DANIEL 6:27 - Hakcipta - Biatah Bidayuh

²⁷ Ayŭh nyiramat ka pirupas; Ayŭh ndai pingandai saruh ngga pingandai-nginga di shorga ngga di ong. Ayŭh nyiramat Daniel so dog man singah.”

DANIEL 6:27 ပူးပေါင်းရင်းမြစ်များ

JOB 36:15

Pak Tapa ngajar daya ngga udip sangsara ka pakai pinyusah ngga kuka batŭh ngara.

MAZMUR 145:13

Pinyipritah Mai inŭh tan adu adu, ka Kaam inŭh raja ndŭg situi tui. TUHAN inŭh tŭtŭd ngga janji-I, ka darŭm sopŭrŭg pingandai-I ayŭh puno ngga masi.

MAZMUR 18:48

ka nyiramat aku so bara pinganyu aku. O TUHAN, Kaam nggen di aku pimanang ngarah pinganyu ku ka grindung aku so daya ganas.

MAZMUR 18:50

Tapa nggen pimanang bās di raja-I; Ayŭh kiren pinyirindu-I adi dŭh bisa birubah di sianŭ adi-I mien, di David ka di sesang-i adu adu.

MAZMUR 32:7

Kaam inŭh yŭn ku bisukan; Kaam re nyiramat aku so pinyusah, aku bana biragu pasar pinyiramat Mai, sabab Kaam grindung aku.

MAZMUR 35:17

Ndŭg sinde, TUHAN, Kaam re tingga adŭ? Pirupas aku so serang ngara; nyiramat aku so singah singah anŭ!

MAZMUR 97:10

TUHAN rindu ngara adi tiru di arap; Ayŭh grindung pimudip daya-I; Ayŭh pirupas ngara so kuasa daya ginaka.

JEREMIAH 10:10

Pak Kaam, TUHAN, inŭh Tapa adi sawŭ, Kaam inŭh Tapa adi udip ka raja adi tan adu adu. Kan Kaam baji, ong bigagar; bangsa bangsa dŭh tan nura baji Mai.

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

DANIEL 4:31

Darŭm raja minyu sakanŭ, sirŭŭn dog dingah minyu so shorga, “Raja Nebuchadnezzar, dingah kayuh adi Aku nang! Kuasa-raja mu madin mbŭh dog tambit so kuu.

DANIEL 4:34

“Kan ju sawa anŭ mbŭh ripuan,” raja nang, “aku nyigura ka rangit, ka pikir-kira ku pari mun adi dawŭ-i. Aku muji Tapa adi Siabo Bigatung ka nggen stabi ngga bragah di Ayŭh adi udip ndŭg situi tui. “Ayŭh re mritah ndŭg situi tui, ka pritah-I re tan adu adu.

DANIEL 4:35

Ayŭh tingga daya di ong keya ka au-tarun; malaikat di shorga ngga manusia di ong inŭh di ribo kuasa-I. Mating daya dapŭd nyakar pinyiraan-I puan kah ngika pingandai-I.

DANIEL 6:20

Kan ayŭh mbŭh ndŭg nŭ, ayŭh bagan ngga atin adi raru gapang, “Daniel, urun Tapa adi udip! Dapŭd kah Tapa adi yŭn mu bituan ngga siabo asŭng mu nyiramat kuu so dudu singah anŭ?”

JOHN 4:48

Jesus nang di ayŭh, “Kambŭi dŭh kiris pingandai-nginga ka pingandai-saruh, angān dŭh an sabah.”

PINGANDAI 4:30

Ton tangan Mai pibua daya adi birandam, ka bada pingandai-saruh ngga pingandai-nginga dog ndai ngga adŭn Jesus, Urun Mai adi kudus.”

HEBREW 2:4

Nganŭ gŭh adŭp Tapa mbŭh natu sopŭrŭg-i sawŭ ngga barang masam pingandai-nginga ka pingandai-saruh-I, ka ngga pinganggen Roh Kudus adi-I kutung nanyam ka pinyiraan adŭp-I.

1 SAMUEL 17:26

David siken bara daya adi sindŭk ayŭh, “Ani upah daya adi siŭ daya Philistine anŭ ka pirupas Israel so dog pimangŭh? Buang ja, asi daya Philistine anŭ adi dŭh puan Tapa, adi natang bara soldadu Tapa adi udip?”