DANIEL 7:4 - Hakcipta - Biatah Bidayuh

⁴ Adi diŭ mun singah, pak biyŭn urad mun beuh. Darŭm aku tingga, urad urad-i rudos so pŭrŭng-i. Dāng anŭ dog pakat ka dog bada mijog tŭnggŭn. Ka komŭnŭ pikir-kira manusia dog nggen di dāng anŭ.

DANIEL 7:4 ပူးပေါင်းရင်းမြစ်များ

2 SAMUEL 1:23

“Saul ngga Jonathan sanang nŭŭh rindu; udip samah, kabŭs samah; raju so beuh, bake so singah.

JOB 25:6

Ka munki meh manusia, ŭrŭd anŭ, kadis anŭ? Di batŭh Tapa, manusia dŭh biguna.

MAZMUR 9:20

Bada ngara taru, O TUHAN; bada ngara puan nang adŭp ngara adŭ-i manusia adi bisa kabŭs.

JEREMIAH 25:38

TUHAN mbŭh tagan daya-I mun singah tagan rubang-i. Pinyisipŭ perang ngga baji TUHAN mbŭh bada rais ati marui jadi tarun tana-pajam.

JEREMIAH 4:13

Tingga, pinganyu mbŭh mandŭg mun abun. Krita krita kuda ngara mun sabak biriyung, ka kuda kuda ngara raju mun beuh. Arah ata! Mŭmbŭh inŭh ata!

JEREMIAH 4:7

Keya ka singah ruah so tarun yŭn-i bisukan, pinyirabur bangsa mbŭh matak. Ayŭh mandŭg di pirabur Judah. Kupo kupo Judah re rubuh, ka mating daya re rŭŭ dieh.

JEREMIAH 48:40

TUHAN mbŭh bijanji nang ndi bangsa re mūn nyambar Moab mun beuh ngga urad urad-i tiburai,

JEREMIAH 49:19

Mun singah ruah so darŭm tarun adi tabar di arong Yang Jordan di ka tarun tana kupai, Aku re bada daya Edom nyirŭgŭh babak bu so rais ngara. Komŭnŭ daya adi Aku mien re mritah bangsa anŭ. Asi dapŭd dog danding ngga Aku? Asi birani natang Aku? Pimritah aki ndi adi dapŭd nyakar Aku?

PUĀS 4:19

Ngara tadak kieh raju so beuh mūn nyambar so rangit, Ngara nudug kieh di arong sandah; ngara tuman kieh di tarun tana-pajam.

EZEKIEL 17:3

ngga bada ngara puan kayuh adi Aku, TUHAN Raja, nang di ngara: agi ndi raja manuk beuh adi biyŭn buruh adi ramus ka urad adi ramba, tiburai bayah. Beuh anŭ mikabur ka Darŭd Lebanon ka mata tijuk tŭngŭn sedar,

EZEKIEL 28:2

“Manusia,” Ayŭh nang, “kidaan di pimritah Tyre kayuh adi Aku, TUHAN Raja, nang di ayŭh: kuu miruap buang nang adŭp mu tapa. Kuu nang adŭp mu mun tapa guru di takta di yun rawŭt. Kuu bada adŭp mu mun tapa, pak sibatur-i kuu manusia saja, dŭh tapa.

EZEKIEL 28:9

Kan ngara mandŭg di siŭ kuu, re babŭ kah kuu nang adŭp mu tapa? Kan kuu situra jawin ngga bara pinyiŭ mu, kuu re tatŭng manusia saja.

DANIEL 2:38

Ayŭh mbŭh bada kaam jadi pimritah sopŭrŭg adi udip di ong, sopŭrŭg dāng ngga manuk. Kaam inŭh ubak mas.

DANIEL 4:36

“Kan pikir-kira ku mbŭh pari mun adi dawŭ-i, bās ku, sangŭn ku, ka bragah pritah ku dog nggen pari ka aku. Bara pinurung ku ngga bara pingibās ku kambat aku, ka aku dog nggen pari kuasa-raja ku, ngga stabi adi rabis so adi mbŭh.

DANIEL 7:12

Dāng dāng adi bŭkŭn, kuasa ngara dog dimbut, pak ngara dog nyibandar udip ndŭg tipuh adi mbŭh dog ngŭtŭ.

DANIEL 7:5

Dāng adi numbor duwŭh mun buāng mijog ngga duwŭh kaja-i. Buāng anŭ biyŭn di asah jipŭh-i taruh turang tirasah, ka agi sirŭŭn nang di ayŭh, “Man nŭh, man bagŭ dagin situngang tungang mu!”

MATTHEW 24:28

“Di barang yŭn agi tadang, diginŭ manuk volcha agi mupuh.

DITRONOMI 28:49

TUHAN re taban ndi bangsa so bŭngŭn ong da rawan angān, bangsa adi dŭh angān puan piminyu-i. Ngara re nyambar angān mun beuh nyambar nakap dangah-i.

PINANDŬNG 13:2

Dāng anŭ mun rimaung, papah kaja-i mun papah kaja buāng, ka baba-i mun baba singah. Naga anŭ nggen di dāng anŭ pinyibake-i, takta-i, ka kuasa bās-i.