DANIEL 4:34 - Hakcipta - Biatah Bidayuh

³⁴ “Kan ju sawa anŭ mbŭh ripuan,” raja nang, “aku nyigura ka rangit, ka pikir-kira ku pari mun adi dawŭ-i. Aku muji Tapa adi Siabo Bigatung ka nggen stabi ngga bragah di Ayŭh adi udip ndŭg situi tui. “Ayŭh re mritah ndŭg situi tui, ka pritah-I re tan adu adu.

DANIEL 4:34 ပူးပေါင်းရင်းမြစ်များ

2 SAMUEL 22:31

Tapa ati — munki raru kana kraja pingandai-I, pinganang-I dapŭd dog sabah! Ayŭh keya ka pinangin yŭn sopŭrŭg adi jiroh pinyigrindung-I.

1 KRONIKEL 29:10

Diginŭ di sirung jawin daya bagŭ Raja David muji TUHAN. Ayŭh nang, “TUHAN Tapa Jacob adi babuk ami, isa-i Kaam dog muji ndŭg situi tui!

1 KRONIKEL 29:13

Madin, Tapa ami, kieh nggen di Kaam trima kaseh, ka kieh muji adŭn Mai adi bibragah.

JOB 1:21

Ayŭh nang, “Aku dŭh biyŭn ani ani kan aku dog biranak, ka aku re kabŭs dŭh gŭh biyŭn ani ani. TUHAN nggen, ka madin Ayŭh mbŭh tambit pari. Isa-i adŭn-I dog muji!”

MAZMUR 10:16

TUHAN inŭh raja adi ndŭg situi tui. Ngara adi nyambah tapa tapa adi bŭkŭn re miyap so tarun tana-I.

MAZMUR 102:24

O Tapa, dŭhnyah tambit aku madin sibayuh aku minyamba. O TUHAN, Kaam udip adu adu;

MAZMUR 107:15

Ngara dŭh siŭn dŭh nggen trima kaseh di TUHAN amai pinyirindu-I adi dŭh bisa birubah, amai kayuh saruh adi-I mbŭh ndai yŭn ngara.

MAZMUR 107:22

Ngara dŭh siŭn dŭh nggen trima kaseh di Ayŭh ngga sadis, ka ngga ragu pinyigaŭn dŭh siŭn dŭh kidaan sopŭrŭg kayuh adi Ayŭh mbŭh ndai.

MAZMUR 107:31

Ngara dŭh siŭn dŭh nggen trima kaseh di TUHAN amai pinyirindu-I adi dŭh bisa birubah, amai kayuh saruh adi Ayŭh mbŭh ndai yŭn ngara.

MAZMUR 107:8

Ngara dŭh siŭn dŭh nggen trima kaseh di TUHAN amai pinyirindu-I adi dŭh bisa birubah, amai pingandai saruh adi Ayŭh mbŭh ndai yŭn ngara.

MAZMUR 111:7

Ayŭh tŭtŭd buang tŭnggŭn darŭm sopŭrŭg pingandai-I; sopŭrŭg pesan-I bisa yŭn bisangan.

MAZMUR 121:1

Aku tingga darŭd; so ki meh pinurung ku mandŭg?

MAZMUR 123:1

TUHAN, aku nyigura ka Kaam, ka shorga, di yŭn Kaam mritah.

MAZMUR 145:13

Pinyipritah Mai inŭh tan adu adu, ka Kaam inŭh raja ndŭg situi tui. TUHAN inŭh tŭtŭd ngga janji-I, ka darŭm sopŭrŭg pingandai-I ayŭh puno ngga masi.

MAZMUR 146:10

TUHAN inŭh raja ndŭg situi tui. Tapa mu, O Zion, re mritah adu adu. Muji meh TUHAN!

MAZMUR 50:14

Bada pinganggen trima kaseh jadi sadis ngan ka Tapa, ka nggen di Ayŭh adi Bisa-pŭrŭg sopŭrŭg adi angān mbŭh bijanji an nggen.

MAZMUR 66:7

Ayŭh mritah ndŭg situi tui ngga kuasa-I ka kingat bangsa bangsa ngga batŭh-I. Manyah meh daya arap makat rawan Ayŭh.

MAZMUR 7:17

Aku jugan trima kaseh ka TUHAN amai pinyitŭnggŭn-I, Aku nang ragu puji ka TUHAN, adi Sambu Sopŭrŭg.

MAZMUR 9:2

Aku re biragu ngga gaŭn sabab Kaam, Aku re biragu muji Kaam, Tapa Bisa-pŭrŭg.

MAZMUR 92:1

Munki masam kana-i nggen trima kaseh ka Kaam, O TUHAN, biragu nggen stabi di Kaam, O Tapa adi Sambu Sopŭrŭg,

ISAIAH 13:11

TUHAN nang, “Aku re taban pinyirusag ka ong ka ngukum sopŭrŭg daya ginaka amai dosa ngara. Aku re pirapat barang naan daya adi sambuh ka ngukum barang naan adi gambung ka gaok.

ISAIAH 2:11

Andu-i re mandŭg adi ngga uap-sambuh manusia re mungan ka udip mirawa manusia dog pirabur. Komŭnŭ TUHAN sadi adi re dog katuh.

ISAIAH 24:15

ka ngara adi tura ka timor re muji Ayŭh. Daya adi rŭŭ di arong bŭngŭn rawŭt re muji TUHAN, adi Tapa Israel.

JEREMIAH 10:10

Pak Kaam, TUHAN, inŭh Tapa adi sawŭ, Kaam inŭh Tapa adi udip ka raja adi tan adu adu. Kan Kaam baji, ong bigagar; bangsa bangsa dŭh tan nura baji Mai.

PUĀS 3:38

Pinyikana ngga arap jadi so ka pesan-I.

DANIEL 12:7

Malaikat anŭ pakat soduwŭh tangan-i ka rangit ka bipayu ngga adŭn Tapa adi Udip adu adu. Aku dingah ayŭh nang, “Kayuh anŭ re jadi simŭnŭ sitŭkŭd taruh sawa sitangah. Kan daya Tapa muko dog kisiis, sopŭrŭg kayuh anŭ gŭh mbŭh tambus.”

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

DANIEL 4:2

Dingah dundan ku pasar pingandai saruh ngga pingandai-nginga adi Tapa adi Siabo Bigatung mbŭh kiren di aku.

DANIEL 4:26

Malaikat anŭ nggen ukum bada tŭŭd anŭ dog tandah di tana. Rati-i kaam re jadi raja dinge kan kaam ngaku Tapa mritah ndi ong ong.

DANIEL 4:3

“Munki masam bās-i pingandai saruh adi Tapa kiren di aku! Munki masam saruh-i pingandai-nginga adi-I ndai! Tapa inŭh raja ndŭg situi tui; Ayŭh re adu adu mritah.

DANIEL 4:32

Kuu re dog pibu so dupan bara manusia, udip bigaur ngga dudu dāng tarun, ka man kupai mun sapi sitŭkŭd ju sawa. Komŭnŭ kuu re ngaku nang Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien.”

DANIEL 4:36

“Kan pikir-kira ku mbŭh pari mun adi dawŭ-i, bās ku, sangŭn ku, ka bragah pritah ku dog nggen pari ka aku. Bara pinurung ku ngga bara pingibās ku kambat aku, ka aku dog nggen pari kuasa-raja ku, ngga stabi adi rabis so adi mbŭh.

DANIEL 5:18

“Tapa adi Siabo Bigatung bada sama mai Nebuchadnezzar jadi raja adi bās ka nggen di ayŭh stabi ngga kuasa.

DANIEL 5:21

Ayŭh dog pibu so dupan bara manusia, ka pikir kira-i jadi mun tung dāng. Ayŭh udip bigaur ngga kaldi tarun, man kupai mun sapi, ka bŭŭs di sapa tarun ngga dŭh biyŭn ani ani ngga nutu adŭp-i so sipot-abun. Sikasŭn-i ayŭh ngaku Tapa adi Siabo Bigatung biyŭn kuasa di tunduh sopŭrŭg pritah manusia ka biyŭn kuasa nggen-i di tadŭ daya adi-I mien.

DANIEL 6:26

Aku pesan di ndi tarun tana empaya ku nang sopŭrŭg daya patut taru ka stabi di Tapa Daniel. “Ayŭh inŭh Tapa adi udip, ka Ayŭh re mritah ndŭg situi tui. Pritah-I dŭh re tungang dog nyirubuh, ka kuasa-I dŭh re mungan.

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

DANIEL 7:27

Kuasa ngga sangŭn sopŭrŭg pritah di ong re dog nggen di daya Tapa adi Siabo Bigatung. Kuasa-raja ngara dŭh re mungan ka sopŭrŭg pimritah di ong re bituan ka nundok di ngara.”

DANIEL 9:14

Kaam, O TUHAN adi Tapa ami, taŭn sidia an ngukum kieh, ka sawŭ Kaam mbŭh ngukum kieh. Pingandai Mai anŭ inŭh batur amai kieh dŭh dingah pinganang Mai.

JONAH 1:14

Jadi ngara nyirais bagan mite turung so TUHAN, “O TUHAN, kieh bidua, dŭhnyah ngukum kieh ngga pinyikabŭs sitagar kieh siŭ daya ati! Kaam, O TUHAN, inŭh adi dapu tanggong di sopŭrŭg kayuh ati; kayuh ati inŭh pingandai adŭp Mai.”

MICAH 4:7

Ngara mbŭh bajang buang jo so ramin arŭn, pak Aku re nggen pluang bauh di ngara adi babŭ udip, ka ngara re jadi bangsa adi bās. Aku re mritah ngara di Sandah Zion so tika anŭ ndŭg situi tui.”

LUKE 1:33

ka Ayŭh re adu adu jadi raja yŭn bara sesang Jacob; pritah-I re dŭh biyŭn pinŭbŭn!”

LUKE 18:13

Pak daya pinsuke anŭ mijog jo, dŭh-i an nyigura ka rangit, pak nupap sudo-i ka nang, ‘Tapa, masi di aku daya bidosa!’

JOHN 5:26

Nimun Sama mbŭh adŭp-I atak udip, simŭnŭ gŭh Ayŭh mbŭh bada Anak-I jadi atak udip.

DITRONOMI 32:4

“TUHAN inŭh pingibān ngan adi bikuasa, sukup kana ka tŭnggŭn darŭm sopŭrŭg kayuh, Tapa ngan inŭh tŭtŭd ngga sawŭ, Ayŭh ndai kayuh adi batur ngga patut.

1 TIMOTHY 1:17

Di Raja adi udip adu adu ka adi dŭh bisa kabŭs buang adi dŭh tatŭng, Ayŭh adi ndi adŭ; di Ayŭh inŭh stabi ngga bragah ndŭg situi tui! Amen.

1 TIMOTHY 6:16

Ayŭh sadi adi udip adu adu; Ayŭh agi darŭm jawa adi mating daya tungang nyindŭk. Gi-mating daya tungang kiris Ayŭh. Di Ayŭh inŭh stabi ngga kuasa adi tan adu adu! Amen.

PINANDŬNG 10:6

ka bipayu ngga adŭn Tapa, adi udip adu adu, adi napa rangit, ong, ka rawŭt, samŭn sopŭrŭg kayuh adi agi dieh. Malaikat anŭ nang, “Dŭhsah tia kajŭn tipuh-i!

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”

PINANDŬNG 4:10

duwŭh puru-pat naan bara nyamba anŭ sidikang nyambah Ayŭh adi guru di takta, Ayŭh adi udip adu adu. Ngara na makota ngara di jawin takta ka nang,

PINANDŬNG 4:9

Barang pat dāng udip anŭ nang ragu bragah ngga puji ka trima kaseh ka sianŭ adi guru di takta, adi udip adu adu. Darŭm ngara biragu sakanŭ,