, adi Tapa ami, munki masam bās inŭh Kaam! Kaam inŭh adi dog taru buang bikuasa! Kaam tŭtŭd ingat janji simanya Mai. So jaman raja raja-empaya Assyria kinanyuh kieh, ndŭg madin, munki masam sangsara kieh! Raja raja ami, pinguru pinguru ami, bara imam ami, ka bara nabi ami, bara tayung-babuk ami, ka sopŭrŭg daya ami mbŭh sangsara. Ingat munki masam kieh mbŭh sangsara!

MAZMUR 32:5

Komŭnŭ aku ngaku dosa ku di Kaam; aku dŭh sukan pingandai sarah ku. Aku mbŭh natu an ngaku-i di Kaam, ka Kaam apun sopŭrŭg dosa ku.

PINYIRUAH 20:6

Pak Aku kiren pinyirindu Ku di biribu ribu turap manusia adi rindu di Aku ka tunda ukum-adat Ku.

JEREMIAH 3:13

Ngaku adŭ adŭp mu mbŭh sarah ka mbŭh nyakar TUHAN, adi Tapa mu. Ngaku nang di ribo barang tŭngŭn kayuh barŭm kuu mbŭh nggen pinyirindu mu di tapa tapa bŭkŭn ka kuu agi dŭh tunda pesan Ku. Aku, adi TUHAN, mbŭh minyu.

JEREMIAH 32:23

Pak kan ngara mŭrŭt tarun tana ati ka dapu-i, ngara dŭh tunda pesan Mai bait udip nanyam ka ajar Mai; ngara dŭh ndai kayuh adi Kaam bada ngara ndai. Ngapŭi meh Kaam bada masam masam pinyirusag ati nyatŭk ngara.

DANIEL 6:10

Kan Daniel dingah atur anŭ mbŭh dog na tandā-tangan dieh, ayŭh maad. Di birit sambu di ramin-i agi kudu kudu pinjan nura Jerusalem. Diginŭ, nimun adi ari-i ndai, ayŭh sidikang sindŭk pinjan anŭ ka bidua ka Tapa pitaruh kari ndi andu.

DANIEL 9:3

Aku bidua ngga siabo asŭng ku ka TUHAN Tapa, mite masi so Ayŭh, buang aku bipusa, nēn banang guni, ka guru di apŭk.

LUKE 1:72

Ayŭh nang Ayŭh re kiren masi-I di tayung-babuk ta ka ingat simanya kudus-I.

ROME 8:28

Ata puan nang Tapa ngatur sopŭrŭg kayuh yŭn kana sopŭrŭg daya adi rindu Ayŭh, daya adi-I ko bagan nimun ka tujuan-I.

DITRONOMI 5:10

Pak Aku kiren pinyirindu Ku di biribu ribu turap manusia adi rindu di Aku ka tunda ukum-adat Ku.

DITRONOMI 7:12

“Kambŭi angān dingah pesan ati ka tunda-i ngga atin tŭtŭd, taŭn TUHAN adi Tapa ngan re babŭ sita simanya-I ngga angān, ka re kiren pinyirindu-I adi dŭh bisa birubah, nimun adi Ayŭh mbŭh janji di tayung-babuk ngan.

DITRONOMI 7:21

Ngapŭi dŭhnyah taru bara daya anŭ. TUHAN adi Tapa ngan agi ngga angān; Ayŭh inŭh Tapa adi bās ka Ayŭh inŭh adi patut ata taru.

DITRONOMI 7:9

Ingat nang TUHAN adi Tapa ngan adŭ adi Tapa ka Ayŭh taŭn tŭtŭd. Ayŭh re sita simanya-I ka kiren pinyirindu-I adi dŭh bisa birubah di siribu turap daya adi rindu Ayŭh ka tunda pinyipesan-I,

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

JAMES 2:5

Ingat nŭh, angān adi aku rindu! Tapa mbŭh mien daya sirata di ong ati da jadi kaya darŭm pinyabah. Ngara re dapu pinyipritah Tapa nimun adi-I ko bijanji an nggen di ngara adi rindu di Ayŭh.