DANIEL 6:16 - Hakcipta - Biatah Bidayuh

¹⁶ Jadi raja nggen ukum bada Daniel dog nakap, ka ayŭh dog taran ka darŭm rubang singah. Ayŭh nang di Daniel, “Isa-i Tapa mu, adi yŭn mu bituan ngga siabo asŭng mu, nyiramat kuu.”

DANIEL 6:16 ပူးပေါင်းရင်းမြစ်များ

2 SAMUEL 3:39

Sunggu aku raja adi dog mien Tapa, aku kinyam adŭp ku ramah andu ati. Di aku, anak anak Zeruiah anŭ mbŭh raru ganas. Isa-i TUHAN ngukum bara adi ginaka anŭ nanyam ka pingandai ngara.”

JOB 5:19

Ayŭh taŭn mbŭh sidia an grindung kuu so dog pinyusah;

PITAS 29:25

Taru kayuh adi daya pikir pasar kuu, bisa nyusah kuu. Sabah di TUHAN bisa nyiramat kuu.

ISAIAH 41:10

Dŭhnyah taru — Aku agi ngga angān! Aku ati Tapa ngan — dŭhnyah bada ani ani pitaru angān! Aku re bada angān bake ka turung angān; Aku re grindung angān ka nyiramat angān.

ISAIAH 43:2

Kan kuu mutas rawŭt adi tŭrŭp, Aku re agi ngga kuu; pinyusah mu re dŭh ngarah kuu. Kan kuu mutas apui, kuu re dŭh sau; pisuba adi bat adi dog kuu re dŭh kandam kuu.

JEREMIAH 26:14

Ka aku ati, Aku darŭm kuasa ngan! Ndai di aku ani ani adi angān pikir tŭnggŭn ka batur.

JEREMIAH 38:5

Raja Zedekiah nam, “Anŭ sŭn adŭp ngan nang; aku dŭh re bitan angān.”

JEREMIAH 38:6

Jadi ngara tambit aku ka bisor aku pakai taris ka darŭm prigi Anak-raja Malchiah, adi di badag istana. Mating piin darŭm prigi anŭ, adŭ-i tana bisa, ka aku timŭtŭm dieh.

JEREMIAH 39:17

Pak Aku, adi TUHAN, re grindung kuu, ka kuu re dŭh dog nggen ka darŭm tangan ngara adi kuu taru.

DANIEL 3:15

Madin, kan angān dingah jawŭn trompet, tanduk, gambus, zithers, kachapi, ngga sopŭrŭg pingakas musik adi bŭkŭn, mutu ubak ngan ka nyambah patong anŭ. Kambŭi angān dŭh, angān re rasu dog taran ka darŭm buwang apui adi bijagu apui dieh. Angān pikir agi tapa adi re tungang nyiramat angān kah?”

DANIEL 3:17

Kambŭi Tapa adi yŭn ami bituan dapŭd nyiramat kieh so buwang apui adi bijagu apui dieh ka so kuasa mai, Ayŭh dŭh re dŭh nyiramat kieh.

DANIEL 3:28

Raja nang, “Puji ka Tapa Shadrach, Meshach, ka Abednego! Ayŭh mbŭh pait malaikat-I ka mbŭh nyiramat ngara ati adi bituan ka sabah di adŭp-I. Ngara nyibireu pinganang ku ka dŭm tadŭ re ruban asŭng dŭh an mutu ubak ngara nyambah tadŭ tadŭ tapa adŭ-i Tapa adŭp ngara.

DANIEL 6:20

Kan ayŭh mbŭh ndŭg nŭ, ayŭh bagan ngga atin adi raru gapang, “Daniel, urun Tapa adi udip! Dapŭd kah Tapa adi yŭn mu bituan ngga siabo asŭng mu nyiramat kuu so dudu singah anŭ?”

DANIEL 6:7

Sopŭrŭg ami adi ndai kraja yŭn empaya mai — bara adi tukang ngatur kraja bara gabenor, bara gabenor, bara pinurung gabenor, ka bara pinurung adi bŭkŭn — mbŭh situju di Tuan Raja patut piruah atur ka bada-i batur batur dog tunda. Nggen ukum dŭh nyibandar sitian taruh puru andu daya mite kayuh so tadŭ tadŭ tapa puan kah so tadŭ tadŭ daya, adŭ-i so kaam adi Tuan Raja. Daya adi rawan atur anŭ dŭh siŭn dŭh dog taran ka darŭm rubang singah.

PINGANDAI 24:27

Pak kan duwŭh sawa mbŭh ripuan, Porcius Festus gati Felix jadi gabenor. Ngga ndai kana di batŭh daya Jahudi, Felix tingge Paul darŭm jer.

PINGANDAI 25:11

Kambŭi aku sawŭ agi miranggar ukum-adat ka agi ndai pingandai adi yŭn ku patut dog ukum kabŭs, aku dŭh abah trima-i. Pak kambŭi kayuh anŭ adi ngara ngadu pasar aku dŭh sawŭ, mating daya bisa nyerah aku ka tangan ngara. Aku mite adŭp ku bisara di tangan Caesar.”

PINGANDAI 25:9

Pak Festus, ngga-i an ndai kana di sirung jawin daya Jahudi, nang di Paul, “An kuu di ka Jerusalem, ka bisara pasar kayuh ati di sirung jawin ku diginŭ?”

ROME 13:3

Amai bara adi mritah dŭh dog taru ngara adi ndai kana, pak dog taru ngara adi ndai arap. Angān dŭh an biyŭn atin taru di ngara adi mritah? Ndai garang kayuh kana, ka ngara re muji angān,

2 CORINTH 1:10

Tapa mbŭh nyiramat kieh so pinyibisā pinyikabŭs ka kieh puan Ayŭh re nyiramat kieh dinge,