DANIEL 5:17 - Hakcipta - Biatah Bidayuh

¹⁷ Daniel nam, “Nyikŭn adŭ pinganggen anŭ bait nggen-i di daya bŭkŭn. Aku re basa yŭn Tuan Raja kayuh adi dog nuris anŭ ka kidaan rati-i di kaam.

DANIEL 5:17 ပူးပေါင်းရင်းမြစ်များ

TIBIRIK 14:23

aku dŭh re nyikŭn tadŭ tadŭ kayuh adi kuu dapu; ndŭg ka sirah tiburi bait taris kasut mu aku dŭh re nyikŭn. Isa andu bŭkŭn, kuu dŭh bisa nang, ‘Aku inŭh adi bada Abram kaya.’

2 RAJA 3:13

“Re ku ngga mani turung angān?” Elisha nang di raja Israel. “Panu di bisiken ngga bara nabi anŭ adi yŭn sama mu ngga sindŭ mu bisiken.” “Dŭh!” Joram nam. “Tapa inŭh adi mbŭh ngatur re nyerah kieh ka darŭm tangan raja Moab.”

2 RAJA 5:16

Elisha nam, “Ngga adŭn TUHAN adi udip, adi yŭn ku bituan, aku bipayu aku dŭh re trima pinganggen.” Naaman darah bada ayŭh trima-i, pak ayŭh abah.

2 RAJA 5:26

Pak Elisha nang, “Dŭh kah aku agi diginŭ kan daya anŭ mūn so krita kuda-i di dapŭd kuu? Ati dŭh tipuh adi ngga trima duit puan kah piraka, teya kanā ngga teya anggor, biri ngga sapi sapi, puan kah daya-gaji!

MAZMUR 119:46

Aku re piagah pesan Mai di bara raja ka aku dŭh re mangŭh.

DANIEL 2:6

Pak kambŭi angān tungang kidaan ani pŭmŭh anŭ samŭn rati-i, aku re ngupah angān ngga pinganggen ka ngga dŭn bās adi dog stabi. Madin, kidaan di aku ani pŭmŭh anŭ ka ani rati-i.”

DANIEL 5:29

Nganŭ gŭh Belshazzar mritah bara urun-i bada kasŭk jipo-ambu raja adi bēng ka na kukong mas di tungo-i. Ka ayŭh bada ayŭh jadi pinguasa adi numbor taruh darŭm pritah.

PINGANDAI 8:20

Pak Peter nam, “Kuu ngga duit mu di ka apui neraka, amai kuu pikir kuu bisa miris pinganggen Tapa ngga duit!