DANIEL 4:6 - Hakcipta - Biatah Bidayuh

⁶ Aku nggen ukum bada sopŭrŭg daya ku adi tukang pitayan di Babylon dog taban ka yŭn ku isa ngara bisa kidaan di aku rati pŭmŭh anŭ.

DANIEL 4:6 ပူးပေါင်းရင်းမြစ်များ

PINYIRUAH 7:11

Komŭnŭ raja bagan bara daya bijak-i samŭn bara pinanung, ka ngga pimandai-i ngara ndai simŭnŭ gŭh.

ISAIAH 8:19

Pak daya re bada angān mite pinganang so daya adi pandai kidaan nasip ngga daya adi pandai minyu ngga simangi daya adi mbŭh kabŭs, adi prikiak ka prigŭnŭm adŭp-i. Ngara re nang, “Mŭnŭ mŭnŭ gibabŭ gŭh daya patut mite pinganang so roh roh ka bisiken ngga daya adi mbŭh kabŭs yŭn utung daya adi babŭ udip.”

DANIEL 1:17

Tapa nggen di pat naan dari adi mara anŭ pinyipuan, atin mirati yŭn surat adi ngara basa, ka aran birajar bagŭ masam kayuh, ka Daniel biyŭn pimandai kidaan rati kayuh adi dog kiris keya ka adi darŭm pŭmŭh samŭn barang masam pŭmŭh.

DANIEL 2:2

Jadi ayŭh bagan bara daya-i adi pandai kidaan nasip, bara pinanung, bara nyamba-biruri, ka bara dukun bada mandŭg ka kidaan di ayŭh rati pŭmŭh-i anŭ. Kan ngara mandŭg ka mijog di sirung jawin raja,

DANIEL 2:48

Komŭnŭ ayŭh nggen di Daniel pangkat adi bās, nggen di ayŭh bagŭ pinganggen adi grua, tijuan ayŭh bada tukang nguasa utung tarun tana rais Babylon, ka bada ayŭh jadi pingubak sopŭrŭg adi tukang pitayan raja.

DANIEL 4:15

Pak tandah tŭŭd-i di tana, ka marut-i ngga parik basi ka timaga. Tandah-i diginŭ di tarun tana kupai. “ ‘Madin bada daya anŭ dog sipot-abun, ka bada ayŭh udip bigaur ngga dāng ka anak anak kayuh-udip.

DANIEL 5:11

Agi daya darŭm pritah mu adi agi roh bara tapa adi kudus di adŭp-i. Di jaman sama mu jadi raja, daya anŭ dog dapŭd biyŭn pinyipitar, pinyipuan, ka pinyibijak mun pinyibijak bara tapa. Ka Raja Nebuchadnezzar, sama mu, bada ayŭh jadi pingubak bara daya adi tukang kidaan nasip, bara pinanung, bara dukun, ka bara adi puan pasar bitang.

DANIEL 5:7

Ayŭh nyirais bada urun-i taban ngga mŭrŭt bara pinanung, bara dukun, ka bara adi puan pasar bitang. Kan ngara mbŭh mŭrŭt, raja nang di ngara, “Asi asi adi tungang basa turis anŭ ka kidaan rati-i re dog bada nēn jipo-ambu raja adi bēng, pakai kukong mas di tungo-i, ka re dog bada jadi pinguasa adi numbor taruh darŭm pritah.”