DANIEL 5:2 - Hakcipta - Biatah Bidayuh

² Darŭm ngara birunok, Belshazzar nggen ukum bada saker mas ngga saker pirak dog taban mŭrŭt, adi sama-i Nebuchadnezzar muko taban ngga bu so Ramin TUHAN di Jerusalem. Raja mite sopŭrŭg-i dog taban mŭrŭt isa ayŭh, bara pingibās-i, bara sawŭn-i, ka bara dayung nyikŭn-i bisa nok so dieh.

DANIEL 5:2 ပူးပေါင်းရင်းမြစ်များ

2 SAMUEL 9:7

“Dŭhnyah taru,” David nang di ayŭh. “Aku re kana ngga kuu amai sama mu Jonathan. Aku re nggen pari ka kuu sopŭrŭg tana adi babai mu Saul ko dapu, ka kuu re ari sua man ngga aku.”

2 RAJA 24:13

ka taban bu ka Babylonia sopŭrŭg rata adi darŭm Ramin TUHAN ka adi darŭm istana. Nanyam adi muko TUHAN diŭ kidaan, Nebuchadnezzar pirusak sopŭrŭg pingakas mas adi Raja Solomon ndai yŭn pakai di Ramin TUHAN.

2 RAJA 25:15

Ngara tambit barang masam kayuh adi dog ndai so mas ngga pirak, samŭn anak anak makuk ngga tipaku adi ngga taban bam apui.

2 KRONIKEL 11:20

Ripas anŭ ayŭh sawŭn Maacah anak dayung Absalom, ka ngara biyŭn pat madis anak dari: Abijah, Attai, Ziza, ka Shelomith.

2 KRONIKEL 15:16

Raja Asa bisor gŭh simuk-i Maacah so pangkat-i adi jadi nyamba rani, sabab ayŭh muko ndai tibudo tapa Asherah, tapa pimuah. Asa pitumbang tibudo anŭ, japa-i bada anŭk, ka badang rapuh-i di rubān Kidron.

2 KRONIKEL 36:10

Kan-i mbŭh tipuh bunga, Raja Nebuchadnezzar taban Jehoiachin ka Babylonia jadi daya-takap, ka taban ngga bu rata Ramin TUHAN. Komŭnŭ Nebuchadnezzar bada Zedekiah adi tua Jehoiachin jadi raja Judah ngga Jerusalem.

2 KRONIKEL 36:18

Raja Babylonia sirapas kayuh darŭm Ramin TUHAN, pinyirikŭn-rata Ramin TUHAN, ka pinyikaya raja samŭn tung bara pinurung-i, ka taban sopŭrŭg-i ka Babylon.

EZRA 5:14

Ayŭh pari pingakas mas ngga pirak adi dog pakai di Ramin TUHAN. Pingakas anŭ ko dog sirapas Nebuchadnezzar ka dog na di bari-sambah adŭp-i di Babylon. Cyrus nyerah pingakas pingakas anŭ ka tangan ndi naan daya dŭn Sheshbazzar, adi ayŭh tijuan bada jadi gabenor di Judah.

JEREMIAH 27:7

Sopŭrŭg bangsa re bituan di ayŭh, ka ngara re bituan di anak-i ka di sukuh-i ndŭg ka tika adi ngga bangsa-i rabu. Komŭnŭ bangsa-i re bituan di bangsa adi bikuasa ngga di raja raja adi bās.

JEREMIAH 50:35

TUHAN nang, “Pirabur meh Babylonia! Pirabur daya-i, samŭn bara pinguasa-i, samŭn bara daya-i adi bijak.

JEREMIAH 52:19

Ngara tambit sopŭrŭg pingakas adi dog ndai so mas bait so pirak: anak anak makuk, ka tipaku adi dog pakai ngga taban bam apui, makuk makuk yŭn taŭ deya so sadis, bŭrŭh bŭrŭh ŭbŭ, rika rika prita, makuk makuk yŭn kimanyan, ka makuk makuk yŭn sadis wain.

DANIEL 1:2

TUHAN tandah ayŭh nakap Raja Jehoiakim ka sirapas kada rata Ramin TUHAN. Ayŭh taban kada daya-takap pari ngga adŭp-i ka bari-sambah tapa adŭp-i di Babylon, ka na rata adi ko dog sirapas di birit pinyirikŭn bari-sambah.

DANIEL 5:11

Agi daya darŭm pritah mu adi agi roh bara tapa adi kudus di adŭp-i. Di jaman sama mu jadi raja, daya anŭ dog dapŭd biyŭn pinyipitar, pinyipuan, ka pinyibijak mun pinyibijak bara tapa. Ka Raja Nebuchadnezzar, sama mu, bada ayŭh jadi pingubak bara daya adi tukang kidaan nasip, bara pinanung, bara dukun, ka bara adi puan pasar bitang.

DANIEL 5:13

Daniel rasu dog taban mŭrŭt bada bidapŭd ngga raja, ka raja nang di ayŭh, “Kuu kah Daniel anŭ, daya Jahudi adi dog taran, adi sama ku adi raja taban kamati so Judah?

DANIEL 5:18

“Tapa adi Siabo Bigatung bada sama mai Nebuchadnezzar jadi raja adi bās ka nggen di ayŭh stabi ngga kuasa.

DANIEL 5:23

Kaam mbŭh rawan TUHAN adi pinguasa di rangit. Kaam mbŭh pakai saker ngga makuk adi dog taban so Ramin TUHAN. Kaam, bara pingibās mai, bara sawŭn ami, ka bara dayung nyikŭn mai nok wain so dieh ka muji tapa adi dog ndai so mas, so pirak, so timaga, so basi, so kayuh, ka so batuh — bara tapa adi dŭh kiris tarun, dŭh dingah kayuh, dŭh puan ani ani. Pak kaam dŭh stabi di Tapa adi bada kaam udip bait kabŭs ka adi nguasa sopŭrŭg kayuh adi kaam ndai.

DANIEL 5:3

Jam anŭ gŭh saker mas ngga makuk mas dog taban mŭrŭt, ka ngara sopŭrŭg nok so dieh,

DANIEL 5:30

Ngarŭm anŭ Belshazzar, raja Babylonia, dog siŭ;

DANIEL 5:4

ka muji tapa adi dog ndai so mas, so pirak, so timaga, so basi, so kayuh, ka so batuh.