DANIEL 4:35 - Hakcipta - Biatah Bidayuh

³⁵ Ayŭh tingga daya di ong keya ka au-tarun; malaikat di shorga ngga manusia di ong inŭh di ribo kuasa-I. Mating daya dapŭd nyakar pinyiraan-I puan kah ngika pingandai-I.

DANIEL 4:35 ပူးပေါင်းရင်းမြစ်များ

JOB 23:13

Ayŭh bŭn birubah. Mating daya dapŭd nyakar Ayŭh puan kah matŭn Ayŭh ndai kayuh adi raan-I ndai.

JOB 34:29

Kambŭi Tapa natu re dŭh ndai ani ani, mating daya dapŭd ngamun Ayŭh. Kambŭi Ayŭh sukan jawin-I, ata re dŭh bigaya.

JOB 42:2

Aku puan, TUHAN, Kaam inŭh adi dapŭd ndai sopŭrŭg kayuh; ani ani kayuh adi Kaam raan ndai dŭh dapŭd dog kinarang.

JOB 9:4

Tapa inŭh raru bijak ka bikuasa; mating daya tungang rawan Ayŭh.

MAZMUR 115:3

Tapa ami agi di shorga; Ayŭh ndai tadŭ tadŭ kayuh nanyam pinyiraan adŭp-I.

MAZMUR 135:6

Ayŭh ndai tadŭ tadŭ kayuh raan-I di shorga ngga di ong, di rawŭt ngga di rasan rawŭt.

MAZMUR 33:14

So tarun yŭn-I mritah, Ayŭh tingga ka sagān tingga sopŭrŭg adi udip di ong.

MAZMUR 39:5

Munki masam purok-i udip ku bada Mai! Di batŭh Mai tian-ki aku udip inŭh au-tarun. Sawŭ udip barang naan daya mating rabis-i so abus sabak,

MAZMUR 49:1

Dingah ati, sopŭrŭg daya! Nyiringa, sopŭrŭg daya di barang yŭn,

PITAS 21:30

Pinyibijak manusia, pinyimirati, pinyipitar, sopŭrŭg-i mating guna kambŭi TUHAN mbŭh rawan ata.

EKLISIASTIS 8:4

Raja ndai kraja-i ngga kuasa, ka mating daya dapŭd matah pingandai-i.

ISAIAH 19:17

Daya Egypt re taru Judah tiap kari ngara dog bada ingat nasip adi TUHAN Bisa-pŭrŭg mbŭh sidia yŭn ngara.

ISAIAH 26:9

Singarŭm aku jiroh Kaam ngga siabo atin ku; kan Kaam nggen bisara di tunduh ong samŭn daya-i, ngara re puan ani anŭ pinyitŭnggŭn.

ISAIAH 43:13

Aku ati Tapa, madin ka ndŭg situi tui. Mating daya dapŭd rupas so kuasa Ku; mating daya dapŭd nukar kayuh adi Aku ndai.”

DANIEL 6:27

Ayŭh nyiramat ka pirupas; Ayŭh ndai pingandai saruh ngga pingandai-nginga di shorga ngga di ong. Ayŭh nyiramat Daniel so dog man singah.”

JONAH 1:14

Jadi ngara nyirais bagan mite turung so TUHAN, “O TUHAN, kieh bidua, dŭhnyah ngukum kieh ngga pinyikabŭs sitagar kieh siŭ daya ati! Kaam, O TUHAN, inŭh adi dapu tanggong di sopŭrŭg kayuh ati; kayuh ati inŭh pingandai adŭp Mai.”

PINGANDAI 11:17

Ka kambŭi Tapa mbŭh nggen pinganggen anŭ di ngara nimun-I ko nggen di ata darŭm ata sabah di Jesus Kristus, asi meh aku ati re tungang bitan pingandai Tapa?”

PINGANDAI 4:28

Ngara mbŭh tikuruk ka ndai anŭ adi Kaam, so ka kuasa ngga pinyiraan Mai, mbŭh natu nang re jadi.

PINGANDAI 5:39

pak kambŭi-i mandŭg so Tapa, angān manŭn dŭh re tungang ngarah ngara. Manyah-i te adŭp ngan adi rawan Tapa!” Kunsil tunda pinganang Gamaliel.

PINGANDAI 9:5

“Asi Kaam Tuhan?” ayŭh siken. “Aku Jesus, adi kuu kisiis,” sirŭŭn anŭ nang.

1 CORINTH 10:22

Ata raan bada Tuhan sina kah? Ata pikir adŭp ta bikuasa so Ayŭh kah?

1 CORINTH 2:16

Sak adi nang Surat-kudus, “Asi puan pikir Tuhan? Asi tungang pitayan Ayŭh?” Pak ata inŭh, adi biyŭn pikir Kristus.

EPHESUS 1:11

Sopŭrŭg-i re dog ndai nanyam ka atur-pinyiraan Tapa. Nunda ka tujuan-I adi ko-I natu so sibungas-i, Tapa mbŭh mien ata da jadi daya adi tung adŭp-I darŭm udip ndi ngga Kristus.

JOSHUA 2:2

Raja di Jericho mbŭh agi dingah kada daya Israel mandŭg ngarŭm anŭ di nyibatŭh rais ngara,

1 SAMUEL 3:18

Jadi Samuel kidaan di ayŭh sopŭrŭg-i. Sopŭrŭg-i ayŭh dŭh miman. Eli nang, “Ayŭh anŭ TUHAN; Ayŭh re ndai tadŭ mun kayuh adi sŭn-i nang kana.”