DANIEL 8:13 - Hakcipta - Biatah Bidayuh

¹³ Komŭnŭ aku dingah ndi malaikat siken malaikat adi bŭkŭn, “Sinde kayuh anŭ adi dog kiris keya ka darŭm pŭmŭh re ko mun anŭ? Sinde dosa adi sipŭ re ko gati sadis barang andu? Sinde bara tibaran soldadu shorga ngga Ramin TUHAN re ko dog digang?”

DANIEL 8:13 ပူးပေါင်းရင်းမြစ်များ

MAZMUR 74:10

Ndŭg sinde, O Tapa, pinganyu ami tawŭh Kaam? Re ndŭg jŭ kah ngara nggen mangŭh di adŭn Mai?

MAZMUR 74:9

Sopŭrŭg tandā pinatŭng adi kudus yŭn ami mbŭh mating; nabi mbŭh mating tia, ka mating daya puan ndŭg sinde kayuh ati simuti.

MAZMUR 79:5

TUHAN, re adu adu kah Kaam baji ngga kieh? Re adu adu mun apui kah baji Mai?

ISAIAH 28:18

Simanya adi angān mbŭh ndai ngga pinyikabŭs ka janji adi angān mbŭh ndai ngga ong daya adi mbŭh kabŭs re dog kinating. Kan pinyirusag nyarab, angān re dog ngapuh.

ISAIAH 6:11

Aku siken, “Ndŭg sinde kayuh ati re mun ati, TUHAN?” Ayŭh nam, “Ndŭg ka kupo kupo mbŭh rubuh ka mating ani ani dieh, ndŭg ka ramin ramin mbŭh mating daya rŭŭ dieh, ndŭg ka tarun tana anŭ mbŭh jadi tarun adi pajam.

ISAIAH 63:18

Kieh, daya Mai adi kudus, ko dog pibu bara pinganyu ami nyitiro dawŭ-i: ngara bidigang di yŭn pinyirŭŭ Mai.

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

JEREMIAH 12:10

Bagŭ pimritah daya tami mbŭh pirusak teya anggor Ku; ngara mbŭh bidigang di tana ŭmŭh Ku; ngara mbŭh bada tarun tana Ku adi ramus jadi tarun tana-sumat.

DANIEL 11:31

Kada so bara soldadu-i re nyembar Ramin TUHAN. Ngara re pirŭŭ sadis barang andu ka pijog Pinyembar adi Raru Sipŭ diginŭ

DANIEL 12:11

“So andu sadis barang andu dog pirŭŭ, anŭ inŭh, so andu Pinyembar adi Raru Sipŭ anŭ, 1,290 andu re ripuan.

DANIEL 12:8

Aku dingah kayuh nang-i, pak aku dŭh mirati-i. Jadi aku siken, “Pak, tuan, munki sopŭrŭg-i re mungan?”

DANIEL 4:10

“Darŭm aku bŭŭs, aku kiris ndi tibande tŭngŭn kayuh di yun ong.

DANIEL 4:13

“Darŭm aku bipikir pasar kayuh adi aku kiris anŭ, aku kiris ndi malaikat mun so shorga, adi gringet ka adi taŭn marar bijaga.

DANIEL 4:23

Darŭm Tuan Raja tingga, malaikat mūn so shorga ka nang, ‘Tabŭng tŭngŭn kayuh anŭ ka pirusak-i, pak tandah tŭŭd-i di tana. Marut-i ngga parik basi ka timaga, ka tandah-i diginŭ di tarun tana kupai. Tandah daya anŭ dog sipot-abun, ka bada ayŭh rŭŭ diginŭ ngga dāng sitŭkŭd ju sawa.’

DANIEL 7:16

Aku tudu ndi naan so ngara adi mijog diginŭ ka bada ayŭh kidaan rati sopŭrŭg-i. Jadi ayŭh kidaan di aku rati-i.

DANIEL 7:23

Ati inŭh rati-i adi mbŭh dog nggen di aku: “Dāng mangah adi numbor pat anŭ inŭh empaya adi re agi di ong ka re bŭkŭn so sopŭrŭg empaya adi bŭkŭn. Empaya anŭ re pirandŭk ndi ong ong ka re bidigang dieh.

DANIEL 9:27

Pimritah anŭ re biyŭn pekat-janji adi takung ngga bara daya sitŭkŭd ju sawa, ka kan sitangah tipuh anŭ mbŭh ripuan, ayŭh re pirŭŭ sadis ngga pinganggen. Pinyembar adi Raru Sipŭ re dog na di yŭn adi siabo bigatung di Ramin TUHAN ka re babŭ diginŭ ndŭg ka sianŭ adi na-i diginŭ mbŭh dapŭd pimungan adi Tapa mbŭh sidia yŭn-i.”

ZECHARIAH 1:19

Aku siken di malaikat anŭ adi minyu ngga aku, “Ani rati tanduk tanduk anŭ?” Ayŭh nam, “Rati-i inŭh kuasa pritah ong adi bada daya Judah, daya Israel, ka daya Jerusalem papar sasah.”

ZECHARIAH 14:5

Kuu re bu kadŭg dau adi mire sandah anŭ nyinuwŭh. Kuu re bu mun tayung-babuk mu di tika tana bigugoh di jaman Uzziah jadi raja di Judah. TUHAN Tapa re mandŭg ngga sopŭrŭg malaikat-I.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

MATTHEW 24:15

“Angān re kiris ‘Pinyembar adi Raru Sipŭ’ adi ko nabi Daniel nyabŭt, mijog di Yŭn Kudus.” (Ayŭh adi basa patut mirati ani rati kayuh ati!)

MARK 13:14

“Angān re kiris ‘Pinyembar adi Raru Sipŭ’ mijog di yŭn-i dŭh patut mijog.” (Ayŭh adi basa patut mirati ani rati kayuh ati!) “Di tika anŭ ngara adi di Judea dŭh siŭn dŭh babak ka tarun tana darŭd.

LUKE 10:22

“Sama Ku mbŭh nggen di Aku sopŭrŭg kayuh. Mating daya puan asi Anak adŭ-i Sama, ka mating daya puan asi Sama adŭ-i Anak samŭn ngara adi yŭn Anak ko kidaan pasar Ayŭh.”

LUKE 21:20

“Kan angān kiris Jerusalem dog kirurung pinganyu, nganŭ angān re puan nang dŭm dŭh tui ayŭh re rubuh.

LUKE 21:24

Kada re dog siŭ ngga pedang, ka adi bŭkŭn re dog taban bu jadi daya-takap ka rais daya bŭkŭn. Ka daya adi dŭh bangsa Jahudi re digang Jerusalem ndŭg ka tipuh ngara mbŭh ripuan.

JOHN 1:18

Manusia dŭh tungang kiris Tapa. Anak adi tambŭ, adi samah ngga Tapa ka adi ngapid Sama, mbŭh nggen puan pasar Ayŭh.

DITRONOMI 33:2

TUHAN mandŭg so Darŭd Sinai; Ayŭh makat mun batŭh andu nyirungan Edom, ka nyekar di tunduh daya-I so Darŭd Paran. Simŭng ribu naan malaikat agi ngga Ayŭh; jireb apui di tangan tauh-I.

1 THESSALONICA 3:13

Simŭnŭ Ayŭh re nyibake angān, ka angān re jadi sukup kana buang kudus di sirung jawin Tapa adi Sama ta kan Tuhan ta Jesus mandŭg ngga sopŭrŭg daya adi mbŭh tung adŭp-I.

HEBREW 10:29

Simuki meh ngga ngara adi ngamun Anak Tapa, adi kinarap deya simanya Tapa adi mbŭh pibisig ngara so dosa, ka adi pimangŭh Roh Kudus adi rindu ngara? Suba kira, munki masam bisā-i re tung ngara ukum!

1 PETER 1:12

Tapa mbŭh kiren di bara nabi anŭ nang kraja pingandai ngara dŭh-i yŭn utung adŭp ngara, pak yŭn utung ngan. Ngara minyu pasar kayuh anŭ adi angān madin ko dingah so bara pinyisung adi kidaan Agah Kana ngga kuasa Roh Kudus adi dog pait so shorga. Anŭ inŭh kayuh adi adŭp bara malaikat an gŭh sua mirati.

JUDE 1:14

Enoch inŭh, adi numbor ju tigŭrŭ tubu sesang so Adam, adi ko jah-i minyu-binabi sakati pasar ngara: “Tuhan re mandŭg ngga biribu ribu malaikat kudus-I

PINANDŬNG 11:2

Pak dŭhnyah ngŭkŭd awah, sabab-i mbŭh yŭn daya adi dŭh puan Tapa, adi re bidigang di Kupo Kudus anŭ sitian pat puru-duwŭh buran.

PINANDŬNG 6:10

Ngara nyirais ngga sirŭŭn bana, “Tuhan adi Bisa-pŭrŭg, kudus ka adi tŭtŭd! Ndŭg sinde meh kieh kajŭn Kaam nggen bisara di daya di ong ka ngukum ngara amai ko siŭ kieh?”

AKIM 13:18

Ka malaikat anŭ siken, “Mani angān an puan dŭn ku? Dŭn ku inŭh dŭn adi saruh.”