DANIEL 6:20 - Hakcipta - Biatah Bidayuh

²⁰ Kan ayŭh mbŭh ndŭg nŭ, ayŭh bagan ngga atin adi raru gapang, “Daniel, urun Tapa adi udip! Dapŭd kah Tapa adi yŭn mu bituan ngga siabo asŭng mu nyiramat kuu so dudu singah anŭ?”

DANIEL 6:20 ပူးပေါင်းရင်းမြစ်များ

TIBIRIK 18:14

Paŭh mbar kah kayuh di TUHAN? Nimun adi muko Aku nang, prii buran so madin Aku re mandŭg dinge, ka Sarah re biyŭn ndi anak dari.”

1 KRONIKEL 16:11

Di ka TUHAN yŭn mite turung, ka nyambah Ayŭh adu adu.

MAZMUR 119:112

Aku mbŭh natu an tunda ukum-adat Mai ndŭg ka andu adi ngga aku kabŭs.

MAZMUR 146:2

Aku re muji Ayŭh sitŭkŭd aku udip; aku re biragu yŭn Tapa siumbur udip ku.

MAZMUR 73:23

Pak aku ari rŭŭ sindŭk Kaam, ka Kaam digŭng tangan ku.

JEREMIAH 32:17

“TUHAN Raja, Kaam napa ong ngga rangit pakai kuasa bās ngga pinyibake Mai; mating kayuh adi raru mbar re Mai ndai.

DANIEL 3:15

Madin, kan angān dingah jawŭn trompet, tanduk, gambus, zithers, kachapi, ngga sopŭrŭg pingakas musik adi bŭkŭn, mutu ubak ngan ka nyambah patong anŭ. Kambŭi angān dŭh, angān re rasu dog taran ka darŭm buwang apui adi bijagu apui dieh. Angān pikir agi tapa adi re tungang nyiramat angān kah?”

DANIEL 3:17

Kambŭi Tapa adi yŭn ami bituan dapŭd nyiramat kieh so buwang apui adi bijagu apui dieh ka so kuasa mai, Ayŭh dŭh re dŭh nyiramat kieh.

DANIEL 6:16

Jadi raja nggen ukum bada Daniel dog nakap, ka ayŭh dog taran ka darŭm rubang singah. Ayŭh nang di Daniel, “Isa-i Tapa mu, adi yŭn mu bituan ngga siabo asŭng mu, nyiramat kuu.”

DANIEL 6:19

Ngga arong siri jawa raja makat ka bigaut di ka rubang singah.

DANIEL 6:26

Aku pesan di ndi tarun tana empaya ku nang sopŭrŭg daya patut taru ka stabi di Tapa Daniel. “Ayŭh inŭh Tapa adi udip, ka Ayŭh re mritah ndŭg situi tui. Pritah-I dŭh re tungang dog nyirubuh, ka kuasa-I dŭh re mungan.

DANIEL 6:27

Ayŭh nyiramat ka pirupas; Ayŭh ndai pingandai saruh ngga pingandai-nginga di shorga ngga di ong. Ayŭh nyiramat Daniel so dog man singah.”

HOSEA 12:6

Ngapŭi meh, sesang Jacob, sabah di Tapa ngan ka pari ka Ayŭh. Udip meh ngga atin rindu ka tŭnggŭn, ka kajŭn Tapa ngan ngga atin tŭtŭd.

PINYIKIANG 11:23

“Agi kah pinyikurang di kuasa Ku?” TUHAN nam. “Kuu re kiris sawŭ kah dŭh kayuh adi Aku muko nang jadi bitŭtŭk!”

LUKE 1:37

Mating inŭh kayuh adi Tapa dŭh bisa ndai.”

LUKE 18:1

Komŭnŭ Jesus nyidundan ndi upama di bara murid-I isa ngara siraru simayang ka dŭh jimŭ.

PINGANDAI 6:4

Isa-i kieh bisa biyŭn puno masā ami di simayang ka di kraja pingandai adi piagah pinganang Tapa.”

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

2 CORINTH 1:10

Tapa mbŭh nyiramat kieh so pinyibisā pinyikabŭs ka kieh puan Ayŭh re nyiramat kieh dinge,

COLOSSAE 4:2

Bijijŭ darŭm simayang, ka bijaga darŭm angān bidua nggen trima kaseh di Tapa.

2 TIMOTHY 1:12

ka-i mbŭh sitagar anŭ inŭh aku mbŭh sangsara madin. Pak aku babŭ puno ngga atin-sabah ku, sabab aku puan asi Ayŭh adi yŭn ku bisangan; ka aku sabah Ayŭh re jaga da pagŭng kayuh adi ko-I mbas pasan di tangan ku.

HEBREW 7:25

Ka sawŭ Ayŭh tungang, madin ngga siraru, nyiramat daya adi mandŭg ka Tapa so ka adŭp-I, sabab Ayŭh udip adu adu an bidua ka Tapa yŭn ngara.

JAMES 1:25

Pak kambŭi angān nakit tingga ukum-adat adi sukup kana adi pirupas daya, ka nakit pirati-i ka dŭh dingah adŭ ka rasu kambŭt, pak ndai-i; mun anŭ angān re dog nyiberkat Tapa darŭm kraja pingandai ngan.

JUDE 1:24

Jugan puji ka Tapa adi Pinyikudip ta sabab Tuhan ta Jesus Kristus! Tapa sadi adŭ adi tungang kingat angān isa angān dŭh rabu, ka bada angān bisig ka gaŭn di sirung jawin bragah-I. So jah diŭ so sopŭrŭg kayuh jadi, madin ka ndŭg situi tui, ka Tapa inŭh bragah, stabi, bisa-pŭrŭg, ngga kuasa. Amen