DANIEL 9:12 - Hakcipta - Biatah Bidayuh

¹² Kaam mbŭh ndai di kieh ngga di bara pimritah ami kayuh adi Kaam nang adŭp Mai re ndai. Kaam ngukum Jerusalem rabis bisā so adi mbŭh tadŭ tadŭ kupo di ong mbŭh kinyam,

DANIEL 9:12 ပူးပေါင်းရင်းမြစ်များ

1 RAJA 3:9

Ngapŭi nggen di aku pinyibijak adi aku biguna ngga mritah daya Mai ngga pinyitŭnggŭn ka ngga ngatŭn kayuh adi kana ngga adi arap. Kambŭi dŭh, simuki aku re bisa mritah daya Mai adi bās ati?”

2 RAJA 22:16

pinganang ati adi so TUHAN: “Aku re ngukum Jerusalem ka sopŭrŭg daya-i, sak adi dog nuris darŭm surat adi raja muko basa.

JOB 12:17

Ayŭh tambit pinyibijak bara pimritah ka bada bara pinguru mun daya budo.

MAZMUR 148:11

Muji meh Ayŭh, raja ngga sopŭrŭg bangsa, sopŭrŭg pimritah ngga pinguasa;

MAZMUR 2:10

Madin dingah pinyibakan ati, angān adi bara raja; birajar kayuh ati, angān pinguasa ong:

PITAS 8:16

Sopŭrŭg pimritah di ong mritah ngga pinurung ku, simŭnŭ gŭh bara pinurung ka daya adi bās.

ISAIAH 43:28

ka pimritah ngan nyembar yŭn pinyirŭŭ Ku. Jadi Aku bada pinyirusag nyatŭk Israel; Aku tandah daya Ku dog pimangŭh.”

ISAIAH 44:26

Pak kan urun Ku ninjau, kan Aku pait pinyisung bada pinandŭng atur kraja Ku, Aku bada atur kraja ngga pininjau anŭ jadi bitŭtŭk. Aku kidaan di Jerusalem nang daya re pari rŭŭ diginŭ, ka kupo kupo Judah re pari dog pijog. Kupo kupo anŭ re makat so tugung rakang tibawang.

JEREMIAH 30:7

Andu adi sipŭ mbŭh re mandŭg; gi-bŭn daya kiris andu adi mun anŭ — tika pinyusah yŭn bara daya Ku, pak ngara re babŭ udip.”

JEREMIAH 32:23

Pak kan ngara mŭrŭt tarun tana ati ka dapu-i, ngara dŭh tunda pesan Mai bait udip nanyam ka ajar Mai; ngara dŭh ndai kayuh adi Kaam bada ngara ndai. Ngapŭi meh Kaam bada masam masam pinyirusag ati nyatŭk ngara.

JEREMIAH 39:16

kidaan di Ebedmelech adi daya Ethiopia nang TUHAN Bisa-pŭrŭg, adi Tapa Israel, mbŭh nang, “Sak adi nang Ku, Aku re taban bada nyatŭk kupo anŭ pinyirusag ka dŭh pimujur. Ka kan kayuh mbŭh tambus, kuu re agi diginŭ ka kiris-i.

JEREMIAH 44:23

Pinyirusag ati adi madin inŭh sabab angān jugan sadis ka tapa tapa bŭkŭn ka bidosa rawan TUHAN darŭm angān nyibireu sopŭrŭg pesan-I.”

PUĀS 1:12

“Tingga aku!” ayŭh nyirais nang di barang naan adi murah. “Gi-mating daya kinyam sangsara mun jaku, Sangsara adi TUHAN mbŭh bada nyatŭk aku darŭm-I baji.

PUĀS 2:13

O Jerusalem, kupo adi dog rindu, ani bisa ku nang? Aku dŭh dapŭd nyaduh kuu. Gi-bŭn daya sangsara mun kuu. Pinyirusag mu raru bayah mun rawŭt; mating pingarap mu tia.

PUĀS 2:17

TUHAN mbŭh ndai kayuh adi Ayŭh nang adŭp-I raan ndai: Ayŭh mbŭh pirabur ata ngga dŭh kira masi, nanyam adi mbŭh-I bakan dawŭ-i. Ayŭh nggen pimanang di pinganyu ta, nggen di ngara pinyigaŭn di pinyirabu ta.

PUĀS 4:6

Daya ku dog ukum rabis so daya Sodom dog ukum, adi nyirŭgŭh rabur sabab dog ukum Tapa.

EZEKIEL 13:6

Kayuh adi ngara kiris keya ka darŭm pŭmŭh dŭh sawŭ, ka pininjau ngara inŭh pinganang kadong. Ngara nang adŭp-i kidaan agah Ku, pak Aku mating pait ngara. Ngara harap pinganang-i re jadi bitŭtŭk!

EZEKIEL 5:9

Sabab sopŭrŭg kayuh adi kuu ndai adi Aku tiru, Aku re ngukum Jerusalem; gi-bŭn Aku ngukum Jerusalem mun anŭ, ka Aku re dŭh tia ndai simŭnŭ.

DANIEL 12:1

Malaikat adi nēn piraka banang linen nang, “Di andu anŭ malaikat bās, Michael, adi kingat daya bangsa mu, re nandŭng. Komŭnŭ re agi tipuh susah, siabo bisā so adi mbŭh ngitong so sibungas bangsa bangsa di ong timbur. Kan tipuh anŭ mandŭg, sopŭrŭg daya bangsa mu adi agi dŭn ngara dog nuris darŭm surat Tapa re siramat.

JOEL 2:2

Andu anŭ re karŭm buang pajam andu anŭ singŭt ka kruman Bara tibaran kadis masang mun karŭm nutu darŭd. Gi-mating kayuh mun anŭ, ka re mating mun anŭ dinge.

AMOS 3:2

“So dupan sopŭrŭg bangsa di ong, angān adŭ adi Aku puan ka sita. Anŭ inŭh adi bada dosa ngan raru sipŭ, ka sabab anŭ inŭh Aku dŭh siŭn dŭh ngukum angān.”

ZECHARIAH 1:6

So ka bara urun Ku adi bara nabi Aku nggen di tayung-babuk ngan pesan ngga pinyibakan, pak ngara nyibireu ka dapu tanggong di sarah adŭp ngara sundis andu. Komŭnŭ ngara marik pimudip ngara pari ka Aku ka ngaku Aku, adi TUHAN Bisa-pŭrŭg, mbŭh ngukum ngara nimun patut nanyam ka sarah ngara ka sabab Aku mbŭh natu an ndai simŭnŭ.’ ”

ZECHARIAH 1:8

Aku kiris ndi naan daya nunggang kuda bireh. Ayŭh rŭŭ di arong randa mirtel di dau, ka di punok-i agi kuda kuda adi bŭkŭn, adi bireh, adi bibatŭng, adi buda.

ZECHARIAH 7:12

ka bada atin ngara riang mun batuh. Sabab ngara abah dingah ajar adi Aku pait so baba bara nabi ndun jah, Aku mbŭh raru baji.

MATTHEW 24:21

Amai pinyusah di tika anŭ re rabis payah so adi mbŭh, ngitong so sibungas ong jadi ndŭg andu ati. Ka mating re tia mun anŭ dinge.

MATTHEW 5:18

Ingat nŭh, siragi rangit ngga ong babŭ agi, ndi titik puan kah ndi batŭh turis adi siabo siit di Ukum-adat dŭh re dog taran sibayuh pimungan sopŭrŭg kayuh.

MARK 13:19

Amai pinyusah di tipuh anŭ re rabis arap so adi ong ko kinyam, ngitong so sibungas Tapa napa ong ndŭg andu ati. Ka re mating tia mun anŭ.

LUKE 21:22

Amai anŭ inŭh ‘Tipuh Ukum,’ ngga bada sopŭrŭg pinganang Surat-kudus jadi bitŭtŭk.

ROME 15:8

Amai aku kidaan di angān, Kristus mandŭg siŭn jadi keya ka urun yŭn daya Jahudi, ngga kiren Tapa sawŭ tŭtŭd, darŭm-I an pijadi janji-I adi-I ko ndai ngga tayung-babuk ngara,