DANIEL 5:21 - Hakcipta - Biatah Bidayuh

²¹ Ayŭh dog pibu so dupan bara manusia, ka pikir kira-i jadi mun tung dāng. Ayŭh udip bigaur ngga kaldi tarun, man kupai mun sapi, ka bŭŭs di sapa tarun ngga dŭh biyŭn ani ani ngga nutu adŭp-i so sipot-abun. Sikasŭn-i ayŭh ngaku Tapa adi Siabo Bigatung biyŭn kuasa di tunduh sopŭrŭg pritah manusia ka biyŭn kuasa nggen-i di tadŭ daya adi-I mien.

DANIEL 5:21 ပူးပေါင်းရင်းမြစ်များ

JOB 39:5

Asi nggen di kaldi tarun udip bebas? Asi pirupas ngara ka bada ngara bidandong?

EZEKIEL 17:24

Sopŭrŭg tŭngŭn kayuh di tarun tana anŭ re puan nang Aku ati TUHAN. Aku tabŭng tŭngŭn tŭngŭn kayuh ka bada anak anak kayuh bigatung. Aku re bada tŭngŭn tŭngŭn kayuh barŭm rayu. ka bada tŭngŭn kayuh adi pisŭk barŭm. Aku, adi TUHAN, mbŭh minyu. Aku re ndai kayuh adi Aku mbŭh nang adŭp Ku re ndai.”

DANIEL 4:14

Ayŭh kidaan ngga sirŭŭn bana, ‘Tabŭng tŭngŭn kayuh anŭ ka japa kadi dudu daan-i; piruruh dawŭn-i ka bada mingare buwa-i. Kasig dāng dāng so ribo-i ka manuk manuk so daan-i.

DANIEL 4:17

Anŭ inŭh pingatur bara malaikat adi gringet ka adi marar bijaga. Jadi meh, isa-i sopŭrŭg daya di barang yŭn puan Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien, samŭn ngara adi siabo sŭ darŭm pangkat.’

DANIEL 4:22

“Tuan Raja, kaam inŭh tŭngŭn kayuh anŭ, bigatung ka bake. Ka bās mai mbŭh bitambah ndŭg rangit, ka kuasa mai mbŭh di ndi ong ong.

DANIEL 4:25

Kaam re dog pibu so dupan bara manusia ka re udip bigaur ngga dudu dāng tarun. Sitŭkŭd ju sawa kaam re man kupai mun sapi, ka bŭŭs di sapa tarun ka bisa bada sipot-abun. Komŭnŭ kaam re ngaku Tapa adi Siabo Bigatung biyŭn kuasa di tunduh sopŭrŭg pritah manusia, ka biyŭn kuasa nggen-i di tadŭ daya adi-I mien.

DANIEL 4:26

Malaikat anŭ nggen ukum bada tŭŭd anŭ dog tandah di tana. Rati-i kaam re jadi raja dinge kan kaam ngaku Tapa mritah ndi ong ong.

DANIEL 4:34

“Kan ju sawa anŭ mbŭh ripuan,” raja nang, “aku nyigura ka rangit, ka pikir-kira ku pari mun adi dawŭ-i. Aku muji Tapa adi Siabo Bigatung ka nggen stabi ngga bragah di Ayŭh adi udip ndŭg situi tui. “Ayŭh re mritah ndŭg situi tui, ka pritah-I re tan adu adu.

DANIEL 4:35

Ayŭh tingga daya di ong keya ka au-tarun; malaikat di shorga ngga manusia di ong inŭh di ribo kuasa-I. Mating daya dapŭd nyakar pinyiraan-I puan kah ngika pingandai-I.

DANIEL 4:37

“Ka madin, aku, Nebuchadnezzar, muji, stabi, ka nyibragah Raja Shorga. Barang masam kayuh adi ndai-I inŭh batur buang kana, ka Ayŭh dapŭd pirapat daya adi udip sambuh.”

DANIEL 5:18

“Tapa adi Siabo Bigatung bada sama mai Nebuchadnezzar jadi raja adi bās ka nggen di ayŭh stabi ngga kuasa.