DANIEL 9:25 - Hakcipta - Biatah Bidayuh

²⁵ Ngatin ka mirati kayuh ati: so andu pinganang dog nggen bada pari pijog Jerusalem, ndŭg andu pinguru adi Tapa mien mandŭg, ju kari ju sawa re ripuan. Jerusalem re pari dog pijog ngga anak anak aran passar ngga sindung sindung adi tagap, ka re mijog sitian ju kari ju puru sawa, pak anŭ re tipuh susah.

DANIEL 9:25 ပူးပေါင်းရင်းမြစ်များ

2 SAMUEL 15:25

Komŭnŭ raja nang di Zadok, “Taban Pati Simanya anŭ pari ka kupo. Kambŭi TUHAN munos asŭng-I di aku, ndi andu Ayŭh re bada aku pari di tingga-i samŭn tarun adi yŭn-i dog na.

EZRA 4:24

Kraja pari pijog Ramin TUHAN mbŭh dog pirŭŭ ka babŭ mun mun-i simŭnŭ ndŭg ka sawa adi duwŭh darŭm pinyipritah Darius, adi raja-empaya Persia.

EZRA 7:1

Kudu kudu sawa ripas anŭ, di tika Artaxerxes jadi raja-empaya Persia, agi ndi naan daya dŭn Ezra. Ayŭh anŭ ndi naan so sesang Aaron, adi Imam Bās. Taris tayung babuk-i agi simuti: Ezra inŭh anak Seraiah, anak Azariah, anak Hilkiah,

EZRA 7:8

Ngara bu so Babylonia ngga sibungas andu darŭm sibungas buran, ka dog turung Tapa ngara mandŭg di Jerusalem ngga andu adi ndi darŭm buran rimŭh.

NEHEMIAH 3:1

Simuti inŭh sindung kupo pari dog pijog. Imam Bās Eliashib ngga bara dingan-i adi samah imam pari pijog Tiban Biri, nyikudus-i, ka na sindung sindung tiban dieh. Ngara nyikudus sindung Jerusalem jeh ndŭg Tawā Siratus ngga Tawā Hananel.

NEHEMIAH 4:2

Di jawin bara adi ayō ayŭh ngga bara soldadu daya Samaria ayŭh nang, “Ani anŭ adi bara daya Jahudi adi budo anŭ ndai? Ngara an pari pijog kupo anŭ kah? Ngara pikir ngara tungang ngamas kraja ngara darŭm ndi andu amai mbŭh jugan sadis kah? Dapŭd kah ngara pakai tugung batuh adi mbŭh sau anŭ ngga piramin?”

NEHEMIAH 4:8

Jadi sopŭrŭg ngara bipekat an nyerang Jerusalem ka ndai pito,

NEHEMIAH 6:15

Ripas 52 andu sindung anŭ mbŭh kamas dog pijog di andu adi 25 darŭm buran Elul.

MAZMUR 71:10

Pinganyu ku raan siŭ aku; ngara minyu ka bipekat rawan aku.

EKLISIASTIS 3:3

tika yŭn siŭ ngga tika yŭn pibua, tika yŭn nyirubuh ngga tika yŭn piramin.

ISAIAH 55:4

Aku bada ayŭh jadi pinguru ka pingubak bangsa, ka so ayŭh Aku kiren kuasa Ku di ngara.

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

DANIEL 8:11

Anŭ mbŭh natang Pingubak-bās bara soldadu shorga, pirŭŭ sadis adi dog jugan ka Ayŭh barang andu, ka nyembar Ramin TUHAN.

DANIEL 8:25

Sabab ayŭh pinipu, ayŭh re mujur di kraja tipu-i. Ayŭh re mingangŭn di adŭp-i ka bŭn diŭ kidaan di daya kan-i re pirabur daya. Ayŭh re natang gŭh Raja adi siabo bās, pak ayŭh re dog pirabur dŭh ngga kuasa manusia.

DANIEL 9:23

Kan kuu piguru mite turung so Tapa, Ayŭh nam kuu. Ayŭh rindu kuu, ngapŭi aku mbŭh mandŭg di kidaan di kuu pinyinam-I. Madin nakit dingah darŭm aku kidaan rati kayuh anŭ adi dog kiris keya ka darŭm pŭmŭh.

MICAH 5:1

Daya Jerusalem, nguruk bara soldadu ngan! Ata mbŭh dog nyikapung! Ngara mbŭh aŭn nyerang pinguru Israel!

MICAH 5:2

TUHAN nang, “Bethlehem Ephrathah, kuu inŭh kupo adi siabo sŭ di Judah, pak so kuu Aku re pakat ndi pimritah yŭn Israel, adi taris rawang asar-i inŭh so jaman jah.”

MATTHEW 13:23

Ka bine adi dog nabur di tana mandis rati-i ngara adi dingah agah anŭ ka mirati-i: ngara buān, kada-i mbŭh siratus bagŭ-i, adi bŭkŭn nŭm puru, ka adi bŭkŭn taruh puru.”

MATTHEW 24:15

“Angān re kiris ‘Pinyembar adi Raru Sipŭ’ adi ko nabi Daniel nyabŭt, mijog di Yŭn Kudus.” (Ayŭh adi basa patut mirati ani rati kayuh ati!)

MARK 13:14

“Angān re kiris ‘Pinyembar adi Raru Sipŭ’ mijog di yŭn-i dŭh patut mijog.” (Ayŭh adi basa patut mirati ani rati kayuh ati!) “Di tika anŭ ngara adi di Judea dŭh siŭn dŭh babak ka tarun tana darŭd.

JOHN 1:41

Ayŭh rasu di dapŭd jurud-i Simon ka nang di ayŭh, “Kieh mbŭh dapŭd Messiah.” (‘Messiah’, rati-i ‘Kristus’).

JOHN 4:25

Dayung anŭ nang di Ayŭh, “Aku puan Kristus re mandŭg, ka kan Ayŭh mbŭh mandŭg, Ayŭh re nakit kidaan sopŭrŭg kayuh di ata.”

PINGANDAI 3:15

Angān siŭ sianŭ adi nggen aran nuju udip adi sawŭ, pak Tapa mbŭh pakat Ayŭh so kabŭs, ka kieh ati mbŭh bara saksi di kayuh anŭ.

PINGANDAI 5:31

Tapa mbŭh katuh Ayŭh ka tangan tauh-I, nimun Pinguru ka Pinyikudip, siŭn daya Israel dapŭd aran ngga marik pimudip-i pari ka adŭp-I ka dapŭd pingapun dosa.

PINGANDAI 8:30

Jadi Philip bikaduh tudu krita kuda anŭ, ka dingah ayŭh basa surat nabi Isaiah. Ayŭh siken, “Mirati mu kah kayuh adi kuu basa?”

EPHESUS 5:16

Tiap kari angān biyŭn pluang ngga ndai kayuh kana, dŭhnyah taran pluang ngan anŭ, sabab tipuh ati inŭh tipuh adi arap.

PINANDŬNG 1:5

ka so Jesus Kristus, saksi adi tŭtŭd, adi sibungas dog pakat so kabŭs ka adi pimritah di tunduh raja raja di ong. Ayŭh rindu ata, ka ngga pinyikabŭs-I adi sadis Ayŭh mbŭh pirupas ata so dosa ta

PINANDŬNG 19:16

Di jipo ambu-I ka di pŭŭh-I agi dog nuris dŭn: “Raja di tunduh sopŭrŭg raja ka Tuhan di tunduh sopŭrŭg tuhan.”