DANIEL 7:9 - Hakcipta - Biatah Bidayuh

⁹ Darŭm aku tingga, takta takta mbŭh dog tipan. Sianŭ adi udip ndŭg situi tui guru di ndi so dudu takta anŭ. Piraka-I buda mun salju, ka ubok-I mun tigŭrŭ buruh biri. Takta-I, biyŭn kaja krita kuda adi bijagu apui dieh,

DANIEL 7:9 ပူးပေါင်းရင်းမြစ်များ

1 RAJA 22:19

Micaiah pijuu nang: “Madin dingah kayuh adi TUHAN nang! Aku kiris TUHAN guru di takta-I di shorga, ngga sopŭrŭg malaikat-I mijog sindŭk Ayŭh.

2 KRONIKEL 18:18

Micaiah minyu dinge, “Madin dingah kayuh adi TUHAN nang! Aku kiris TUHAN guru di takta-I di shorga, ngga sopŭrŭg malaikat-I mijog maning Ayŭh.

MAZMUR 45:8

Barung dagŭn myrrh ngga gaharu inŭh di piraka mai; bara pimain musik nyiramŭn kaam di istana adi dog ngabuh ngga bŭbŭt bŭbŭt gajah.

MAZMUR 90:2

Diŭ so Kaam napa dudu sandah bait napa ong, Kaam inŭh mbŭh Tapa adi tan adu adu, ka Tapa ndŭg situi tui.

MAZMUR 93:2

Takta Mai, O TUHAN, taŭn mbŭh tagap so sibungas-i ka Kaam mbŭh agi sibayuh tipuh piguru.

ISAIAH 6:1

Darŭm sawa adi ngga Raja Uzziah kabŭs, aku kiris TUHAN. Ayŭh guru di takta-I, bigatung ka bragah, ka jipo ambu-I ngisi ndi tarun tarun darŭm Ramin TUHAN.

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

JEREMIAH 49:38

Aku re siŭ raja raja ngara ngga pinguru pinguru ngara, ka pijog takta Ku diginŭ.

EZEKIEL 1:26

Di tunduh sakŭb agi kayuh mun takta dog ndai so batuh nilam, ka guru di takta anŭ agi gayŭn adi mun pŭrŭng manusia.

DANIEL 7:13

Darŭm kayuh anŭ adi dog kiris keya ka darŭm pŭmŭh ngarŭm anŭ, aku kiris kayuh mun manusia. Ayŭh mandŭg tudu aku, dog kirurung abun, ka ayŭh di ka sianŭ adi udip ndŭg situi tui ka dog taban ka yŭn-I.

DANIEL 7:22

Komŭnŭ sianŭ adi udip ndŭg situi tui mandŭg ka matŭd itong nanyam ka parad daya Tapa adi Siabo Bigatung. Tipuh mbŭh mandŭg yŭn daya Tapa kambat kuasa-raja.

MICAH 5:2

TUHAN nang, “Bethlehem Ephrathah, kuu inŭh kupo adi siabo sŭ di Judah, pak so kuu Aku re pakat ndi pimritah yŭn Israel, adi taris rawang asar-i inŭh so jaman jah.”

HABAKKUK 1:12

TUHAN, so sibungas-i Kaam inŭh Tapa. Kaam inŭh Tapa ku, kudus buang udip adu adu. TUHAN, Tapa ku, pinyigrindung ku, Kaam mbŭh mien daya Babylonia ka bada ngara bake isa ngara ngukum kieh.

MATTHEW 17:2

Darŭm ngara tingga, Jesus birubah: jawin-I nyirinyak mun batŭh andu, ka piraka-I jadi buda ngasad.

MATTHEW 28:3

Raŭn gayŭn-i mun kijat, ka piraka-i buda mun salju.

MARK 9:3

Piraka-I jadi bringam buda, buda ngasad so adi tungang manusia ngu da buda.

PINGANDAI 2:30

David mbŭh nabi, buang puan janji Tapa di ayŭh: Tapa bipayu ngga ayŭh an bada ndi naan so bara sesang-i jadi raja mun adŭp-i.

PINGANDAI 2:33

Ayŭh mbŭh dog pakat da guru di yŭn adi bikuasa tura ka tauh Tapa adi Sama-I, ka mbŭh kambat Roh Kudus so Ayŭh, nimun adi-I ko bijanji an nggen. Anŭ adi angān kiris ka dingah madin inŭh pinganggen-I adi-I ren di tunduh kieh.

PHILIPPI 3:9

ka jadi ndi ngga Ayŭh. Aku dŭh tia biyŭn pinŭnggŭn adi dog dapŭd so pinyita Ukum-adat. Aku madin biyŭn pinŭnggŭn anŭ adi dog nggen so ka pinyabah di Kristus, pinŭnggŭn adi mandŭg so Tapa sabab pinyabah.

1 TIMOTHY 6:16

Ayŭh sadi adi udip adu adu; Ayŭh agi darŭm jawa adi mating daya tungang nyindŭk. Gi-mating daya tungang kiris Ayŭh. Di Ayŭh inŭh stabi ngga kuasa adi tan adu adu! Amen.

1 JOHN 1:5

Agah adi kieh dingah so Anak-I ka adi kieh piagah inŭh ati: Tapa inŭh Jawa, ka darŭm Ayŭh taŭn mating adŭ karŭm.

PINANDŬNG 1:14

Ubok-I buda mun kapas, puan kah mun salju, ka batŭh-I bijireb mun apui;

PINANDŬNG 19:18

Ja di man dagin bara raja, dagin bara pingubak soldadu samŭn dagin bara soldadu, dagin kuda samŭn dagin bara pinunggang-i, dagin sopŭrŭg daya, daya urun bait daya bebas, adi bās bait adi sŭ!”

PINANDŬNG 20:4

Komŭnŭ aku kiris takta takta, ka sopŭrŭg adi guru dieh dog nggen kuasa ngga nggen bisara. Aku kiris gŭh simangi ngara adi ko dog nggen ukum kabŭs sabab ngara piagah ajar adi sawŭ adi Jesus ko pinandŭng ka sabab ngara ngajar pinganang Tapa. Ngara mating nyambah dāng anŭ bait tibudo-i, dŭh gŭh kambat tandā dāng anŭ di arŭ puan kah di tangan ngara. Ngara udip dinge ka keya ka raja mritah ngga Kristus sitian siribu sawa.

PINANDŬNG 4:2

Jam anŭ gŭh Roh Kudus nguasa aku. Di shorga agi ndi takta ka agi daya guru dieh.