DANIEL 6:22 - Hakcipta - Biatah Bidayuh

²² Tapa pait malaikat-I bada tŭŭp baba singah singah anŭ isa ngara dŭh kinaman aku. Ayŭh ndai simŭnŭ sabab Ayŭh puan aku dŭh sarah ka sabab aku mating ndai sarah di tunduh kaam, Tuan Raja.”

DANIEL 6:22 ပူးပေါင်းရင်းမြစ်များ

TIBIRIK 40:15

Sibandar-i, aku dawŭ-i dog nakap so tarun tana daya Hebrew, ka digiti di Egypt aku mating ndai sarah adi yŭn aku patut dog na di ramin jer.”

2 SAMUEL 22:7

Darŭm pinyusah ku aku bagan TUHAN; Aku bagan Tapa ku yŭn mite turung. Darŭm Ramin-I Ayŭh dingah sirŭŭn ku; Ayŭh nyiringa aku bagan mite turung.

1 RAJA 13:28

ka ayŭh matak ka dapŭd tadang nabi anŭ di aran ngga kaldi ka singah anŭ babŭ mijog sindŭk-i. Singah anŭ dŭh man tadang anŭ bait nakap kaldi anŭ.

2 KRONIKEL 32:21

Komŭnŭ TUHAN pait ndi naan malaikat adi siŭ bara soldadu ngga pingubak pingubak bara tibaran soldadu Assyria. Ka raja-empaya pari ka Assyria mangŭh. Ndi andu kan ayŭh di ramin-sambah tapa-i, kada so bara anak dari-i siŭ ayŭh ngga pedang.

MAZMUR 118:28

Kaam inŭh Tapa ku, ka aku nggen trima kaseh ka Kaam; aku re piagah bās Mai.

MAZMUR 26:6

TUHAN, aku ngu tangan ku, ngga kiren aku dŭh sarah ka nganing mija-sambah Mai buang nyambah Kaam.

MAZMUR 31:14

Pak atin sabah ku inŭh di Kaam, O TUHAN; Kaam inŭh Tapa ku.

MAZMUR 34:7

Malaikat-I kingat ngara adi stabi di TUHAN ka pirupas ngara so pinyusah.

MAZMUR 38:21

Dŭhnyah tagan aku, O TUHAN; dŭhnyah pijo adŭp Mai so aku, O Tapa ku!

MAZMUR 84:11

TUHAN inŭh pinyigrindung ngga raja ta adi bibragah, nyiberkat ata ngga mandis ngga stabi. Ayŭh dŭh abah nggen tadŭ tadŭ kayuh kana di ngara adi ndai kayuh adi batur.

ISAIAH 3:10

Daya tŭnggŭn re sanang ka siramat. Ngara re dapŭd pimunos adŭp ngara ngga kayuh adi ngara dapŭd so turang udas adŭp ngara.

ISAIAH 63:9

so sopŭrŭg sangsara ngara. Dŭh-i malaikat, pak adŭp TUHAN adi nyiramat ngara. Ngga pinyirindu ka masi Ayŭh nyiramat ngara. So dawŭ-i Ayŭh ari kingat ngara,

JEREMIAH 37:18

Komŭnŭ aku siken, “Ani sarah adi aku mbŭh ndai rawan kuu ka rawan bara pinurung mu ka bara daya mu, adi bada kuu na aku darŭm jer?

DANIEL 3:28

Raja nang, “Puji ka Tapa Shadrach, Meshach, ka Abednego! Ayŭh mbŭh pait malaikat-I ka mbŭh nyiramat ngara ati adi bituan ka sabah di adŭp-I. Ngara nyibireu pinganang ku ka dŭm tadŭ re ruban asŭng dŭh an mutu ubak ngara nyambah tadŭ tadŭ tapa adŭ-i Tapa adŭp ngara.

DANIEL 6:20

Kan ayŭh mbŭh ndŭg nŭ, ayŭh bagan ngga atin adi raru gapang, “Daniel, urun Tapa adi udip! Dapŭd kah Tapa adi yŭn mu bituan ngga siabo asŭng mu nyiramat kuu so dudu singah anŭ?”

DANIEL 6:23

Raja mbŭh raru gaŭn ka nggen ukum bada Daniel dog piruah so darŭm rubang anŭ. Jadi ngara tarik ayŭh ka sapa ka kiris ayŭh dŭh mani mani, amai ayŭh sabah di Tapa.

DANIEL 6:4

Komŭnŭ bara adi tukang ngatur kraja bara gabenor ngga adŭp bara gabenor suba jiroh arap Daniel di gaya-i ndai kraja yŭn empaya, pak ngara dŭh dapŭd, sabab Daniel inŭh daya adi bisa dog sabah ka dŭh ndai sarah buang-i daya adi jujur.

DANIEL 6:7

Sopŭrŭg ami adi ndai kraja yŭn empaya mai — bara adi tukang ngatur kraja bara gabenor, bara gabenor, bara pinurung gabenor, ka bara pinurung adi bŭkŭn — mbŭh situju di Tuan Raja patut piruah atur ka bada-i batur batur dog tunda. Nggen ukum dŭh nyibandar sitian taruh puru andu daya mite kayuh so tadŭ tadŭ tapa puan kah so tadŭ tadŭ daya, adŭ-i so kaam adi Tuan Raja. Daya adi rawan atur anŭ dŭh siŭn dŭh dog taran ka darŭm rubang singah.

MICAH 7:7

Pak aku re kajŭn TUHAN ngga sukup sabah Ayŭh re nyiramat aku. Tapa ku re dingah aku.

PINYIKIANG 20:16

ka kieh sien bagan TUHAN bada turung kieh. Ayŭh dingah sien ami ka pait ndi naan malaikat, adi taban kieh ruah so Egypt. Madin kieh mbŭh di Kadesh, anak kupo di baat tarun tana ngan.

MATTHEW 27:46

Ngga arong pukor taruh Jesus bagan ngga sirŭŭn bana, “Eli, Eli, lema sabachthani?” rati-i, “Tapa Ku, Tapa Ku, mani Kaam tagan Aku?”

PINGANDAI 12:11

Nganŭ Peter rada kayuh adi mbŭh jadi di adŭp-i, ka nang, “Madin aku puan-i taŭn sawŭ! Tuhan mbŭh pait malaikat-I da nyiramat aku so kuasa Herod ka so sopŭrŭg kayuh adi daya Jahudi raan ndai di tunduh aku.”

PINGANDAI 24:16

Jadi meh situngang tungang aku ngatur pimudip ku isa pikir-kira atin ku bisig di jawin Tapa ngga manusia.

PINGANDAI 27:23

Amai singumi malaikat Tapa ku adi aku nyambah agi mandŭg ka aku.

2 CORINTH 1:12

Kieh ngangŭn pikir-kira atin ami mbŭh kiren nang pimudip ami di ong ati, ka rabis-i gaya pimudip ami ngga angān, mbŭh dog nguasa atin adi dŭh an miman kayuh ngga atin bisig so Tapa buang ngga atin tŭnggŭn, so ka kuasa pinyirasi-mandis Tapa ka dŭh so ka pinyibijak manusia.

2 TIMOTHY 4:17

Pak Tuhan agi ngga aku ka nyibake aku, isa aku tungang piagah ngga sipuno-i Agah Kana anŭ yŭn sopŭrŭg daya adi dŭh bangsa Jahudi dingah; ka aku dog nyiramat so ukum kabŭs.

HEBREW 1:14

Ani bara malaikat? Ngara anŭ roh adi bituan di Tapa, adi-I pait da turung sinadan daya adi re kambat pinyiramat.

HEBREW 11:33

Ngga Pinyabah ngara nyerang ka ngarah barang rais. Ngara ndai kayuh adi batur ka kambat kayuh adi Tapa ko bijanji an nggen. Ngara tŭŭp baba singah,

1 SAMUEL 17:37

TUHAN mbŭh nyiramat aku so singah ngga buāng; ayŭh gŭh re nyiramat aku so daya Philistine anŭ.” “Sŭn adŭp mu nang,” Saul nam. “Panu, TUHAN agi ngga kuu.”

1 SAMUEL 26:18

Ka-i nang, “Mani tuan, kaam babŭ tadak aku, urun mai? Ani mbŭh aku ndai? Ani sarah mbŭh aku ndai?