DANIEL 5:23 - Hakcipta - Biatah Bidayuh

²³ Kaam mbŭh rawan TUHAN adi pinguasa di rangit. Kaam mbŭh pakai saker ngga makuk adi dog taban so Ramin TUHAN. Kaam, bara pingibās mai, bara sawŭn ami, ka bara dayung nyikŭn mai nok wain so dieh ka muji tapa adi dog ndai so mas, so pirak, so timaga, so basi, so kayuh, ka so batuh — bara tapa adi dŭh kiris tarun, dŭh dingah kayuh, dŭh puan ani ani. Pak kaam dŭh stabi di Tapa adi bada kaam udip bait kabŭs ka adi nguasa sopŭrŭg kayuh adi kaam ndai.

DANIEL 5:23 ပူးပေါင်းရင်းမြစ်များ

TIBIRIK 14:19

nyiberkat ayŭh, ka nang, “Isa-i Tapa adi Sambu Sopŭrŭg, adi napa rangit ngga ong, nyiberkat Abram!

TIBIRIK 2:7

TUHAN Tapa tambit tana ka kakuk-i bada jadi manusia, ka rasu ngasŭng asŭng adi nggen udip ka darŭm rubang undung-i, ka manusia anŭ rasu udip.

2 RAJA 14:10

Amaziah, kuu mbŭh ngarah daya Edom, ka kuu madin mbŭh raru gambung. Kuu patut mbŭh puas asŭng ngga pimanang mu anŭ ka rŭŭ di arŭn. Mani sah jiroh pito adi re taban pinyirusag di adŭp mu ka di daya mu?”

JOB 12:10

Tapa inŭh adi ngatur pimudip sopŭrŭg kayuh adi-I napa; asŭng barang naan manusia inŭh darŭm tangan-I.

JOB 31:4

Tapa puan sopŭrŭg kayuh adi ndai ku; Ayŭh kiris barang sakong ku.

MAZMUR 104:29

Kan Kaam sukan jawin Mai, ngara taru; kan Kaam tambit asŭng ngara, ngara kabŭs ka pari ka tana adi so ngara mandŭg.

MAZMUR 115:16

Shorga inŭh tung TUHAN sadi, pak Ayŭh nggen ong di rayat manusia.

MAZMUR 139:3

Kaam kiris aku, bait-i aku nyiraja puan kah rŭŭ-paya; Kaam puan sopŭrŭg urah-rakah ku.

MAZMUR 146:4

Kan ngara kabŭs, ngara pari ka tana; di andu anŭ sopŭrŭg pusar ngara mungan.

PITAS 20:24

TUHAN mbŭh natu aran pimudip ta; simuki meh ata dapŭd mirati aran pimudip adi ata kadŭg?

ISAIAH 13:11

TUHAN nang, “Aku re taban pinyirusag ka ong ka ngukum sopŭrŭg daya ginaka amai dosa ngara. Aku re pirapat barang naan daya adi sambuh ka ngukum barang naan adi gambung ka gaok.

ISAIAH 14:13

Kuu ko bigŭtŭ an maad ka rangit ka tarun yŭn takta mu bigatung so bitang bitang adi siabo bigatung. Kuu pikir kuu re guru mun raja di tunduh darŭd di utara di yŭn tapa tapa tikuruk.

ISAIAH 2:12

Di andu anŭ TUHAN Bisa-pŭrŭg re pirapat barang naan daya di bikuasa, barang naan adi gambung ngga adi miruap.

ISAIAH 33:10

TUHAN nang di bangsa bangsa, “Madin Aku re makat. Aku re kiren di angān bās kuasa Ku.

ISAIAH 37:19

ka badang tapa tapa ngara — adi tapa au-tarun, adi kaŭs-i gayŭn dog ndai ngga tangan manusia so kayuh ngga batuh.

ISAIAH 37:23

Asi sŭn mu nang adi kuu ngamun ka napat? Kuu mbŭh dŭh biradat di Aku, adi Tapa kudus Israel.

ISAIAH 42:5

Tapa napa rangit ka mamad-i; Ayŭh napa ong samŭn sopŭrŭg adi udip dieh; Ayŭh kudip ka nggen asŭng di sopŭrŭg manusia. Ka madin TUHAN Tapa nang di urun-I,

JEREMIAH 10:23

TUHAN, aku puan mating daya bikuasa di tunduh pimudip adŭp-i; mating daya dapŭd nguasa aran pimudip adŭp-i.

JEREMIAH 48:26

TUHAN nang, “Bada Moab mabuk, sabab-i mbŭh rawan Aku. Moab re bigurai di uta adŭp-i, ka daya re tawŭh.

JEREMIAH 50:28

(Bara daya adi bu mangān adŭp-i dog siŭ di Babylonia ka mandŭg ka Jerusalem, ka ngara kidaan munki TUHAN adi Tapa ta mbŭh maras kayuh adi daya Babylonia mbŭh ndai di Ramin TUHAN.)

JEREMIAH 50:29

“Kidaan di bara soldadu adi tukang nimbak reja-panah bada nyerang Babylon. Tijuan barang naan daya adi pandai pakai bawŭh ngga reja-panah. Nyikapung kupo anŭ ka dŭhnyah bada tadŭ daya ruah. Maras di tunduh-i sopŭrŭg kayuh adi muko-i ndai, ka ndai di tunduh-i nimun-i mbŭh ndai di tunduh daya bŭkŭn, sabab-i mbŭh ndai simŭnŭ ngga atin gambung rawan Aku, adi Kudus yŭn Israel.

EZEKIEL 28:17

Kuu mingangŭn di pinyiramus mu, ka kuu mun daya budo darŭm kuu timagah. Sabab anŭ Aku re taran kuu ka tana ka tandah kuu jadi pinyibakan yŭn raja raja adi bŭkŭn.

EZEKIEL 28:2

“Manusia,” Ayŭh nang, “kidaan di pimritah Tyre kayuh adi Aku, TUHAN Raja, nang di ayŭh: kuu miruap buang nang adŭp mu tapa. Kuu nang adŭp mu mun tapa guru di takta di yun rawŭt. Kuu bada adŭp mu mun tapa, pak sibatur-i kuu manusia saja, dŭh tapa.

EZEKIEL 28:5

Kuu pandai bidagang ka ari dapŭd utung. Munki masam mingangŭn meh kuu di pinyikaya mu!

EZEKIEL 31:10

“Ngapŭi meh, Aku, adi TUHAN Raja, re kidaan di kuu kayuh adi re jadi di tŭngŭn kayuh anŭ adi timbu bigatung ndŭg ka tijuk-i ndŭg abun. Buang-i timbu dŭ dŭ bigatung, ayŭh dŭ dŭ gŭh jadi gambung.

DANIEL 11:12

Ayŭh re mingangŭn pasar pimanang-i ka pasar bara soldadu adi-i mbŭh siŭ, pak ayŭh dŭh re adu adu manang.

DANIEL 4:37

“Ka madin, aku, Nebuchadnezzar, muji, stabi, ka nyibragah Raja Shorga. Barang masam kayuh adi ndai-I inŭh batur buang kana, ka Ayŭh dapŭd pirapat daya adi udip sambuh.”

DANIEL 8:11

Anŭ mbŭh natang Pingubak-bās bara soldadu shorga, pirŭŭ sadis adi dog jugan ka Ayŭh barang andu, ka nyembar Ramin TUHAN.

HABAKKUK 2:4

Ka ati inŭh pinganang anŭ: ‘Ngara adi arap re binasa, pak ngara adi tŭnggŭn re udip sabab ngara tŭtŭd di Tapa.’ ”

PINGANDAI 17:25

Dŭh gŭh Ayŭh biguna di pinurung so manusia, amai adŭp-I inŭh adi nggen sopŭrŭg kayuh, udip ngga asŭng di manusia.

1 CORINTH 8:4

Jadi pasar man pinguman adi ko dog jugan ka tibudo: ata puan nang tibudo taŭn-i gambar yŭn kayuh adi dŭh sawŭ agi; ata puan Tapa agi ndi adŭ.

1 TIMOTHY 3:6

Ayŭh dŭh siŭn daya adi muran mŭrŭt jadi Kristen, siŭn ayŭh dŭh bakak ka gambung ka dog nunggu, nimun Siarap.

HEBREW 4:13

Mating kayuh bisa dog sukan so Tapa; barang masam kayuh adi mbŭh dog napa taŭn-i tatŭng di batŭh-I. Ka ata dŭh siŭn dŭh an dapu tanggong pimudip adŭp ta di sirung jawin-I.

PINANDŬNG 9:20

Bara rayat manusia adi bŭkŭn, sopŭrŭg adi dŭh kabŭs da susah-bās anŭ, dŭh an taran kayuh adi ngara ko ndai. Ngara abah ko nyambah umot, bait kah tibudo adi dog ndai so mas, pirak, timaga, batuh, puan kah so apŭg kayuh, adi dŭh kiris tarun, adi dŭh dingah kayuh, ka adi dŭh panu.

AKIM 16:23

Bara raja daya Philistine mandŭg tikuruk ka kuka gawai ka jugan sadis bās ka tapa ngara, Dagon. Ngara biragu, “Tapa ta mbŭh nggen di ata pimanang ngarah pinganyu ta Samson!”

1 SAMUEL 17:26

David siken bara daya adi sindŭk ayŭh, “Ani upah daya adi siŭ daya Philistine anŭ ka pirupas Israel so dog pimangŭh? Buang ja, asi daya Philistine anŭ adi dŭh puan Tapa, adi natang bara soldadu Tapa adi udip?”

1 SAMUEL 17:36

Aku muko siŭ singah ngga buāng, aku re ndai simŭnŭ gŭh di daya Philistine anŭ adi dŭh puan Tapa, adi natang bara soldadu Tapa adi udip.